İntihar kəndiri, arxiv şəkli

Bərdədə dəhşətli faciə: Hamilə arvadına görə inanılmaz addım atdı

1240
(Yenilənib 20:05 13.11.2018)
Cavan oğlan özünü toy mərasimindən sonra evdə qalan qırmızı lentin köməyilə asıb

Ramella İbrahimxəlilova, Sputnik Azərbaycan

BAKI, 13 noyabr — Sputnik. Bərdə rayonunda cavan oğlan hamilə həyat yoldaşını döşəmədə görərkən ağlasığmaz üsula əl atıb. Bu barədə Sputnik Azərbaycan-a Bərdə rayonunun hüquq-mühafizə orqanlarından məlumat verilib.

Faciə rayonun Zümürxan kəndində noyabrın 11-dən 12-nə keçən gecə baş verib. 1997-ci il təvəllüdlü Əmiraslanov Təvəkkül Qəhrəman oğlu yaşadığı evin pilləkəninin altından özünü asıb. Oğlan toy mərasimindən sonra evdə qalan qırmızı lentin köməyilə canına qəsd edib.

Araşdırma zamanı intiharın hansı şəraitdə baş verdiyi məlum olub. Belə ki, həmin gün axşam saat 21:00-da evə gələn Əmiraslanov həyat yoldaşı, səkkiz aylıq hamilə olan 1998-ci il təvəllüdlü Əmiraslanova Aysel Ramiz qızının döşəmənin üstündə uzandığını görüb. Məlum olub ki, həmin vaxt həyat yoldaşının epileptik tutmaları başlayıb. Lakin Əmiraslanov təcili tibbi yardım çağırmaq əvəzinə problemin həllini daha radikal üsula əl atmaqda - həyatdan köçməkdə görüb. Gənc qadın özünə gələndə, əri artıq həyatda yox imiş.

Əldə etdiyimiz məlumata görə, Aysel Əmiraslanova epilepsiyanın yüngül formasından əziyyət çəkirmiş. Əmiraslanovlar bu ilin yanvarında ailə həyatı qurublar.

Hazırda Bərdə rayon prokurorluğu intihar faktını araşdırmaqla məşğuldur.

1240
Teqlər:
kişi, hamilə, intihar, Bərdə
Əlaqədar
Bakının "kabuslu" yaşayış binasında daha bir intihar şoku
Bərdədə gənc qız intihar edib
Bərdədə ahıl kişi intihar edib - SƏBƏB
Tanınmış qəzetin sabiq rəhbəri intihar etdi - SƏBƏB
Şəmkir sakini arvadını baltalayandan sonra intihar etdi
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

25
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

25
Qəza, arxiv şəkli

Bakıda ağır yol-nəqliyyat hadisəsi baş verib

14
(Yenilənib 19:52 25.11.2020)
Bu barədə Bakı Nəqliyyat Agentliyinin mətbuat katibi Mais Ağayev bildirib. Onun sözlərinə görə, minik avtomobili ilə yük avtomobili toqquşub.

BAKI, 25 noyabr - Sputnik. Hava limanı şosesində (“Buta Palace” yaxınlığında şəhər mərkəzi istiqamətində) ağır yol-nəqliyyat hadisəsi baş verib.

Sputnik Azərbaycan xəbər verir ki, bu barədə Bakı Nəqliyyat Agentliyinin mətbuat katibi Mais Ağayev bildirib.

Onun sözlərinə görə, minik avtomobili ilə yük avtomobili toqquşub.

Hazırda yolda sıxlıq var.

14
Teqlər:
Bakı, qəza

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0