Lənkəranda güclü yağışın törətdiyi fəsadlar

Cənub bölgəsində fövqəladə vəziyyət yaranıb, sakinlər təxliyə olunur - FOTO/VİDEO

7223
(Yenilənib 17:27 12.11.2018)
Güclü yağış və sel Lənkəranı ağuşuna alıb, altı kənd su altında qalıb

Rahim Zakiroğlu, Sputnik Azərbaycan

BAKI, 12 noyabr — Sputnik. Cənub zonasına ötən gün axşam saatlarından etibarən yağmağa başlayan leysan nəticəsində Lənkəranın bir neçə kəndi su altında qalıb. Sputnik Azərbaycan-ın bölgə müxbirinin verdiyi məlumata görə, rayonun Şovu, Şağlakücə, Bürcəli, Səpnəkəran, Türkəkəran və Yuxarı Nüvədi kəndlərini su basıb.

Fövqəladə Hallar Nazirliyinin (FHN) Cənub Regional Mərkəzinin xilasediciləri evlərdə köməksiz vəziyyətdə qalmış kənd sakinlərini qayıqlarla təxliyə ediblər.

  • Lənkəranda güclü yağışın törətdiyi fəsadlar
    Lənkəranda güclü yağışın törətdiyi fəsadlar
    © Sputnik / Rahim Murad
  • Lənkəranda güclü yağışın törətdiyi fəsadlar
    Lənkəranda güclü yağışın törətdiyi fəsadlar
    © Sputnik / Rahim Murad
  • Lənkəranda güclü yağışın törətdiyi fəsadlar
    Lənkəranda güclü yağışın törətdiyi fəsadlar
    © Sputnik / Rahim Murad
  • Lənkəranda güclü yağışın törətdiyi fəsadlar
    Lənkəranda güclü yağışın törətdiyi fəsadlar
    © Sputnik / Rahim Murad
  • Lənkəranda güclü yağışın törətdiyi fəsadlar
    Lənkəranda güclü yağışın törətdiyi fəsadlar
    © Sputnik / Rahim Murad
  • Lənkəranda güclü yağışın törətdiyi fəsadlar
    Lənkəranda güclü yağışın törətdiyi fəsadlar
    © Sputnik / Rahim Murad
1 / 6
© Sputnik / Rahim Murad
Lənkəranda güclü yağışın törətdiyi fəsadlar

Lənkəran Rayon İcra Hakimiyyəti başçısının 1-ci müavini, Rayon Fövqəladə Hallar Komissiyasının sədri Möhübbət Babayevin Sputnik Azərbaycan-a verdiyi məlumata əsasən, leysan yağışları rayonun dağlıq və dağətəyi ərazilərinə daha çox yağıb. Nəticədə su dağlıq ərazidən dağətəyi ərazilərdəki kəndlərin ərazisinə dolub.

"Bu haqda məlumat alan kimi, dərhal Fövqəladə Hallar Komissiyası toplandı. Ondan artıq ağır texnika və canlı qüvvə cəlb edilərək su basmış əraziyə göndərildi. Əraziyə eləcə də FHN-nin Cənub Regional Mərkəzinin əməkdaşları cəlb edilib" - müsahibimiz bildirib.

"10-dan artıq ailə su basmış evlərdən təxliyə edilib. Suyun istiqamətini dəyişmək üçün ağır texnikadan istifadə edilir. Fövqəladə Hallar Komissiyası gücləndirilmiş iş rejimində işləyir və vəziyyət nəzarətimiz altındadır. Əsas məqsədimiz insan tələfatının qarşısını almaqdır. Sonra isə vətəndaşlara dəyən maddi ziyan və digər məsələlərə baxılacaq" – deyə Möhübbət Babayev əlavə edib.

Məlumat üçün bildirək ki, Ələt-Astara magistral avtomobil yolunun Lənkəran rayonunun Yuxarı Nüvədi, Səpnəkəran və Bürcəli kəndləri ərazisindən keçən bir neçə hissəsini sel suyu basıb.

