Bıçaqla zərbə

Keçmiş məhkumu ağır yaraladılar: Hadisənin harada kimin törətdiyi naməlumdur

81
(Yenilənib 20:21 18.10.2018)
Bu sutka ərzində Bakıda iki bıçaqlanma hadisəsi qeydə alınıb.

BAKI, 18 oktyabr — Sputnik. Ötən sutka ərzində Bakıda iki bıçaqlanma hadisəsi qeydə alınıb. Nəsimi rayon Polis İdarəsi oktyabrın 17-də günorta saatlarında törədilmiş bıçaqlama hadisəsini araşdırır.

Nəsimi RPİ-dən Sputnik Azərbaycan-a verilən məlumata görə, hələlik yalnız o məlumdur ki, 1990-cı il təvəllüdlü paytaxt sakini Məmmədov Məmməd Fərhad oğlu qarın nahiyəsindən aldığı bıçaq yarası ilə Kliniki Tibbi Mərkəzə gətirilib.

Qandallanmış adam, arxiv şəkli
© Sputnik / Vitaliy Belousov
Araşdırma zamanı Məmmədovun əvvəllər oğurluq üstündə məhkum olduğu üzə çıxıb. Hazırda onun kim tərəfindən və harada bıçaqlandığı məlum deyil. Nəsimi RPİ-nin 19-cu polis bölməsinin əməkdaşları bunu araşdırmaqla məşğuldurlar. Şübhəlinin şəxsiyyəti dəqiqləşdirilir.

Qeyd edək ki, bu sutka ərzində daha bir bıçaqlanma hadisəsi də Qaradağ rayonunda qeydə alınıb. Qaradağ RPİ-dən Sputnik Azərbaycan-a verilən məlumata görə, 1989-cu il təvəllüdlü Dadaşov Elnur Eldar oğlu Lökbatan qəsəbəsində sinəsindən bıçaq zərbəsi alıb. O, Kliniki Tibbi Mərkəzə aparılıb. Görülən tədbirlər nəticəsində oktyabrın 17-də Qaradağ RPİ-nin əməkdaşları Lökbatan sakinini bıçaqlamaqda şübhəli bilinən şəxsi saxlayıb. Məlum olub ki, o, yerli sakin, 2001-ci il təvəllüdlü Şahbalayev İkram Hikmət oğludur.

İlkin məlumatlara görə, bıçaqlanmadan bir qədər əvvəl həmin gənclər qəsəbədəki kafedə oturaraq birlikdə spirtli içki qəbul ediblər. Sonra sərxoş vəziyyətə düşmüş gənclər kafeni tərk ediblər. Küçədə onların arasında mübahisə yaranıb. Mübahisə söyüş və münaqişə ilə əvəzlənib, bıçaqlanma ilə nəticələnib. Qəsdən sağlamlığa ağır ziyan vurmaqla bağlı cinayət işi açılıb. İşlə bağlı araşdırma davam edir.

81
Teqlər:
Qaradağ rayon Polis İdarəsi, Nəsimi rayon Polis İdarəsi, bıçaqlanma hadisəsi, Bakı
Əlaqədar
Mingəçevirdə məcburi köçkün gənc bıçaqlandı
Adam “nəfəs almaq” üçün başını bıçaqla deşdi – VİDEO
Dəhşətli qətl baş verdi, atasını balta və bıçaqla öldürdü
Bakı metrosunda həyəcanlı anlar: Ər arvadını hamının gözü qarşısında bıçaqladı
Bakıda kişi arvadını bıçaqladı, qayınanasını öldürdü
 Yevlaxda üzərinə ağac aşan “Ford” markalı yük avtomobili

Yevlaxda körpüyə girməyə hazırlaşan avtomobilin üzərinə ağac aşdı

20
(Yenilənib 20:38 15.01.2021)
Təbiətin şıltaqlığı bu gün Yevlax şəhərində az qala insanların xəsarət alması ilə nəticələnə bilərmiş.

Rahim Məmmədov, Sputnik Azərbaycan

BAKI, 15 yanvar — Sputnik. Günorta saatlarında güclənən külək Yevlaxda iki iri gövdəli qovaq ağacını aşırıb. Təbiət hadisəsi zamanı ağaclardan biri yük avtomobilin üzərinə düşüb. Sputnik Azərbaycan xəbər verir ki, hadisə Yevlax rayonu ərazisində, Kür çayının üzərində yerləşən körpünün yaxınlığında qeydə alınıb.

© Sputnik / Rahim Mammadov
Yevlax rayon sakini Vüsal Ələkbərov

Rayon sakini Vüsal Ələkbərov idarə etdiyi “Ford” markalı yük avtomobili ilə körpüyə daxil olmaq üçün növbə gözləyən zaman quru ağac onun avtomobilinin üzərinə aşıb. Hadisə zamanı sürücü və yanında olan sərnişin xəsarət almasa da avtomobilə ciddi ziyan dəyib. Sürücü hadisənin qəfildən baş verdiyini, maşını hərəkətə gətirməyə çalışan zaman artıq ağacın düşdüyünü bildirib:

© Sputnik / Rahim Mammadov
Yevlaxda üzərinə ağac aşan “Ford” markalı yük avtomobili

“Xaldan qəsəbəsindən gəlirdim. Körpüyə çatanda qarşıdan gələn maşın gördüm, ona görə körpüdən bir az aralı dayandım. Bərk külək əsirdi, qəfildən quru ağac maşının üstünə düşdü. Ön şüşəni sındırdı, maşının üstünü əzdi. Şüşə qırıqları içəri tökülüdü. Yaxşı ki, hələ özümüzə heç nə olmadı”.

Qeyd edək ki, bölgədə külək günorta saatlarından şiddətlənib.

20
Охотничья винтовка типа Винчестер, архивное фото

Ata oğlunu güllələyib: "Onu öldürmək fikrim olmayıb"

31
(Yenilənib 14:24 15.01.2021)
Vaqona dəydikdən sonra güllənin qırmalarından bir neçəsi Ürfana dəyib. 37 yaşlı Ürfan Məmmədov sol göz nahiyyəsindən xəsarət alıb.

Leyla Abdullayeva, Sputnik Azərbaycan

BAKI, 15 yanvar — Sputnik. Ata ilə oğul arasında mübahisə güllələnməyə səbəb oldu. Hadisə Şabran rayonunun Pirəmsən kəndində baş verib.

Kənd sakini Teyyub Məmmədovla oğlu Ürfan Məmmədov arasında mübahisə baş verib. Oğlu ilə mübahisə edən Teyyub Məmmədov onu qorxutmaq məqsədilə özündəki tüfənglə həyətdəki vaqona atəş açıb.

Vaqona dəydikdən sonra güllənin qırmalarından bir neçəsi Ürfana dəyib. 37 yaşlı Ürfan Məmmədov sol göz nahiyyəsindən xəsarət alıb. Yaralı dərhal Şabran rayon Mərkəzi Xəstəxanasına aparılıb və ona ilk tibbi yardım edilib.

Ürfan Məmmədov vəziyyətinin stabil olduğu deyilir. Polis əməkdaşları tərəfindən saxlanılan Teyyub Məmmədov isə polis şöbəsinə aparılıb. Hadisənin təfərrüatları araşdırılır. Ata ilkin olaraq oğlunu öldürmək üçün deyil, qorxutmaq üçün güllə atdığını deyib.

31
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0