Həbsxana, arxiv şəkli

Qohumların toy macəraları dəmir barmaqlıqlar arasında başa çatıb

6833
(Yenilənib 19:53 27.09.2018)
İndi bütün Tovuz rayonu altı evi qarət etmiş iki fərasətli cavandan danışır

Ramella İbrahimxəlilova, Sputnik Azərbaycan

BAKI, 27 sentyabr — Sputnik. Tovuz rayon polisi mənzillərin qarət edilməsində şübhəli bilinən iki fərasətli yaxın qohumu saxlayıb. Onlar həmin vaxt kənddə toyun olmasından istifadə edərək öz cinayət əməllərini həyata keçiriblər. Bu barədə məlumatı Sputnik Azərbaycan-a Tovuz rayon Polis Şöbəsindən məlumat verilib.

Tovuz RPŞ-nin apardığı əməliyyat-axtarış tədbirləri nəticəsində Aşağı Öysüzlü kəndinin 27 yaşlı sakini Anar Cəfərli və onun 29 yaşlı qohumu Eşqin Hüseynov saxlanılıb. Bu gün istintaq altı mənzilin qarətində onların əlinin olduğunu sübuta yetirib. Həmin oğurluq hadisələrinin hamısı 2018-ci ilin aprel-sentyabr ayları ərzində baş verib.

Eşqin Hüseynov
© DİN-in mətbuat xidməti
Eşqin Hüseynov

Belə ki, aprelin 28-də yerli sakinin evindən 296 manat pul və 1,5 min manat dəyərində qızıl-zinət əşyaları oğurlanıb. Bundan sonra daha beş ev qarət edilib. Ümumilikdə bu evlərdən 6,115 manat, 5,550 ABŞ dolları, 70 min rus rublu və 15 min manatlıq qızıl-zinət əşyaları oğurlanıb. Oğurlanmış əşyaların bir hissəsini asayiş keşikçiləri əşyayi-dəlil kimi götürüblər.

Bununla belə, məlum olub ki, qohumlar oğurluq edəcəkləri yerə öz avtomobilləri ilə gediblər. Apreldə baş verən oğurluğun araşdırılması zamanı şahidlərdən biri deyib ki, cinayət baş verən gün qarət edilmiş evin yaxınlığında üstündə taksi "fənəri" olan maşını görüb. Asayiş keşikçiləri həmin maşını tapıblar, lakin sürücünün cinayətdə iştirakını sübut edə bilməyiblər.

Anar Cəfərli
© DİN-in mətbuat xidməti
Anar Cəfərli

Sürücü bildirib ki, taksidə işləyir və həmin gün avtovağzaldan müştəri ona zəng edib. O da sözügedən ünvana həmin müştərini aparıb. Bir neçə ay sonra sözügedən avtomobil digər rayonda gözə dəyib. Onu tezliklə oğurluğun baş verdiyi digər evin yaxınlığında görüblər. Bu "təsadüflər" asayiş keşikçilərini duyuq salıb. Oğruların həmin avtomobillə hərəkət etdiklərinə heç bir şübhə qalmayıb. Bu minvalla əməliyyatçılar oğru qohumların izinə düşüblər. Müəyyən edilib ki, taksinin sükanı arxasında Anar Cəfərli oturub. Eşqin Hüseynov isə evlərə girərək qarətlə məşğul olub.

Hüseynov və Cəfərlidən götürülmüş zinət əşyaları
© DİN-in mətbuat xidməti
Hüseynov və Cəfərlidən götürülmüş zinət əşyaları

Bu işin ən ilginc tərəfi isə odur ki, oğurluğun baş verdiyi evlərin sahibləri qarət zamanı toy məclislərində olublar. Qohumlar rayonun hər tərəfini dolaşaraq toy hazırlıqları gedən evləri axtarırlarmış. Məlum olduğu kimi, toyun gözləndiyi evlərin sahibləri adətən bir neçə gün qabaqdan qapıya qırmızı lent bağlayırlar. Toya hazırlığın getdiyi evdə məlum məsələdir ki, pul və qızıl-zinət əşyaları da olur. Cinayətkarlar qırmızı lentli evləri görən kimi ev sahiblərini izləməyə başlayırlar. Oğurluq hadisəsi adətən toyun ən qızğın saatında və başın qarışdığı vaxtda — saat 18:00-19:00 aralığında törədilir. Kənd yerlərində isə toy mərasimləri adətən ümumi bayram kimi qeyd edilir. Ona görə də, qonşular, qohumlar toy mərasimində ailəlikcə iştirak edirlər. Evin sahibləri qonaqlarla birlikdə restorana gedərkən, Hüseynov da asanlıqla evlərə girərək oğurluq edirmiş.

O da məlum olub ki, sözügedən gənclər oğurladıqları bütün pulları restoranlarda və əyləncə mərkəzlərində xərcləyiblər. Bir sözlə, onlar dəmir barmaqlıqlar arasında getməmişdən əvvəl oğurluq pullarla yaxşıca kef çəkiblər.

6833
Əlaqədar
Toy karvanında maraqlı hadisə yaşandı
Mingəçevirdə toy günü faciə baş verdi, qaynana xəstəxanalıq oldu
Toy yasa çevrildi: 1 ölü, 14 yaralı
Toy karvanları kameralarla nəzarətə götürüldü
Gözlənilən toy baş tutdu: Emin model sevgilisi ilə evləndi

Sabaha gözlənilən hava proqnozu açıqlandı

6
(Yenilənib 13:33 09.08.2020)
Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti təşkil edəcək.

BAKI, 9 avqust - Sputnik. Sabah Bakıda və Abşeron yarımadasında havanın əsasən yağmursuz keçəcəyi gözlənilir.

Milli Hidrometeorologiya Xidmətindən Sputnik Azərbaycan-a verilən məlumata görə, şimal-qərb küləyi əsəcək, gündüz cənub-şərq küləyi ilə əvəz olunacaq. 

Havanın temperaturu Abşeron yarımadasında gecə 21-24, gündüz 30-35, Bakıda gecə 22-24, gündüz 32-34 dərəcə isti olacaq. 

Atmosfer təzyiqi normadan aşağı 755 mm civə sütunu, nisbi rütubət gecə 60-70, gündüz 35-40 faiz təşkil edəcək.   
Abşeron çimərliklərində şimal-qərb küləyi əsəcək, gündüz cənub-şərq küləyi ilə əvəz olunacaq. 

Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti təşkil edəcək.

Sabah Azərbaycanın rayonlarında havanın əsasən yağmursuz keçəcəyi, lakin bəzi şimal və şərq rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Dağlarda duman olacaq. Şərq küləyi əsəcək, ayrı-ayrı yerlərdə  arabir güclənəcək. 

Havanın temperaturu gecə 20-25, gündüz 32-37, dağlarda gecə 12-17, gündüz 19-24 dərəcə  isti olacaq.

6
Нож в руке мужчины, фото из архива

Prokurorluq Bakıda qardaşın qardaşı qətlə yetirməsi barədə məlumat yayıb

5
(Yenilənib 11:07 09.08.2020)
İstintaqla hadisənin zərərçəkmişin qardaşı Elvin Eynullayev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

BAKI, 9 avqust - Sputnik. Avqustun 8-də saat 09 radələrində Suraxanı rayonu ərazisində Səfa Eynullayevin bıçaqlanaraq öldürülməsi barədə məlumat daxil olub.

Suraxanı rayon Prokurorluğundan APA-ya verilən məlumata görə, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin qardaşı Elvin Eynullayev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Elvin Eynullayev şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri həyata keçirilir.

5
Защитник Карабаха Аилтон Феррейра празднует забитый гол в ворота кипрского АПОЭЛ

“Qarabağ”ın Çempionlar Liqasında rəqibi bəlli olub

0
Qurbanovun baş məşqçisi olduğu komanda bir matçdan ibarət mərhələnin oyununu evdə keçirəcək. I təsnifat mərhələsinin qarşılaşmaları avqustun 18-19-da baş tutacaq.

BAKI, 9 avqust - Sputnik. Azərbaycan çempionu “Qarabağ”ın avrokubokların 2020/21 mövsümündəki ilk rəqibi müəyyənləşib.

Ağdam təmsilçisi Çempionlar Liqasının I təsnifat mərhələsində “Sileks” (Şimali Makedoniya) ilə üz-üzə gələcək.

Bu, İsveçrənin Nyon şəhərində keçirilən püşkatmada bəlli olub. Qurban Qurbanovun baş məşqçisi olduğu komanda bir matçdan ibarət mərhələnin oyununu evdə keçirəcək. I təsnifat mərhələsinin qarşılaşmaları avqustun 18-19-da baş tutacaq.

0