Polis şöbəsi

“Qəzaya” düşən Bərdə sakininin müdhiş fırıldağı üzə çıxdı

433
(Yenilənib 17:43 05.11.2018)
Bərdə polisi firmanın pullarını mənimsəyən və qəza ilə bağlı hekayə uyduran dələduzu saxlayıb

BAKI, 5 noyabr — Sputnik. Bərdə rayon Polis Şöbəsinin əməkdaşları firmanın pullarını mənimsəyən və qəza ilə bağlı hekayə uyduran dələduzu saxlayıb. Bu barədə Sputnik Azərbaycan-a AR Daxili İşlər Nazirliyinin Mətbuat Xidmətindən məlumat verilib.

Bərdə rayonunda yerləşən şirkətlərdən birinin maliyyə mütəxəssisi M.Cəfərov noyabrın 2-də axşam saatlarında polisə müraciət edərək bildirib ki, onun “Mercedes” markalı avtomobili Çayırlı kəndi ərazisində yol kənarındakı elektrik dirəyinə dəyib. Cəfərovun sözlərinə görə, yol-nəqliyyat hadisəsi zamanı o, huşunu itirib. O, özünə gələndə avtomobilin siyirtməsindəki firmaya məxsus 52 min manatı tapmayıb.

Cinayət-axtarış bölməsinin əməkdaşları faktı araşdırarkən Cəfərovun yalan danışdığını müəyyən ediblər. Məlum olub ki, o, firmaya məxsus həmin məbləği mənimsəyib. Polis sözügedən pulu Cəfərovun qohumunun - Ağdam rayon sakininin evindən tapıb. Oğurlanmış pullar şirkətə geri qaytarılıb.

Cəfərov isə saxlanılıb. Hazırda faktla bağlı araşdırma davam edir.

433
Teqlər:
pul, polis, Daxili İşlər Nazirliyi, dələduz, Bərdə
Əlaqədar
Vətəndaşa 60000 manat “atan” dələduz yaxalandı
Dələduz-müəllim olmayan avtomobillərə görə 16 milyon qazandı
Ərəb turistlərin dələduz "pərvanələri"
Paytaxt prokurorluğu dələduz əməkdaşı barədə açıqlama yaydı
İnsanları “instituta qəbulla” aldadan dələduz ələ keçdi