Binə-Qala şosesinin 34-cü kilometrliyində baş verən qəza

Bakını lərzəyə salan qatar qəzasının "altından" ağılasığmaz detallar çıxdı - VİDEO

17717
(Yenilənib 11:54 02.10.2018)
Sürücü narkomandır, yolda şlaqbaum olmayıb və neçə nəfər həyatını itirib?

İradə Cəlil, Sputnik Azərbaycan

BAKI, 2 oktyabr — Sputnik. Dünən Binə-Qala şosesinin 34-cü kilometrliyində baş verən qəza zamanı sürücü də xəsarət alıb. Müayinə zamanı onun narkotik istifadəçisi olduğu müəyyən edilib. Bu barədə Sputnik Azərbaycan-a Bakı şəhər DYP-nin sözçüsü, polkovnik Vaqif Əsədov məlumat verib.

O bildirib ki, avtobusun sürücüsü, 1986-cı il təvəllüdlü Şıxəliyev Əlixan Əlibaba oğlu bu hadisədən öncə də ölümlə nəticələn yol qəzası törətdiyinə görə həbs edilib. May ayında azadlığa çıxdıqdan sonra yenidən sürücü kimi fəaliyyətə başlayıb: "Dünənki hadisədən sonra o yoxlanılıb və müəyyən edilib ki, həmin şəxs narkotik istifadəçisidir. Yəni qanında narkotik vasitə aşkar edilib".

V.Əsədovun sözlərinə görə, cinayət işi Dəmiryolunda Baş Polis İdarəsində açılıb: "Hadisə zamanı sərnişinlər müxtəlif xəsarət alıblar. Bir neçə il əvvəl Lökbatan ərazisində də belə bir hadisə baş vermişdi. Yol hərəkəti haqqında Qanunun tələblərinə görə, dəmiryol ilə avtomobil yolunun kəsişməsində konkret tələblər var. Onları mütləq şəkildə yerinə yetirmək lazımdır”.

“Əgər orada şlaqbaum olubsa, yol bağlı olubsa, sürücü dayanmalı idi. Şlaqbaum yox idisə, sürücü sayrışan işıqları nəzərə almalı idi. Hər bir halda avtobus sürücüsü diqqətli olmalı idi. Belə hesab edirəm ki, istintaq zamanı bütün detallar nəzərə alınacaq və tezliklə hadisəyə hüquqi qiymət veriləcək" – Əsədov əlavə edib.

Əsədov qeyd edib ki, onda olan məlumata görə, hadisə zamanı 40 nəfər xəsarət alıb və 2 nəfər dünyasını dəyişib.

Bu arada, sosial şəbəkələrdə dünən Binə Qala yolunun 34-cü kilometrliyində baş verən qəzanın görüntüləri yayılıb. Video görüntülərdən məlum olur ki, qatar yolunda şlaqbaum endirilməyib, sürücülər yola qatarın yaxınlaşmasından xəbərsiz olublar. Görüntülərdən aydın olur ki, qatar yolu birtərəfli qaydada bağlanıb, yəni yolun bir tərəfində şlaqbaum var, avtobusun hərəkət etdiyi hissədə isə yoxdur.

Hər gün həmin yol ilə gedib-gəldiyini deyən ərazi sakini Mübariz Göyüşov Sputnik Azərbaycan-a bildirib ki, qatar gələn zaman o yolda olan nəzarətsizlik, laqeydlik insanda acı təəssüf hissi yaradırdı: "Qatar gələn zaman yolun hər iki hissəsi bağlanmalı olduğu halda ən yaxşı halda bir hissəsi bağlanır, ən pis halda isə ümumiyyətlə bağlanmırdı. Dəmiryolu xəttini keçən zaman düşünürdüm ki, bir gün burada ağır bir faciə yaşanacaq. Kimə üz tuturdun, kimə deyirdinsə, ya laqeyd yanaşırdılar, ya da sadəcə gülümsünürdülər. Nəticəsi və olacağı bu idi".

"Azərbaycan Dəmir Yolları" QSC-nin mətbuat xidmətinin rəhbəri Sevinc Qədirova isə Sputnik Azərbaycan-a belə şərh verib ki, yayılan videoda görüntü tam aydın olmadığına görə, şlaqbaumun olub-olmadığı müəyyən edilmir: "Məsələ tərəfimizdən araşdırılır. Daha keyfiyyətli görüntülər əldə edib, daha ətraflı məlumat veriləcək".

