“Qanuni oğrular “Lotu Quli” ilə görüşdə

İstanbulda tutulan azərbaycanlı "qanuni oğru" ilə bağlı yeni ilginc faktlar

1470
(Yenilənib 15:22 09.10.2018)
Türkiyə polisinin Lotu Qulini niyə saxladığı məlum oldu

Ramella İbrahimxəlilova, Sputnik Azərbaycan

BAKI, 9 oktyabr — Sputnik. Azərbaycanlı kriminal avtoritet, kriminal aləmdə Lotu Quli ləqəbi ilə məşhur olan "qanuni oğru" Nadir Səlifov İstanbul polisinə "qanuni oğru" Rövşən Canıyevin (Rövşən Lənkəranski) qətlində əlinin olub-olmadığının araşdırılması, eləcə də bununla bağlı ifadəsinin alınması məqsədilə aparılıb. Mafiya başçısının klanının üzvləri onun azad ediləcəyini gözləyirlər.

Bu barədə Sputnik Azərbaycan-a İstanbuldakı kriminal dairələrə yaxın mənbə məlumat verib. Daha əvvəl də verdiyimiz xəbərə görə, İstanbul polisi oktyabrın 8-də "qanuni oğru" Nadir Səlifovu saxlayıb. Türkiyə KİV-lərinin yaydığı məlumatda bildirilir ki, Lotu Quli İstanbul Əmniyyət Müdirliyinin Mütəşəkkil Cinayətkarlıqla Mübarizə Şöbəsinin diqqətini Rusiya KİV-lərində yayılan informasiyalar əsasında cəlb edib. Həmin informasiyalarsa ondan ibarətdir ki, azərbaycanlı kriminal avtoritet Türkiyədən internet vasitəsilə videobağlantı quraraq Rusiyanın Kaluqa vilayətindəki topdansatışla məşğul olan iş adamlarından xərac toplayır.

Mənbənin sözlərinə görə, son zamanlar KİV Nadir Səlifovun adını həddindən artıq hallandırır. Məhz oktyabrın 7-də Rusiya nəşrləri Rusiya bazarlarında təsir dairələrinin yenidən bölüşdürülməsinin Səlifovun xeyrinə olduğunu yazmışdı. Quli "Skype" vasitəsilə və onun əvəzindən vəziyyətə nəzarət edən şəxslərin köməyi ilə iri azərbaycanlı sahibkarlarla əlaqəyə girərək onlardan hər ay ona 2-4 milyon rubl məbləğində xərac verməyi tələb edib.

Bununla yanaşı, deyilənə görə, Səlifov Moskvadakı nəhəng "Food City" aqroklasterindəki sahibkarlar üzərində nəzarəti tamamilə ələ keçirib. Əvvəllər bu ticarət bazasını Rövşən Canıyevin yaxın qohumu Zaur Əhmədov "himayə" edirdi. Bu aqroklasterə nəzarət uğrunda gedən amansız mübarizə Səlifovun qələbəsi ilə başa çatıb.

Türkiyənin hüquq-mühafizə orqanlarını təkcə Səlifovun Rövşən Lənkəranskinin ölümündə iştirak edib-etmədiyi maraqlandırmır. Eyni zamanda, bütün bu söhbətlər və onun mobil tətbiqlər vasitəsilə idarə etdiyi cinayətkar qruplaşmanın Türkiyə ərazisindəki üzvləri barədə məlumatlar maraqlandırır.

Lənkəranskinin qətlinə gəlincə, qeyd etmək lazımdır ki, İstanbul əməliyyatçılarında bu barədə birbaşa sübutlar yoxdur, yalnız ehtimallar var.

Mövcud versiyalardan birinə görə, Rövşən Lənkəranskini Lotu Qulinin adamları "aradan götürüblər". Çünki Canıyev öz əlaltılarına "qanuni oğru" "Qoca Yasamalski"ni (Əlibala Əlisəftar oğlu Həmidov) öldürməyi əmr edib. 18 avqust 2013-cü ildə altı nəfər maskalı silahlı şəxs İstanbulun Baxçaşəhər səmtindəki yaşayış binasının ərazisinə daxil olaraq bir neçə atəşlə Həmidovu və onun 29 yaşlı rəfiqəsi, Rusiya vətəndaşı Asiyət Alaşovanı ağır yaralayıb. Həmidov xəstəxanaya aparılarkən yolda ölüb və ölərkən Alaşovaya sadəcə bir kəlmə — Rövşən deyib.

Мужчина в наручниках, фото из архива
© Sputnik / Anar Mustafayev

Əlibala Həmidov Nadir Səlifovun klanına daxil olub. Ehtimal var ki, Quli Bakıdakı 8 saylı cəzaçəkmə müəssisəsində oturarkən Həmidovun ölümünə görə Canıyevi aradan götürməyi əmr edib. Lakin Quli özü Lənkəranskinin qətlində əlinin olduğunu inkar edir.

