Uşaq

Dini sektaya qoşulan ailənin övladı Bakı məktəbində dəhşətli əmələ əl atıb

1430
(Yenilənib 12:23 11.10.2018)
"Uşaqların babası artıq məktəb rəhbərliyini xəbərdar edib ki, onun oğlu dini sektaya qoşulub"

Ramella İbrahimxəlilova, Sputnik Azərbaycan

BAKI, 11 oktyabr — Sputnik. Oktyabrın 10-da Bakı məktəblərindən birində xoşagəlməz hadisə qeydə alınıb. Üçüncü sinif şagirdi məktəbin pəncərəsindən özünü atmağa cəhd edib. Bu barədə Sputnik Azərbaycan-a Qaradağ Rayon Polis İdarəsindən məlumat verilib.

Hadisə Ələt qəsəbəsində yerləşən 302 saylı məktəbdə qeydə alınıb. Səhər saat 08:50-də üçüncü sinif şagirdi, 2010-cu il təvəllüdlü A.Q. məktəb binasının üçüncü mərtəbəsində pəncərəyə çıxaraq bəyan edib ki, özünü öldürmək istəyir. Xoşbəxtlikdən uşağı xilas etmək mümkün olub. Hazırda Qaradağ Rayon Prokurorluğu faktla bağlı araşdırma aparır.

Bununla yanaşı, 302 saylı məktəbdən Sputnik Azərbaycan-a bildiriblər ki, yerində aparılan araşdırma zamanı uşağın radikal islam tərəfdarları olan valideynlərinin neqativ təsiri altında olduğu təsbit edilib.

"Hadisə tənəffüs zamanı baş verib. Üşüncü sinif şagirdi 3-cü mərtəbəyə qaçaraq pəncərəyə dırmaşıb və özünü oradan atmağa cəhd göstərib. Bu uşaq daim dərslərindən axsayır və məlum olub ki, onun valideynləri qatı dindardırlar" — deyə məktəbdən bildiriblər.

"Bütün baş verənlər məhz uşağın valideynlərinin dini baxışları ilə bağlıdır. Bununla yanaşı, bizim məktəbin 2-ci sinfində həmin şagirdin qardaşı da təhsil alır. Uşaqların babası artıq məktəb rəhbərliyini xəbərdar edib ki, onun oğlu dini sektaya qoşulub" — məktəbdən əlavə olunub.

Baba məktəb direktorundan xahiş edib ki, o, nəvələrinin təhsilinə nəzarət eləsin. Direktor hətta bu uşaqların evində olub və onların valideynləri ilə söhbət edib. Bu uşaqlarla işləmək üçün, hətta psixoloq və müəllimlər də prosesə cəlb edilib.

"Bütün bunlara baxmayaraq, uşaqlar dərslərdə axsayır, çətinlik çəkirlər və dəfələrlə dəsrdən qaçmağa cəhd göstəriblər" — deyə məktəbdən vurğulanıb.

Hazırda müvafiq qurumlar intihar etmək istəyən oğlanın valideynlərinin hansı şübhəli məzhəbə cəlb edildiyini yoxlayırlar.

1430
Teqlər:
sinif, Sputnik Azərbaycan, şagird, intihar, məktəb, uşaq
Əlaqədar
Bakı sakini sosial şəbəkəyə görə intihara cəhd edib
Bərdədə gənc qız intihar edib
İki intiharın qarşısı alındı, biri Xırdalanda, o biri Tovuzda
Bərdədə ahıl kişi intihar edib - SƏBƏB
Məşhur mağazalar şəbəkəsinin rəhbərinin intihar etdiyi açıqlanıb - RƏSMİ

Azərbaycanda minaların partlaması nəticəsində 535 mülki şəxs ölüb

6
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

6
Hadisə yerində

İranlı nüvə alimin ölümündə yeni detallar

10
Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var.

BAKI, 30 noyabr — Sputnik. İranın nüvə alimi Möhsün Fəxrizadənin qətlində istifadə olunan silah İsraildə istehsal olunub. Sputnik Azərbaycan xəbər verir ki, bu barədə İranın "Press TV" telekanalı mənbəyə istinadən xəbər verir.

"Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var".

Xatırladaq ki, noyabrın 27-də Tehranın şimal şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

İran alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif bildirib.

İran Prezidenti, həmçinin qeyd edib ki, bu cinayət İranın atom sahəsindəki inkişafına təsir etməyəcək.

10
Teqlər:
İsrail, İran, Məhəmməd Cavad Zərif, Həsən Ruhani, Tehran, iranlı, alim, qətl
Baş Prokurorluq

Baş Prokurorluq əhaliyə müraciət etdi - səbirli olun

0
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

0
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər