Ov tüfəngi, arxiv şəkli

Şabranda gənc oğlanın güllələnməsi ilə bağlı yeni xəbər gəldi

399
(Yenilənib 10:01 14.10.2018)
Mahir Şıxəliyev öz həmkəndlisi və dostu, 2003-cü il təvəllüdlü Bağırov Elçin Gülbaba oğlu tərəfindən vurulub

BAKI, 14 oktyabr — Sputnik. Xəbər verdiyimiz kimi, dünən Şabran rayonunda 18 yaşlı oğlan ov zamanı güllələnib.

İlkin xəbərdə Şabran rayon Zeyvə kənd sakini, 2000-ci il təvəllüdlü Şıxəliyev Mahir Məmmədi oğlunun ehtiyatsızlıq səbəbindən özünü vurması bildirilirdi.

Sputnik Azərbaycan-ın bölgə müxbirinin məlumatına görə, güllələnmə hadisəsi ilə bağlı xəbər dəqiqləşdirilib. Belə ki, Şabran Rayon Prokurorluğunda aparılan araşdırma zamanı məlum olub ki, Mahir Şıxəliyev öz həmkəndlisi və dostu, 2003-cü il təvəllüdlü  Bağırov Elçin Gülbaba oğlu tərəfindən vurulub.

Hər iki dost ov edib və M. Şıxəliyev ovladıqları quşu bişirən zaman dostu Elçin Bağırov tüfənglə məşğul olub. Bu zaman onun barmağı  tətiyə ilişib, 6-7 metr məsafədən dostunun üz nahiyəsinə atəş açıb.

M. Şıxəliyev xəstəxanada dünyasını dəyişib.

Hazırda olayla bağlı araşdırma aparılır.

399
Teqlər:
gənc oğlan, Şabran rayonu, ov, ölüm, güllələnmə, atəş, xəstəxana
Əlaqədar
Şabranda əsgər gedən oğlan özünü güllələdi

Təhsil şöbəsinin müdiri iki gündür xəstəxanadadır

40
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

40
 Xəstəxana, arxiv şəkli

Xaçmazda qətl, döyülən qadın xəstəxanada öldü

62
(Yenilənib 14:57 11.08.2020)
İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

BAKI, 11 avqust — Sputnik. Dünən günorta saatlarında Xaçmaz rayonu ərazisində Raisa Rəşidovanın aldığı bədən xəsarətləri nəticəsində xəstəxanada ölməsi barədə məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xaçmaz rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Rəşad Rəşidov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri həyata keçirilir.

62
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0