Hadisə yerində FHN yanğınsöndürmə maşınları

Bakıda güclü yanğın: Alov məktəb yataqxananı ağuşuna alıb

481
(Yenilənib 14:30 13.11.2018)
Hadisə zamanı 10 nəfər bina sakini xilas olunub, 100 nəfər şagird və 50 nəfər bina sakini təxliyə edilib

BAKI, 13 noyabr — Sputnik. Bakı şəhərinin Binəqədi rayonunda ümumi sahəsi 3600 m² olan üçmərtəbəli binanın 3-cü mərtəbəsində otaqlar, taxtadan ibarət arakəsmələri 132 m² sahədə, dəhliz 168 m² sahədə və binanın dam örtüyü 20 m² (ümumi 320 m²) sahədə yanıb.

Bu barədə Sputnik Azərbaycan-a Fövqəladə Hallar Nazirliyinin (FHN) mətbuat xidmətindən məlumat verilib. Bildirilib ki, binanın hər mərtəbəsi 1200 m²-dir, 2 və 3-cü mərtəbələrdə məcburi köçkünlər məskunlaşıb. 1-ci mərtəbədə isə 45 saylı orta məktəb fəaliyyət göstərir.

Fövqəladə Hallar Nazirliyinin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq xilasetmə qüvvələri qeyd olunan ünvana cəlb olunub. Hadisə zamanı 10 nəfər bina sakini xilas olunub, 100 nəfər şagird və 50 nəfər bina sakini təxliyə edilib.

Binanın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

481
Teqlər:
otaq, bina, yanğın
Əlaqədar
Ölkənin ikinci şəhərində ticarət mərkəzi yanıb külə döndü
Meşə yanğınında ölənlərin sayı 2 dəfədən çox artdı
Yanğın 31 nəfərin həyatına son qoydu