DYP sözçüsü V.Əsədovun 2 nəfərin öldüyünə dair açıqlamasına gəlincə, Səhiyyə Nazirliyinin mətbuat xidmətinin əməkdaşı Səfayə Əhmədovanın Sputnik Azərbaycan-a açıqlamasında ikinci ölüm halının qeydə alınmadığını deyib: "Hazırda xəstəxanada 12 nəfər müalicə alır. Dünənki qəzada xəsarət alanlardan 3 saylı Şəhər Klinik Xəstəxanasında 12 nəfər müalicəsini davam etdirir. Onların 5-i reanimasiya şöbəsində yerləşdirilib ki, həmin şəxslərin də 2-sinin vəziyyəti ağırdır. Xəstəxananın travmatologiya şöbəsində 2-si uşaq olmaqla 7 nəfər müalicəsini davam etdirir”.

S.Əhmədova onu da bildirib ki, indiyə qədər xəstəxanada 3 xəstə üzərində cərrahiyyə əməliyyatı həyata keçirilib: “Qəza zamanı yaralanan şəxslərdən 6-sı Kliniki Tibbi Mərkəzə (KTM) yerləşdirilmişdi. Onlardan 2-si artıq ambulator yardım alaraq evə buraxılıb. Hazırda KTM-də müalicə edilən 4 xəstədən birinin vəziyyəti ağır (böyrəkləri çıxarılıb), qalanlarının vəziyyəti isə orta ağırdır”.

“Elmi Tədqiqat Travmatologiya İnstitutuna yerləşdirilmiş 3 nəfərdən 1-i də ambulator yardım alaraq evə buraxılıb. Qalan iki nəfərin vəziyyəti orta ağırdır. Xəstələrdən birinin çiynində sınıq olduğu üçün onun əməliyyat ediləcəyi gözlənilir" – qurum səlahiyyətlisi əlavə edib.

Xatırladaq ki, dünən Xəzər rayonunun Binə qəsəbəsində 160 saylı marşrutla hərəkət edən 10 TG 106 dövlət nömrə nişanlı sərnişin avtobusu ilə qatar toqquşub. Nəticədə 34 nəfər xəsarət alıb, bir nəfər ölüb. Qeyd edək ki, qəzaya uğrayan yük qatarı Dübəndiyə gedirmiş, onun qoşqusunda 12 boş çən olub.

17717
Teqlər:
Vaqif Əsədov, Sputnik Azərbaycan, sərnişin, Binə, yol, qatar, avtobus, məlumat, hadisə, sürücü, xəsarət, qəza, açıqlama
Əlaqədar
Dəhşətli qəza ilə bağlı tutulan var
Ölümcül qəzanın görüntüləri yayıldı - VİDEO
Dəhşətli qəzada xəsarət alanların sayı artır
Sumqayıtda ağır qəza olub, çoxlu sayda ölənlər və yaralananlar var
PPX

Bakıda koronavirus xəstəsi işindən oldu

27
(Yenilənib 17:47 03.12.2020)
Rayon ərazisində ictimai yerdə əmək fəaliyyəti ilə məşğul olan aktiv COVID-19 xəstəsi, Bakı şəhər sakini Rəşad Səfərov müəyyən olunaraq saxlanılıb

BAKI, 3 dekabr — Sputnik. Bakıda ictimai yerdə əmək fəaliyyəti ilə məşğul olan koronavirus xəstəsi aşkarlanıb. Daxili İşlər Nazirliyinin Mətbuat xidmətindən Sputnik Azərbaycan-a verilən məlumata görə, Səbail Rayon Polis İdarəsinin (RPİ) 8-ci Polis Bölməsinin (PB) əməkdaşları tərəfindən rayon ərazisində ictimai yerdə əmək fəaliyyəti ilə məşğul olan aktiv COVID-19 xəstəsi, Bakı şəhər sakini Rəşad Səfərov müəyyən olunaraq saxlanılıb. Polis əməkdaşları tibbi prosedurları gözləməklə onu yaşadığı evə qaytarıblar.

Onun barəsində Səbail RPİ-nin İstintaq şöbəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb, istintaq araşdırmaları davam etdirilir.

