Dağ keçisi, arxiv şəkli

Ölkədə yoluxucu xəstəlik iddialarına aydınlıq gətirildi - Təhlükəli oyun imiş...

11247
(Yenilənib 16:05 19.11.2018)
Araşdırmalar zamanı məlum olub ki, kənd sakinlərinin rastlaşdığı heyvan leşləri, əslində, qanunsuz ov edən şəxslərin oyunudur

İlham Əhmədov, Sputnik Azərbaycan.

BAKI, 20 noyabr — Sputnik. Son zamanlar sosial şəbəkədə Oğuz rayonu ərazisindəki dağlarda yaşayan dağkəli və digər dağ heyvanlarının kütləvi şəkildə, hansısa xəstəlikdən tələf olması ilə bağlı məlumatlar yayılıb.

Sputnik Azərbaycan-ın bölgə müxbiri yayılan xəbərlərlə bağlı araşdırma aparıb. Məlum olub ki, bu barədə məlumatlar, əsasən, keçən ilin sonlarından başlayaraq, rayonun müxtəlif kəndlərinin sakinləri tərəfindən yayılıb. İddialara görə, rayonun Daşalı və Filfilli kəndlərinin dağlıq hissələrində yaşayan insanlar tərəfindən bu istiqamətdə bir çox çöl heyvanının leşinə rast gəlinib.

Heyvan leşi
© Foto kənd sakinləri tərəfindən təqdim olunub
Heyvan leşi

Oğuz Rayon Baytarlıq İdarəsinin rəisi Şavəddin Ramazanov isə, Sputnik Azərbaycan-a açıqlamasında yayılmış xəbərlərin əsassız olduğunu bildirib: "Yayılmış şayiələr keçən ilin sonlarında olub. Məsələ ilə bağlı dərhal komissiya yaradılıb, komissiya üzvləri dağlara göndərilib. Araşdırmalar zamanı məlum olub ki, kənd sakinlərinin rastlaşdığı heyvan leşləri, əslində, qanunsuz ov edən şəxslərin bir oyunudur".

"Belə ki, ovçular heyvanları ovladıqdan sonra izi itirməyə çalışıblar. Bu məqsədlə də ovlanmış heyvanların dərisini, daxili orqanlarını və digər hissələrini ərazidə saxlayıblar. Məqsədləri isə, heyvanların ovlanaraq yox, guya xəstəlik səbəbi ilə tələf olduğu görüntüsünü yaratmaq olub" – deyə Ş.Ramazanov bildirib.

Heyvan leşi
© Foto kənd sakinləri tərəfindən təqdim olunub
Heyvan leşi

İdarə rəisi onu da vurğulayıb ki, məsələ çox ciddi olduğundan aidiyyatı orqanlara məlumat verilib və qanunsuz ovun qarşısının alınması məqsədilə müəyyən işlər həyata keçirilib.

Yaranmış problemlə bağlı Ekologiya və Təbii Sərvətlər Nazirliyinin Oğuz rayon şöbəsinin rəsmisi Bəhruz Həbibullayevlə də əlaqə saxladıq. O, mütəmadi olaraq dağlarda reydlərin keçirildiyini bildirdi. Qeyd etdi ki, bu reydlər ən çox adları çəkilən kəndlərin, həmçinin digər ərazilərdə də həyata keçirilir.

11247
Teqlər:
Sputnik Azərbaycan, tələfat, kənd, Oğuz rayonu, heyvan
Əlaqədar
Bakı restoranında adı "Qırmızı kitab"a düşən heyvanın əti müştərilərə verilib
Ən qədim heyvan rəsmi aşkarlanıb
Qanunsuz heyvan kəsimi yerləri sökülüb
Balqabaq qonaqlığı: Detroyt zooparkında heyvanlar Hellouini qeyd edib
Gecə vaxtı yol, arxiv şəkli

Xalq artisinin qardaşı intihara cəhd etdi

35
(Yenilənib 21:20 27.11.2020)
Canına qəsd etmək istəyən kişi xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib

BAKI, 27 noyabr - Sputnik. Xalq artisti Əlixan Səmədovun qardaşı, 1966-cı il təvəllüdlü Vəlixan Səmədov özünü Sumqayıtda, Sülh küçəsində avtomobilin altına atıb. 