İstanbuldakı mənbənin sözlərinə görə, hüquq-mühafizə orqanlarının əməkdaşları onları maraqlandıran suallara aydınlıq gətiriləndən sonra Səlifovu sərbəst buraxacaq. Bununla yanaşı, Səlifov bilirmiş ki, gec-tez polis onu çağıracaq.

Türkiyənin hüquq-mühafizə orqanları bəyan edib ki, yerli mafiya başçıları ilə müharibələri amansız olacaq. Məlum olduğu kimi, türk mafiya liderləri mümkün qədər çox pul qazanmağa çalışarkən, ölkənin siyasi maraqlarını təhdid edirlər. Onlar hələ də İraq və Suriyanın tam nəzarətində olmayan ərazilərində qanunsuz neft alveri edir və bu "qara bazarı" əllərində saxlayırlar.

Türkiyənin İraq və Suriya ilə sərhədlərində gedən hərbi əməliyyatlar nəzarətdənkənar neft ticarəti üçün əlverişli şərait yaradır. Bir sıra kriminal avtoritetlər 2009-cu ildən etibarən "qara neft bazar"nda iştirak edirlər. Onlar "qara qızıl" ticarəti ilə məşğul olan özəl şirkətlərə himayədarlıq edirlər.

Dünya KİV-ləri dəfələrlə yazıb ki, İŞİD radikal terror qruplaşması Suriya və İraqdan qaçaqmalçılıq yolu ilə Türkiyəyə gətirdikləri nefti "qara bazar"da dempinq qiymətinə satırlar. Bu barədə Avropa konsaltinq şirkətlərinin (Norveçin Rystad Energy AS) hesabatlarında da bəhs edilib.

1470
Teqlər:
qətl, polis, Rövşən Lənkəranski, Lotu Quli, Rövşən Canıyev, İstanbul, Nadir Səlifov, "qanuni oğru", kriminal avtoritet, azərbaycanlı
Əlaqədar
Ukrayna polisindən xəbərdarlıq: Lotu Quli növbəti revanşa hazırlaşır
"Lotu Quli"nin yeni görüntüləri üzə çıxdı - VİDEO
Lotu Qulinin azərbaycanlı düşməni Kiyevdə saxlanıldı - VİDEO
Sarkisyanın Lotu Qulini öldürtmək planının təfərrüatı: Onların nə maraq toqquşması var?
"Lotu Quli" bu sahəyə nəzarəti tam ələ keçirmək üzrədir
Afaq Aslan Lotu Quli ilə sevgi münasibətlərindən danışdı
Pişik, arxiv şəkli

Bakıda "pişik əməliyyatı" - VİDEO

44
(Yenilənib 16:54 24.05.2020)
Yerli sakinlər FHN işçilərini çağırsalar da, onlar başqa briqadanın gələcəyini deyərək pişiyi quyudan çıxarmayıblar

BAKI, 24 may — Sputnik. Bakının İçərişəhər ərazisində yerli sakinlər xilasetmə əməliyyatında iştirak ediblər.

Sputnik Azərbaycan bildirir ki, bu barədə Erkin İbrahimov sosial şəbəkədə məlumat paylaşıb.

Onun sözlərinə görə, on gün imiş ki, Qalada üç iri və səkkiz bala pişikdən ibarət "ailəni" yemləyirmiş. Bir neçə gün əvvəl pişiklərdən birinin yoxa çıxdığını görüb. Məlum olub ki, mavru 10 metr dərinliyi olan quyuya düşüb. Yerli sakinlər FHN işçilərini çağırsalar da, onlar başqa briqadanın gələcəyini deyərək pişiyi çıxarmayıblar.

Erkin İbrahimovun sözlərinə görə, sakinlərdən dənizdə işlədiyi deyilən Samir Zeynalovun belinə ip bağlayaraq quyuya sallayıblar. O da pişik balasını sağ-salamat quyudan çıxara bilib: "Allah razı olsun sizdən, qardaşlar! Ləhcənizə, şirin-şirin danışığınıza, iynəli atmacalarınıza qurban olaram! Allah hər zaman ürəyinizcə versin. Bir pişik balasına görə vaxtını, əziyyətini əsirgəməyən gözəl insanlar. Əsas qəhrəman Samir ilə şəkil çəkdirmək istəsəm də, qonşular onun dənizə növbəyə getdiyini dedilər. Samiri bağrıma basıram! Bu çətin zamanlarda belə insanlıq nümünələri cəmiyyət üçün, hər birimiz üçün çox önəmlidir!"

Qeyd edək ki, Erkin İbrahimov idman yazarıdır, xarici mətbuatda Azərbaycan futbolu və ümumiyyətlə idman barədə yazılarla çıxış edir.

44
Şüşə qırıntısı, arxiv şəkli

Ramazan şirniyyatı qismət olmadı: Mingəçevirdəki qəzanın təfərrüatı

17
(Yenilənib 15:31 24.05.2020)
Həyat yoldaşının avtomobil idarə etməyi öyrətdiyi Zülfiyə adlı başqa bir xanım “Opel” markalı maşının idarəetməsini itirib və avtomobil evin darvazası qarşısına toplaşan kütləyə çırpılıb

BAKI, 24 may — Sputnik. Mingəçevirdə 10-dan çox insanın xəsarət alması ilə nəticələnən qəzanın təfərrüatı məlum olub.

