Babək prospekti, arxiv şəkli

Bakıda möcüzə baş verib görün, nələri ortaya çıxarıb

4318
(Yenilənib 12:42 05.10.2018)
"Sadəcə bəxtləri gətirib ki, onlar aşağı düşəndə tunelin həmin yerində başqa avtomobil olmayıb"

BAKI, 5 oktyabr — Sputnik. "Dünən Babək prospektinin başlanğıcında bir avtomobil üstdəki yoldan tunelə düşmüşdü. Belə hadisənin ağır nəticəyə səbəb olmaması, doğrudan da möcüzədir".

Sputnik Azərbaycan xəbər verir ki, bu barədə hüquqşünas Ərşad Hüseynov öz "Facebook" səhifəsində yazıb. "Sadəcə bəxtləri gətirib ki, onlar aşağı düşəndə tunelin həmin yerində başqa avtomobil olmayıb. Bu hadisə yollarımızın bəzi yerlərindəki ciddi bir qüsuru da üzə çıxardı" — deyə Hüseynov bildirib.

Onun sözlərinə görə, körpülərin hər iki kənarında xüsusi qoruyucu konstruksiya — hərəkət hissəsi kənarında hündürə qaldırılmış dəmir-beton sədd və daha sonra möhkəm polad məhəccər (əslində o da səddir) olur: "Bu konstruksiyanın təyinatı körpü üstündə idaretmədən çıxan avtomobili imkan daxilində körpünün üstündə saxlamaq, onun hündürlükdən yerə düşməsinə imkan verməməkdir".

"Altında başqa yol olan körpülərdə həmin qoruyucu konstruksiya daha hündür və daha davamlı olmalıdır, çünki belə yerdə düşən avtomobil aşağıdakı yolda (körpünün altında və yanında) hərəkət edən avtomobillərin üstünə düşərək çox ağır qəzalara səbəb olur. Amma ölkəmizdə yolun hərəkət hissəsi ilə yaxın olan tunel girişlərində belə qoruyucu konstruksiya yoxdur" — deyə o qeyd edib.

Ekspert bildirib ki, tunellərin girişinin həmin hündür yerində də yaxındakı yolda idarəetmədən çıxan avtomobillərin tunelə düşməsinin qarşısını almaq üçün belə möhkəm qoruyucu konstruksiyaya ehtiyac var: "Babək prospektinin başlanğıcındakı tunelin kənarında belə konstruksiya olsaydı, həmin avtomobil tunelə düşməzdi".

Qeyd edək ki, dünən səhər saatlarında Bakı şəhəri Babək prospektində ağır yol qəzası baş verib. Bununla bağlı sosial şəbəkələrdə hadisə şahidləri məlumat yayıblar. Heydər Əliyev prospektindən Babək prospekti istiqamətində hərəkətdə olan "KİA" markalı avtomobilin sürücüsü idarəetməni itirərək körpüdən tunelə aşıb. Hadisə nəticəsində "KİA"nın sürücüsü yüngül xəsarət alıb.

4318
Teqlər:
tunel, Babək prospekti, Ərşad Hüseynov, körpü, qəza, avtomobil
Əlaqədar
Azərbaycanlılar Rusiyada qəzaya uğrayıb
Bakıda yenə ağır qəza baş verib - VİDEO
Bərdədə ağır yol qəzası nəticəsində ölənlərin sayı 4 nəfərə çatıb
ABŞ hərbi təyyarəsi qəzaya uğradı: Ən azı 11 ölü
Ağır qəza oldu, sürücülər xəsarət aldı
Bakı

Yeni həftənin ilk gününə olan hava proqnozu açıqlandı

19
Oktyabrın 26-da Azərbaycanın rayonlarında havanın əsasən yağmursuz keçəcəyi, gecə və səhər bəzi yerlərdə duman olacağı gözlənilir.

BAKI, 25 oktyabr - Sputnik. Sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, gecə və səhər bəzi yerlərdə zəif duman olacağı gözlənilir.

Milli Hidrometeorologiya Xidmətindən Sputnik Azərbaycan-a verilən məlumata görə, oktyabrın 26-da mülayim şimal küləyi əsəcək. Havanın temperaturu Abşeron yarımadasında gecə 15-17, gündüz 20-25, Bakıda gecə 15-17, gündüz 22-24 dərəcə isti olacaq. Atmosfer təzyiqi 763 mm civə sütunu təşkil edəcək, nisbi rütubət gecə 70-80, gündüz 50-55 faiz olacaq.

Oktyabrın 26-da Azərbaycanın rayonlarında havanın əsasən yağmursuz keçəcəyi, gecə və səhər bəzi yerlərdə duman olacağı gözlənilir. Şərq küləyi əsəcək. Havanın temperaturu gecə 9-14, gündüz 21-26, dağlarda gecə 6-11, gündüz 16-21 dərəcə isti olacaq.

