Qəzaya uğrayan avtobus, arxiv şəkli

Bakıda növbəti avtobus qəzası: Ölən var

3230
(Yenilənib 13:42 13.10.2018)
Faktla bağlı Sabunçu rayon Polis idarəsi tərəfindən araşdırma aparılır

BAKI, 13 oktyabr — Sputnik. Bakıda sərnişin avtobusunun qəza törətməsi nəticəsində bir nəfər ölüb.

Sputnik Azərbaycan-ın məlumatına görə, Daxili İşlər Nazirliyinin xəbərində bildirilir ki, oktyabrın 12-də saat 22 radələrində Sabunçu rayonunun Bakıxanov qəsəbəsi ərazisində Bakı şəhər sakini Şaməddin Cəfərov idarə etdiyi “Daewoo” markalı 208 saylı xətt avtobusunu qarşıda gedən paytaxt sakini Vüqar Eyyubovun idarə etdiyi MAN markalı yük avtomobilinə vurub. Nəticədə MAN markalı avtomobilin arxa hissəsində olan fəhlə Eldar Bayramov hadisə yerində ölüb.

Faktla bağlı Sabunçu rayon Polis idarəsi tərəfindən araşdırma aparılır.

Qeyd edək ki, son günlər bir neçə avtobus ölümlə nəticələnən qəzalar törədib. Bakıda DYP-nin keçirdiyi reyd nəticəsində isə 100-ə yaxın avtobus sürücüsünün reysə müayinədən keçmədən çıxdığı məlum olub.

3230
Teqlər:
sərnişin avtobusu, Bakıxanov qəsəbəsi, ölüm, qəza