Məhbus, arxiv şəkli

Azərbaycanlı "qanuni oğru" azadlığa çıxdı

8381
(Yenilənib 17:22 08.10.2018)
Rusiya DİN-in "qara siyahı"sındakı Şipolov azadlığa buraxılıb

Ramella İbrahimxəlilova, Sputnik Azərbaycan

BAKI, 8 oktyabr — Sputnik. Mərhum "qanuni oğru" Rövşən Canıyevin ("Rövşən Lənkəranski") yaxın adamı, kriminal aləmdə "Zaur Naxçıvanski" adı ilə məşhur olan, 32 yaşlı azərbaycanlı "kriminal avtoritet" Zaur Şipilov azadlığa buraxılıb. Bu barədə Sputnik Azərbaycan-a kriminal dairələrə yaxın mənbə məlumat verib.

Şipilov narkotik vasitələrin qanunsuz dövriyyəsi ittihamı ilə azadlıqdan məhrum edilib. Qeyd edək ki, o, 2006-cı ilin aprelində Moskvada "qanuni oğru" Hikmət Muxtarovla (Sabirabadlı Hikmət) birlikdə güllələnmiş kriminal avtoritet Bayram Talıbovun oğludur. Şipilov 2013-cü ilin iyulunda Türkiyədə "taclandırılıb".

"Naxçıvanski" 2015-ci ilin oktyabrında Moskvanın Çertanovo rayonundakı "Çayxana" restoranında Rusiya DİN Cinayət-axtarış Baş İdarəsinin əməkdaşları tərəfindən saxlanılıb. Şəxsi baxış keçirilən zaman "qanuni oğru"nun üzərində böyük miqdarda heroin aşkarlanıb.

Sputnik Azərbaycan-ın daha əvvəl verdiyi məlumata görə, Şipilov Rusiya DİN-in fəal "qanuni oğru"lar siyahısına (siyahıya 432 nəfər daxildir, onlardan 318-i azadlıqdadır, 114-ü həbsdədir, 31-i istintaq altındadır, 19-u axtarışdadır) daxildir.

Hüquq-mühafizə orqanlarının "qara siyahı"sına həmyerlimiz olan bu "qanuni oğrular"ın adları daxildir: Nadir Səlifov (Lotu Quli), onun qardaşı Namiq Səlifov, Hacıbaba Talıbxanlı ("Hacı Beyləqanski"), Yunus Nəzərov ("Yunus Bakinski"), Arif Mehdiyev ("Arif Sumqayıtski"), Vaqif Süleymanov ("Diplomat Vaqif"), İlqar Əliyev, Cavid Məmmədov ("Dato Ağcabədinski"), Taleh Dağlıyev ("Tolik Noqinski"), Emin Əhmədov (E"min Hacıqabulski"), Rafet Əmirov ("Rafet Əlibayramlinski"), Rəşad İsmayılov ("Rəşad Gəncinski"), Əli Heydərov ("Albert Rıji"), Yusif Əliyev ("Yusif Şamxorski"), Zaur Şipilov ("Zaur Naxçıvanski" və Ülfət Tağıyev ("Rüfət Gəncinski").

Onlardan hal-hazırda Rusiyada dəmir barmaqlıqlar arasında İlqar Əliyev, Taleh Dağlıyev, Emin Əhmədov, Əli Heydərov və Ülfət Tağıyev yatır.

Qeyd edək ki, Şipilov Rusiya vətəndaşıdır və buna görə də ölkədən çıxarılmayacaq.

8381
Teqlər:
həbs, DİN, Rusiya, Zaur Şipilov, Zaur Naxçıvanski, kriminal aləm, Rövşən Lənkəranski, "qanuni oğru"
Əlaqədar
Məşhur kriminal avtoritet güllələndi
"Toylar kralı" kriminal avtoritetə necə "çevrildi": "Hamı məni ağsaqqal hesab edir"
Lənkəranskinin qardaşı kriminal avtoritetlə nəyi müzakirə edib? - FOTO
Bakıda iki kriminal qruplaşma arasında atışma baş verib - Şok detallar
Kriminal avtoritetin öldürülməsi kameralara düşdü - VİDEO
Ölkə jurnalistikasını kriminal təsirlərdən necə uzaq tutmalı?

qədər şikayət etsək də, heç bir mənası yoxdur - Avtobusdan sorğu

24
(Yenilənib 13:53 15.04.2021)
Paytaxt sakinləri “Baku Bus”dan narazı olduqlarını dilə gətiriblər. Bu barədə daha ətraflı - Sputnik Azərbaycan-ın videosunda.