19
Samsung şirkəti

Dünya nəhənginin rəhbəri vəfat etdi

47
2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

BAKI, 25 oktyabr — Sputnik. Samsung konserninin sədri Li Qon Hi vəfat edib, Sputnik Azərbaycan bildiri ki, bu barədə Rönhap agentliyi xəbər verir.

Biznesmen bazar günü Seuldakı Samsung xəstəxanasında keçinib.

Li Qon Hi 1942-ci ildə anadan olub və 1987-ci ildə Samsung-un ikinci sədri olub. O, bu vəzifədə qrupun yaradıcısı olan öz atası Li Byon Çxolu əvəz edib.

2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

Cənubi Koreya prokurorluğu Li Çjo Yonun hakimiyyəti ələ keçirmək üçün qeyri-qanuni maxinasiyalara əl atmasından şübhəlidir.

Li Çjo Yondan başqa Li Qon Hinin iki qızı qalıb - Li Bu Çjin və Li So Hyon. Daha bir qızı Li Yun Hyon 2005-ci ildə intihar edib.

47
Автомобили ОБСЕ на линии соприкосновения, фото из архива

Minsk qrupu bəyanat yaydı: Həmsədrlər xarici işlər nazirləri Cenevrədə görüşəcək

0
(Yenilənib 00:52 26.10.2020)
Həmsədrlər və xarici işlər nazirləri Cenevrədə görüşərək, Dağlıq Qarabağ münaqişəsinin sülh yolu ilə həlli üçün lazım olan bütün addımları müzakirə etmək, razılığa gəlmək və həyata keçirməyə başlamaq üçün baza prinsiplərinə uyğun olaraq yenidən bir araya gələcəklər

BAKI, 26 oktyabr - Sputnik. Bu gün ATƏT-in Minsk Qrupunun həmsədrləri bəyanatla çıxış ediblər.

Sputnik Azərbaycan ATƏT-ə istinadla xəbər verir ki, bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Məlumata görə, ATƏT sədrinin şəxsi nümayəndəsi Anjey Kasprşik də görüşlərdə iştirak edib.

Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. 

Həmsədrlər tərəflərə hərbi əməliyyatları dərhal dayandırmağa və ATƏT-in Minsk qrupu həmsədrlərinin himayəsində Dağlıq Qarabağ münaqişəsinin həll olunması üçün əsaslı danışıqları bərpa etməyə çağıran Amerika Birləşmiş Ştatları Prezidenti Donald Tramp, Fransa Prezidenti Emmanuel Makron və Rusiya Prezidenti Vladimir Putinin 1 Oktyabr 2020-ci il tarixli ortaq bəyanatını, həmçinin Amerika Birləşmiş Ştatları Dövlət Katibi Maykl Pompeonun, Fransanın Avropa və Xarici İşlər Naziri Jan-İv Le Drianın və Rusiya Federasiyasının Xarici İşlər Naziri Sergey Lavrovun 5 oktyabrdakı birgə bəyanatını xatırladıblar.

Həmsədrlər və xarici işlər nazirləri intensiv müzakirələr zamanı təcili humanitar atəşkəsin tətbiq olunmasını, atəşkəsin monitorinqinin mümkün parametrlərini və 10 oktyabrdakı birgə bəyanata uyğun olaraq hərtərəfli həll yolunun əsas substantiv elementlərinin müzakirəsinə başlamağı müzakirə ediblər. Həmsədrlər və xarici işlər nazirləri oktyabrın 29-da Cenevrədə görüşərək, Dağlıq Qarabağ münaqişəsinin sülh yolu ilə həllinə nail olmaq üçün lazım olan bütün addımları müzakirə etmək, razılığa gəlmək və həyata keçirməyə başlamaq üçün Azərbaycan və Ermənistan liderləri tərəfindən qəbul edilən baza prinsiplərinə uyğun olaraq yenidən bir araya gəlməyi qəbul ediblər.

Bəyanatı ATƏT-in Minsk qrupunun həmsədrləri- Rusiya Federasiyasından İqor Popov, Fransadan Stefan Viskonti və Amerika Birləşmiş Ştatlarından Andryu Şofer yayıblar.

0
Əlaqədar
Minsk Qrupu həmsədrləri Qarabağ münaqişəsi ilə bağlı bəyanat yayıblar
Minsk qrupu gəlib hesabat versin görək, münaqişə niyə həllini tapmayıb - Türkiyə XİN
Ərdoğan: ATƏT-in Minsk Qrupu Qarabağ münaqişəsinin həllini uzatmağa çalışır
Rusiya prezidenti: Minsk qrupu formatını bir az dəyişmək olar
ABŞ Dövlət Departamenti Qarabağda humanitar atəşkəs barədə bəyan edib