Balta, arxiv şəkli

Şəmkir sakini arvadını baltalayandan sonra intihar etdi

348
(Yenilənib 03:52 08.11.2018)
Faktla bağlı Şəmkir rayon Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma aparılır

BAKI, 8 noyabr — Sputnik. Şəmkirdə ər həyat yoldaşını baltalayıb. Sputnik Azərbaycan "Report"a istinadla xəbər verir ki, hadisə rayonun Aşağı Seyfəli kəndində qeydə alınıb.

Kənd sakini, 1988-ci il təvəllüdlü Əliyev Ələkbər Müzəffər oğlu balta ilə həyat yoldaşı, 2000-ci il təvəllüdlü Mehdixanova Nərmin Famil qızının baş nahiyəsinə bir neçə zərbə endirərək, ona ağır xəsarət yetirib. Qadın Gəncə şəhər Təcili Tibbi Yardım Xəstəxanasının travmatologiya şöbəsinə yerləşdirilib. Onun vəziyyətinin orta-ağır olduğu bildirilir.

Olaydan sonra həyat yoldaşına baltayla xəsarət yetirən ər intihar edib. Ələkbər Əliyev özünü asıb. Onun meyiti yaşadıqları evin həyətindəki xurma ağacından asılı vəziyyətə tapılıb.

İlkin məlumatlara görə, N.Mehdixanova ilə Ə. Əliyev yeni ailə qurublar. Hadisənin başvermə səbəbi hələ məlum deyil.

Faktla bağlı Şəmkir rayon Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma aparılır.

348
Teqlər:
intihar, arvad, ər, balta, Şəmkir
Əlaqədar
Bu dəfə qadın kişiyə balta yox, bıçaq zərbəsi endirdi
Bakıda qadın həyat yoldaşını balta ilə qətlə yetirdi
Jurnalistlərə balta ilə hücum etdilər
Dəhşətli cinayət - oğul ailənin 4 üzvünü balta ilə öldürdü