Təcili yardım, arxiv şəkli

Şabranda 13 yaşlı uşağı maşın vurdu

147
(Yenilənib 23:36 12.11.2018)
Hadisəni törədən şəxs kəndin bələdiyyə sədrinin oğludur

Leyla Abdullayeva, Sputnik Azərbaycan

BAKI, 12 noyabr — Sputnik. Şabran rayonunun Uzunboyad kəndi ərazisində axşam saatlarında yol-nəqliyyat hadisəsi baş verib.

Spunik Azərbaycan-ın bölgə müxbirinin verdiyi məlumata görə, kənd sakini Tofiq Rafiq oğlu Muradov idarə etdiyi "VAZ-2107" markalı, 90-XF-512 dövlət nömrə nişanlı minik avtomobili ilə həmkəndlisi, 13 yaşlı Səkinə Ramin qızı İsmayılovanı vurub. Azyaşlı təcili xəstəxanaya yerləşdirilib. Avtomobilin sürücüsü T.Muradov da yüngül xəsarətlər alıb.

Hadisə havanın yağışlı olması səbəbindən maşının qəfil sürüşməsi nəticəsində baş verib.

Onu da qeyd edək ki, T.Muradov kəndin bələdiyyə sədrinin oğludur.

Faktla bağlı Şabran Rayon Polis Şöbəsində araşdırma aparılır.

147
Teqlər:
Şabran rayonu, azyaşlı, qəza, avtomobil
Çaykənd kəndində duman, arxiv şəkli

Dağlarda duman, yağış - Sabahın havası

3
(Yenilənib 14:28 20.09.2021)
Havanın temperaturu gecə 16-21, gündüz isə 28-33, dağlarda gecə 9-14, gündüz isə 17-22 dərəcə olacaq.

BAKI, 20 sentyabr — Sputnik. Sentyabrın 21-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Xidmətindən Sputnik Azərbaycan-a verilən məlumata görə, mülayim şimal-qərb küləyi əsəcək.

Havanın temperaturu gecə 20-22, gündüz 26-29, Bakıda gecə 20-22, gündüz 26-28 dərəcə olacaq.

Atmosfer təzyiqi 761 mm civə sütunundan 758 mm civə sütununa enəcək. Nisbi rütubət 60-70%, gündüz 40-45% olacaq.

Azərbaycanın rayonlarında isə havanın əsasən yağmursuz keçəcəyi gözlənilir. Lakin axşam saatlarında bəzi dağlıq ərazilərdə şimşək çaxacağı, arabir qısamüddətli yağış yağacağı gözlənilir. Səhər dağlarda duman olacaq. Qərb küləyi əsəcək.

Havanın temperaturu gecə 16-21, gündüz 28-33, dağlarda gecə 9-14, gündüz 17-22 dərəcə olacaq.

Həmçinin oxuyun:

Qarşıdakı həftənin ilk gününün hava proqnozu

Hava kütlələri idarə olunur - azərbaycanlı ekoloq

3

Türkiyədə azərbaycanlı qadın qətlə yetirildi

12
Axtarışlar zamanı məlum olub ki, qətli törədən Duran Yaşar Kayseriyə gedib və orada özünü qatarın altına ataraq intihar edib.

BAKI, 19 sentyabr — Sputnik. Türkiyədə azərbaycanlı qadın qətlə yetirilib. Sputnik Azərbaycan Türkiyə mediasına istinadən xəbər verir ki, hadisə Nevşehirdə baş verib. Belə ki, azərbaycanlı qadın Tərhanə Yaman evinə getdiyi tanışı tərəfindən öldürülüb. İki uşaq anası olan 53 yaşlı T.Yaman Avanos bölgəsində yaşayan Duran Aşar adlı tanışının evinə gedib. Tərəflər arasında bilinməyən səbəbdən baş vermiş mübahisə qanla bitib.

Ev sahibi Duran Aşar ov tüfəngi ilə qadına atəş açıb və öldürüb. O, daha sonra evi tərk edib.

Yamandan xəbər ala bilməyən yaxınları Duran Aşarın evinə yollanıb və qapısı açıq evdə Tərhanənin meyiti ilə qarşılaşıblar. Hadisə yerinə polis çağırılıb.

Axtarışlar zamanı məlum olub ki, qətli törədən Duran Yaşar Kayseriyə gedib və orada özünü qatarın altına ataraq intihar edib. Hadisə ilə bağlı araşdırmalar davam etdirilir.

12
Teqlər:
qətl, Türkiyə, qadın

Vladimir Putin özünü əla hiss edir

1898
(Yenilənib 14:57 20.09.2021)
Rusiya Prezidenti ətrafında koronavirusa yoluxma hallarının artması səbəbindən karantin rejimindədir və özünü əla hiss edir.

BAKI, 20 sentyabr — Sputnik. Özünütəcrid rejimində olan Rusiya Prezidenti Vladimir Putin özünü əla hiss edir.

Sputnik Azərbaycan xəbər verir ki, bunu Kremlin mətbuat katibi Dmitri Peskov deyib.

"Prezident özünü əla hiss edir, işləyir. Lakin bu həftə tədbirlər əsasən videokonfrans rejimində keçiriləcək", - deyə Rusiya Prezidentinin mətbuat katibi bildirib. 

14.09.2021 - 113:31

Vladimir Putin özünü təcrid etdi

Rusiya Prezidenti Vladimir Putin ətrafında koronavirusa yoluxma hallarının artması səbəbindən özünütəcrid rejiminə əməl etməli olduğunu bildirib. Bu barədə RİA Novosti Kremlə istinadla məlumat yayıb.

Qeyd edək ki, Rusiya Prezidenti ötən il "Sputnik-V" peyvəndi vurdurduğunu və prosesdən sonra özünü yaxşı hiss etdiyini bildirmişdi.

Xatırladaq ki, digər dövlət başçılarından fərqli olaraq Vladimir Putin peyvənd olunarkən foto çəkdirməmişdi.

1898