Sputnik Azərbaycan APA-ya istinadən bildirir ki, Mingəçevir sakini Elnarə Abdullayeva Ramazan bayramı münasibəti ilə fərdi evinin həyətində qonşulara və uşaqlara şirniyyat paylayıb.

Bu zaman həyat yoldaşının avtomobil idarə etməyi öyrətdiyi Zülfiyə adlı başqa bir xanım “Opel” markalı maşının idarəetməsini itirib və avtomobil evin darvazası qarşısına toplaşan kütləyə çırpılıb. Nəticədə 10-u uşaq olmaqla, 13 nəfər xəsarət alıb. Yaralılar xəstəxanalara yerləşdiriliblər. 

TƏBİB-dən verilən məlumata görə, xəstəxanaya yerləşdirilən 13 nəfərdən 9-na ambulator yardım göstərilərək evə buraxılacaq.

Qəza nəticəsində 2 uşaq kəllə-beyin travması alıb, vəziyyətləri ağırdır. Xəsarət alan iki uşağın isə vəziyyəti orta ağırdır. 

Faktla bağlı araşdırma başlanılıb.

17
Əlaqədar
Sürücü dəhşətli qəzada yanaraq öldü
Bu il yol qəzalarında bəxtləri gətirməyən çox olub
Qadın sürücü maşınla on nəfəri vurdu
Bayram günü dəhşətli qəza: Avtomobil iki hissəyə bölündü
Avstriya Prezidenti Aleksandr Van der Bellen, arxiv şəkli

Polis prezidenti... bağlı restoranda tapdı

0
(Yenilənib 23:36 24.05.2020)
Avstriyada restoranlar 23:00-dan sonra bağlanmalıdır, yəni həmin vaxtdan etibarən qonaqlara heç nə təqdim etmək olmaz, mətbəx və bar işləməməlidir

BAKI, 24 may — Sputnik. Vyana polisi Avstriya Prezidenti Aleksandr Van der Belleni və xanımını gecə vaxtı bir italyan restoranında “yaxalayıb”. Ölkədə mövcud olan karantin qaydalarına görə, 23:00-dan sonra ictimai iaşə müəssisələri bağlı olmalıdır.

Sputnik Azərbaycan bildirir ki, bu barədə “Kronen Zeitung” qəzeti yazıb.

“Lokdaundan sonra ilk dəfə xanımım və iki dostumla birlikdə şam etməyə getdik. Biz söhbətləşirdik, təəssüf ki, saata baxmağı unutduq. Çox təəssüf edirəm. Bu, səhv idi. Əgər restoran sahibinin hansısa itkiləri olacaqsa, buna özüm cavabdeh olacam”, - deyə Prezident Twitter-də yazıb, üstəlik qəzetin məqaləsini də paylaşımına əlavə edib.

Polis “Sole” adlı italyan restoranına 00:20-də gəlib və eyvanda əyləşmiş qonaqların içki içdiklərini görüb. Əslində isə bura saat yarım əvvəl bağlanmalı imiş. Qəzet yazır ki, tanınma zamanı qonaqlar özlərini mehriban aparıblar.

​“Federal Prezident bir çox artistlər kimi tez-tez qonağım olur. Şama bu dəfə balıq sifariş etmişdi. Mən hər şeyi doğru elədim, qanunun tələbi ilə: saat 23:00-da biz sonuncu içkiləri gətirib kafeni bağladıq. Sonra Prezident hələ bir müddət də - əvvəl mən də orada idim – xanımı ilə bayırdakı örtülü eyvanda söhbət elədi”, - deyə restoranın direktoru Aki Nuredini “Kronen Zeitung”a bildirib.

Avstriyada restoranlar 23:00-dan sonra bağlanmalıdır, yəni həmin vaxtdan etibarən qonaqlara heç nə təqdim etmək olmaz, mətbəx və bar işləməməlidir. Ancaq eyni zamanda, nəzəri olaraq restoran qonaqlara masa arxasında əyləşməyə icazə verə bilər. İndi Vyananın magistratı restoran sahibini 30 min avro cərimələmək, ya da günahını bağışlamaq haqda qərar verməlidir. Prezident və xanımına görə idə hadisəyə görə heç bir cərimə nəzərdə tutulmur.

Avstriyada martın 16-da bağlanan kafe və restoranlar mayın 15-də fəaliyyətlərini bərpa edib. Onlar səhər 6:00-dan 23:00-dək işləyə bilər. Bir masa arxasında maksimum dörd böyük adam (uşaqlar istisna) əyləşə bilər, qonaqlar arasındakı məsafə ən azı 1 m olmalıdır. Müştərilərlə birbaşa ünsiyyətdə olan personal ya qoruyucu maska, ya da üz sipəri taxmalıdır, müştərilər isə maska taxmaqda sərbəstdirlər.

0