Sputnik Azərbaycan APA-ya istinadən bildirir ki, canına qəsd etmək istəyən V.Səmədov xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib.  

Faktla bağlı araşdırma aparılır.

35
Teqlər:
xəsarət, avtomobil, intihara cəhd, qardaş, xalq artisti
Narkotik, arxiv şəkli

İranla sərhəddə iki qardaş tutuldu

9
(Yenilənib 17:27 27.11.2020)
Əməliyyat-axtarış tədbirləri nəticəsində dövlət sərhədini pozmaqda şübhəli bilinən Astara rayonunun Rüdəkəran kənd sakini, 1991-ci il təvəllüdlü Məmmədov Mərhəmət Təyyubulla oğlu saxlanılıb.

BAKI, 27 noyabr — Sputnik. Noyabrın 18-də Dövlət Sərhəd Xidmətinin Sərhəd Qoşunlarının "Lənkəran" sərhəd dəstəsinin xidməti ərazisində Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində İran İslam Respublikasından Azərbaycan Respublikası istiqamətində 2 nəfərin dövlət sərhədini pozması əlamətləri aşkarlanıb.

Bu barədə Sputnik Azərbaycan-a Dövlət Sərhəd Xidmətinin Mətbuat Mərkəzindən məlumat verilib.

Əməliyyat-axtarış tədbirləri nəticəsində dövlət sərhədini pozmaqda şübhəli bilinən Astara rayonunun Rüdəkəran kənd sakini, 1991-ci il təvəllüdlü Məmmədov Mərhəmət Təyyubulla oğlu saxlanılıb, onun yaşadığı mənzilə baxış keçirilərkən 0,5 kq narkotik vasitə "heroin" və 115 ədəd "Metadon-40" həbləri aşkar olunaraq götürülüb.

  • Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs
    © State Border Service of Azerbaijan Republic
  • Saxlanılan şəxslərdən götürülən narkotik maddə
    © State Border Service of Azerbaijan Republic
  • Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs
    © State Border Service of Azerbaijan Republic
1 / 3
© State Border Service of Azerbaijan Republic
Astara rayonunun Qapıçıməhəllə kəndi yaxınlığındakı sərhəd zastavasının xidməti ərazisində saxlanılan şəxs

Dindirmə zamanı M.Məmmədov dövlət sərhədini qardaşı, Astara rayonunun Rüdəkəran kənd sakini, 1981-ci il təvəllüdlü Məmmədov Seymur Təyyubulla oğlu ilə birlikdə qanunsuz olaraq keçdiyini etiraf edib.

Daxili İşlər Nazirliyinin Astara rayon şöbəsinin əməkdaşları ilə birgə keçirilmiş kompleks əməliyyat-axtarış tədbirləri nəticəsində S.Məmmədov yaşadığı evdə saxlanılıb, araşdırma zamanı onun əvvəllər dəfələrlə oğurluq cinayəti törətdiyinə görə məhkum olunması müəyyənləşdirilib.

Fakt üzrə cinayət işi başlanılıb, vətəndaş M.Məmmədov və S.Məmmədov təqsirləndirilən şəxs qismində cəlb olunaraq barələrində həbs qətimkan tədbiri seçilib.

Əməliyyat-istintaq tədbirləri davam etdirilir.

9
Teqlər:
qardaşlar, sərhəd, Astara, İran, narkotacir

İşğaldan azad olunan Kəlbəcər şəhərində Azərbaycan bayrağı qaldırılıb - VİDEO

7
(Yenilənib 09:35 28.11.2020)
Azərbaycanın Kəlbəcər rayonu üçtərəfli bəyanatın şərtlərinə uyğun olaraq, noyabrın 25-də erməni işğalından azad edilib.

BAKI, 28 noyabr - Sputnik. İşğaldan azad olunan Kəlbəcər şəhərində Azərbaycan bayrağı qaldırılıb.

Sputnik Azərbaycan-ın xəbərinə görə, bu barədə Müdafiə Nazirliyi məlumat yayıb. Həmin möhtəşəm kadrları təqdim edirik.

7
Teqlər:
Azərbaycan bayrağı, Müdafiə Nazirliyi, Üçtərəfli bəyanat, Kəlbəcərin azad olunması