Lənkəran Regional Hidrometeorologiya Müəssisəsinin direktoru Cavid Hüseynov Sputnik Azərbaycan-ın bölgə müxbirinə bildirib ki, yağan yağış aylıq normanın 60-70%-ni təşkil edir: "Yağış ən çox Lənkəran ərazisində yağıb. Bu saata kimi, təxminən, 110 mm yağış düşüb. Yağış ayın 13-ə kimi davam edəcək, 14 noyabr tarixində günün ikinci yarısından sonra isə yenidən yağmağa başlayacaq".

"Bəzi yerlərdə isə leysan xarakterli olacaq. Yüksək dağlıq ərazilərdə qar yağacağı ehtimalı var. Çaylarda suyun səviyyəsi 1metrə yaxın artıb" - C.Hüseynov vurğulayıb.

Qeyd edək ki, ötən gün axşam saatlarından yağan yağış, əsasən, Lənkəran və Astara rayonlarının ərazisinə düşüb. Hazırda yağış bir qədər səngiyib.

7223
Teqlər:
Fövqəladə Hallar Komissiyası, Lənkəran, su, yağış, sel
Əlaqədar
Ehtiyatınızı tutun: Bu ay güclü yağışlar olacaq
Yağış Badamdarda torpaq axınına səbəb oldu
Yağış Bakının mərkəzi küçələrində hərəkəti "iflic etdi"
PPX

Bakıda koronavirus xəstəsi işindən oldu

27
(Yenilənib 17:47 03.12.2020)
Rayon ərazisində ictimai yerdə əmək fəaliyyəti ilə məşğul olan aktiv COVID-19 xəstəsi, Bakı şəhər sakini Rəşad Səfərov müəyyən olunaraq saxlanılıb

BAKI, 3 dekabr — Sputnik. Bakıda ictimai yerdə əmək fəaliyyəti ilə məşğul olan koronavirus xəstəsi aşkarlanıb. Daxili İşlər Nazirliyinin Mətbuat xidmətindən Sputnik Azərbaycan-a verilən məlumata görə, Səbail Rayon Polis İdarəsinin (RPİ) 8-ci Polis Bölməsinin (PB) əməkdaşları tərəfindən rayon ərazisində ictimai yerdə əmək fəaliyyəti ilə məşğul olan aktiv COVID-19 xəstəsi, Bakı şəhər sakini Rəşad Səfərov müəyyən olunaraq saxlanılıb. Polis əməkdaşları tibbi prosedurları gözləməklə onu yaşadığı evə qaytarıblar.

Onun barəsində Səbail RPİ-nin İstintaq şöbəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb, istintaq araşdırmaları davam etdirilir.

27
Teqlər:
patrul, Bakı, xəstə, Koronavirus, epidemiya, COVID-19
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Qəza, arxiv şəkli

Ölümlə başlamamalı idi: Azad edilmiş Zəngilanda ilk yol qəzası

39
İmişli rayon sakini Nicat Qasımov idarə etdiyi "Shacman" markalı yük avtomobilini Oxçu çayının rayon ərazisindən keçən hissəsində körpüdən aşırıb

BAKI, 3 dekabr — Sputnik. Zəngilanda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən Sputnik Azərbaycan-a verilən xəbərə görə, İmişli rayon sakini Nicat Qasımov idarə etdiyi "Shacman" markalı yük avtomobilini Oxçu çayının rayon ərazisində keçən hissəsində körpüdən aşırıb. Ağır xəsarət alan sürücü hadisə yerində ölüb. Faktla bağlı Zəngilan Rayon Polis Şöbəsi tərəfindən araşdırma aparılır.

39
Teqlər:
sürücü, ölüm, çay, yük avtomobili, qəza, yol, Zəngilan
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0