Qadın kölgəsi

Hicaba ərinin Rusiyaya getməsinə etiraz edən qadın rayonu ayağa qaldırıb

12643
(Yenilənib 10:29 02.10.2018)
Bir gündə iki intihara cəhd baş verib, nəticədə bir qadın ölüb, digəri isə polisləri tədirgin etməklə kifayətlənib

Ramella ibrahimxəlilova, Sputnik Azərbaycan

BAKI, 1 oktyabr — Sputnik. Tovuz rayonunun Qovlar şəhərindən bir gündə iki intihara cəhd hadisəsi baş verib. Nəticədə bir qadın ölüb, digəri isə polisləri tədirgin etməklə kifayətlənib.

Sentyabrın 30-dan oktyabrın 1-nə keçən gecə Tovuz rayonunun Qovlar şəhərində üç azyaşlı uşağın anası intihar edib. Bu barədə Sputnik Azərbaycan-a Tovuz rayonunun hüquq-mühafizə orqanlarından məlumat verilib.

Məlum olub ki, 1990-cı il təvəllüdlü Həsənova Ülviyə Arif qızı intihar məqsədilə çoxlu dərman udub. O, qəbul etdiyi dərman preparatlarından zəhərlənmə nəticəsində ölüb. Hazırda Tovuz Rayon Prokurorluğu faktla bağlı araşdırma apararaq intiharın səbəblərini müəyyənləşdirir. Ehtimal olunur ki, intihara səbəb ailədaxili münaqişədir.

Bununla yanaşı, Tovuz polisləri başqa bir gənc qadına intihar etməməsi üçün yalvararkən xeyli enerji sərf etməli olublar. Belə ki, sentyabrın 30-da Qovlar şəhərində digər intihara cəhd olub. 1998-ci il təvəllüdlü Növruzova Gülay Sadiq qızı şəhər parkı yaxınlığındakı körpüyə çıxaraq özünü atmağa hazırlaşdığını bəyan edib. Hadisə yerinə gələn polis əməkdaşları qızın intihar cəhdinin qarşısını alıblar.

Profilaktik söhbətlər zamanı Novruzova etiraf edib ki, bu yolla ərini və onun doğmalarını yola gətirmək istəyib. Qadın intihar cəhdinin iki səbəbi olduğunu deyib.

Səbəblərdən biri budur ki, qızın qayınatası onu hicab geyinməyə məcbur edir. Lakin qadının hicab geyinmək niyyəti yoxdur. İkinci səbəb isə odur ki, Novruzovanın əri pul qazanmaq üçün Rusiyaya getmək istəyir. Qadın isə birmənalı olaraq ərinin Rusiyaya getməsini əleyhinədir. Beləliklə, məlum olub ki, Novruzovanın intihar cəhdi qohumlarının əleyhinə yönəlib.

12643
Teqlər:
Qovlar şəhəri, Tovuz, intihar, rayon, polis, qadın
Əlaqədar
İki intiharın qarşısı alındı, biri Xırdalanda, o biri Tovuzda
Bərdədə ahıl kişi intihar edib - SƏBƏB
Məşhur mağazalar şəbəkəsinin rəhbərinin intihar etdiyi açıqlanıb - RƏSMİ
On dörd yaşlı qız özünü asıb, altı kişi intihara əl atıb
Bakıda iki uşaq atası olan sahibkar intihar edib
Bakıda kütləvi intihar cəhdi