Paytaxt sakinləri Sputnik Azərbaycan-a verdikləri açıqlamalarında bildiriblər ki, pandemiya dövründə avtobuslarda sıxlıq müşahidə olunur.

İnsanların saatlarla avtobus gözləməsi, getdikləri məkana gecikmələrinə səbəb olur. Sakinlər bildiriblər ki, avtobuslar normal sürətlə gedə biləcəkləri yolu iki və üç saata qət edirlər. Dəfələlə ictimai nəqliyyatlardan aidiyyatı qurumlara şikayət olunsa da, şikayətə baxan olmayıb.

Sakinlər avtobuslar arasında intervalların qısa olmasını tələb edirlər

24
 Bıçaq əlində kişi, arxiv şəkil

Azərbaycanda yenə qadın əri tərəfindən qətlə yetirilib

12
(Yenilənib 13:42 15.04.2021)
Faktla bağlı Ucar rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb

BAKI, 15 aprel — Sputnik. Aprelin 14-də saat 15 radələrində Ucar rayonu, Qarabörk kəndi ərazisində rayon sakini 1985-ci il təvəllüdlü Kərimova Validə Məzahir qızının bıçaqlanaraq öldürülməsi barədə rayon prokurorluğuna məlumat daxil olub. Bu barədə Ucar rayon prokurorluğundan Sputnik Azərbaycan-a verilən məlumatda bildirilib.

Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılan ilkin araşdırmalarla zərərçəkənin əri Məmmədov Qasım Fazil oğlunun şəxsi münasibətlər zəminində aralarında yaranan mübahisə zamanı bıçaqla çoxsaylı xəsarətlər yetirərək Validə Kərimovanı qəsdən öldürməsinə əsaslı şübhələr müəyyən edilib.

Faktla bağlı Ucar rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Qasım Məmmədov şübhəli şəxs qismində tutularaq istintaqa cəlb edilib. Hazırda cinayət işi üzrə istintaq hərəkətləri davam etdirilir.

12
AstraZeneca peyvəndi, arxiv şəkli

Angela Merkel "AstraZeneca" ilə vaksinasiya olunacaq

0
Kansler prosedurun vacibliyini vurğulayaq bildirib ki, bəşəriyyət yalnız bu yolla pandemiyanın qarşısını ala bilər.

BAKI, 16 aprel — Sputnik. Almaniya Kansleri Angela Merkel cümə günü, aprel ayının 16-da "AstraZeneca" peyvəndi ilə vaksinasiya olunacaq. Bu barədə "Welt" nəşri məlumat yayıb.

Qeyd edək ki, Merkel bir qədər bundan əvvəl koronavirus infeksiyasına qarşı "AstraZeneca" preparatı ilə vaksinasiyaya hazır olduğunu, ancaq növbəsini gözlədiyini bildirmişdi.

Kansler bu prosedurun vacibliyini də vurğulayaq bildirib ki, bəşəriyyət yalnız bu yolla pandemiyanın qarşısını ala bilər.

Xatırladaq ki, Avropa Dərman Agentliyi "AstraZeneca"-nın qanda laxtalanmaya səbəb olduğunu rəsmi şəkildə təsdiqləyib. Agentliyin səlahiyyətli nümayəndəsi Marko Kavaleri İtaliya mətbuatına bu barədə açıqlama verib. "Məncə, artıq bunu söyləyə bilərik: açıq-aşkar qan laxtalanması ilə peyvənd arasında əlaqə var", – deyə o bildirib.

Maraqlıdır ki, Avropa Dərman Agentliyinin direktoru Emer Kuk isə bu barədə açıqlama verərək bildirmişdi ki, "AstraZeneca" peyvəndi tamamilə təhlükəsizdir: "Bu, çox effektli və təhlükəsiz peyvənddir. Peyvəndin insanları koronavirusdan qoruması ilə bağlı faydaları ehtimal olunan risklərindən daha çoxdur".

Bir müddət bundan əvvəl bir sıra ölkələr, o cümlədən, Danimarka, İsveç, Almaniya, Fransa və İtaliya sözügedən preparatla vaksinasiya prosesinə ara verib. Daha sonra Danimarka "AstraZeneca"-nın peyvəndinin tətbiqini tamamilə dayandırıb.

0