27
Teqlər:
patrul, Bakı, xəstə, Koronavirus, epidemiya, COVID-19
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Qəza, arxiv şəkli

Ölümlə başlamamalı idi: Azad edilmiş Zəngilanda ilk yol qəzası

39
İmişli rayon sakini Nicat Qasımov idarə etdiyi "Shacman" markalı yük avtomobilini Oxçu çayının rayon ərazisindən keçən hissəsində körpüdən aşırıb

BAKI, 3 dekabr — Sputnik. Zəngilanda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən Sputnik Azərbaycan-a verilən xəbərə görə, İmişli rayon sakini Nicat Qasımov idarə etdiyi "Shacman" markalı yük avtomobilini Oxçu çayının rayon ərazisində keçən hissəsində körpüdən aşırıb. Ağır xəsarət alan sürücü hadisə yerində ölüb. Faktla bağlı Zəngilan Rayon Polis Şöbəsi tərəfindən araşdırma aparılır.

39
Teqlər:
sürücü, ölüm, çay, yük avtomobili, qəza, yol, Zəngilan
Роберт Кочарян

Robert Köçəryan: Ermənistan hökuməti müharibənin qaçılmaz olması üçün əlindən gələni etdi

0
(Yenilənib 06:41 05.12.2020)
Köçəryanın sözlərinə görə, bütün uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

BAKI, 5 dekabr - Sputnik. “Müharibənin qarşısını almaq olardı, ancaq Ermənistan hökuməti müharibənin qaçılmaz olması üçün hər şeyi etdi”.

APA xəbər verir ki, bunu Ermənistanın sabiq prezidenti Robert Köçəryan “5-ci kanal” telekanalına verdiyi müsahibəsində deyib.

“Əminəm ki, Ermənistan hakimiyyəti müharibənin qaçılmaz olması üçün hər şeyi etdi. Hər şey edildi. Yeni bir şey söyləməyəcəyəm, çünki bu bir ay ərzində mətbuatı izlədim. Demək olar ki, hər şey deyildi, sadəcə, deyilənləri vahid bir təsəvvür yaratmaq üçün ümumiləşdirə bilərsiniz. Niyə danışıqlar prosesi dalana dirəndi. Qəsdən edildi. Qarşılıqlı müstəsna bəyanatlar elə bir vəziyyət yaratdı ki, hətta həmsədrlər də erməni tərəfinin nə istədiyini anlamadılar”, - Köçəryan belə deyib.

Onun sözlərinə görə, bütün bu uğursuzluqların səbəbkarı baş nazir Nikol Paşinyandır. Çünki o, bütün danışıqlar prosesinə sıfırdan başlamağa üstünlük verib.

“Tavuşda sərhəd münaqişəsi təxribatı. Bizim tərəfimizdən törədilmiş təxribat. Bəli. Şimalda. Baş Qərargah rəisi deyəndə ki, 12 iyunda Ermənistanın müharibəyə hazır olmadığı barədə məruzə göndərib və bundan bir ay sonra belə bir təxribata cəhd etmək, bu insidentin mahiyyətini şişirtmək – 70 nəfəri ordenlərlə təltif edərək, Azərbaycanı və Türkiyəni məğlub etdiyimizi demək – bunlar müharibəyə yönəlmiş təxribat deyildisə, bəs nə idi? Əgər bilirsənsə hazır deyilsən, niyə bu addımı atırsan? Çünki düşündün ki, Türkiyə və Azərbaycan bunu sadəcə həzm edəcək?” - deyə sabiq prezident sözlərinə davam edib.

R.Köçəryan bildirib ki, Azərbaycana qarşı təxribatlarda boş sözlərə meyl etmək lazım deyildi:

“Bunu da bir hökumət üzvü etdi və əminliklə deyə bilərik ki, baş nazirin qurumu tərəfindən edildi.

Yeri gəlmişkən, bu cür davranmaq yalnız o halda mümkün idi ki, sən bir üstünlüyə maliksən və o qədər güclüsən ki, bu cür nüanslara əhəmiyyət vermirsən. Ancaq bu belə deyil: resurslar, əhali, büdcə, ümumi daxili məhsul baxımından. Bu doğru deyil. Yenə deyirəm, hökumətimiz şüurlu və ya şüursuz olaraq bu müharibənin qaçılmaz olması üçün hər şeyi etdi. Bu bir həqiqətdir”.

0
Teqlər:
baş nazir Nikol Paşinyan, erməni təxribatı, Tovuz, Ermənistan, Robert Köçəryan