Post Patrul Xidmətinin avtomobilləri, arxiv şəkli

Bütün Şəkinin axtardığı şəxs tapıldı

236
(Yenilənib 23:00 26.09.2018)
Onun axtarışları iki gün ərzində polis əməkdaşları və ailə üzvləri tərəfindən aparılıb

Şahpəri Abbasova, Sputnik Azərbaycan

BAKI, 26 sentyabr— Sputnik. 3 gün əvvəl itkin düşən Şəki rayon sakini tapılıb.

Sputnik Azərbaycan-ın bölgə müxbiri xəbər verir ki, 1932-ci il təvəllüdlü İslam Zahirov rayonun Vərəzət kəndində boşluq ərazidə tapılıb. Onun axtarışları iki gün ərzində polis əməkdaşları və ailə üzvləri tərəfindən aparılıb.

Xatırladaq ki, adıçəkilən şəxs sentyabrın 23-də marketə getmək adı ilə evdən çıxmış və geri qayıtmamışdı.

Şəkidə kişi itkin düşüb
© AR Ministry of Internal Affairs
Şəkidə kişi itkin düşüb
236
Teqlər:
axtarış, itkin düşən, yaşlı kişi, Şəki
Əlaqədar
Polis bu adamı axtarır

Məhkəmə Vətən müharibəsindən sonra tutulan generalla bağlı qərar verdi

0
Rövşən Əkbərov CM-in 12.1, 120.2.2 (qəsdən adam öldürmə)  və  12.1, 221.3-cü (xuliqanlıq) maddələri ilə təqsirləndirilən şəxs qismində cəlb edilməklə, ona həmin maddələrlə ittiham elan edilib.

BAKI, 20 aprel - Sputnik. Bakı Hərbi Məhkəməsində sabiq birlik komandiri, ehtiyatda olan general-leytenant Rövşən Əkbərovun ev dustaqlığına buraxılması barədə verilən vəsatətə baxılıb.

Sputnik Azərbaycan APA-ya istinadən bildirir ki, hakim Camal Ramazanovun sədrliyi ilə keçirilən məhkəmə prosesində qərar elan olunub.

Qərara əsasən, həbs qətimkan tədbirinin ev dustaqlığına dəyişdirilməsi ilə bağlı vəsatət təmin edilməyib.

Qeyd edək ki, Baş Prokurorluğun yaydığı məlumata görə, Azərbaycan Respublikası vətəndaşı, 1971-ci il təvəllüdlü, Əliyev Elçin Fəday oğlunun 1 iyun 2001-ci il tarixdə Ukrayna Respublikasının paytaxtı Kiyev şəhərində soyuq silahla qəsdən öldürülməsi faktı ilə bağlı Ukrayna Respublikasının prokurorluq orqanlarında Cinayət Məcəlləsinin müvafiq maddələri ilə cinayət işi başlanıb, bir sıra istintaq tədbirləri yerinə yetirilib, 2003-cü il tarixdə cinayətin törədilməsində Azərbaycan Respublikasının vətəndaşının şübhəli olması əsası ilə cinayət işi Azərbaycan Respublikasına göndərilib.

Həmin cinayət işi üzrə Azərbaycan Respublikasının Hərbi və Baş Prokurorluğun Ağır cinayətlərə dair işlər üzrə istintaq idarəsində (əvvəlki) bir sıra istintaq hərəkətləri həyata keçirilib, lakin iş üzrə təqsirləndirilən şəxs qismində cəlb edilməli olan şəxs müəyyən edilmədiyindən cinayət işi üzrə icraat dayandırılıb.

2020-ci il tarixdə cinayət işi Baş Prokurorluqda yenidən öyrənildikdən sonra Baş Prokurorluğun rəhbərliyi tərəfindən cinayət işi üzrə icraatın dayandırılması haqqında qərar ləğv edilməklə icraat təzələnib və Baş Prokurorluğun İstintaq idarəsində çoxsaylı istintaq hərəkətləri aparılaraq iş üzrə kifayət qədər sübutlar toplanılaraq, həmin cinayət əməlinin Əkbərov Rövşən Telman oğlu tərəfindən törədilməsinə əsaslı şübhələr müəyyən edilib.

Belə ki, Azərbaycan Respublikası vətəndaşı, 1965-ci il təvəllüdlü Əkbərov Rövşən Telman oğlunun 31.05.2001-ci il tarixdən 01 iyun 2001-ci il tarixə keçən gecə Kiyev şəhəri, Deqtyaryov küçəsi 7 ünvanda yerləşən “Sikora” kafesində yeyib-içdikdən sonra, saat təxminən 3-4 radələrində həmin kafenin yaxınlığında Əliyev Elçin Fəday oğlu ilə aralarında yaranmış cüzi münaqişə səbəbindən xuliqanlıq niyyəti ilə Elçin Əliyevin ürək nahiyəsinə kəsici-deşici predmetlə xəsarət yetirərək sonuncunu qəsdən öldürməsinə şübhələr üçün əsaslar müəyyən edilib.

15 mart 2021-ci il tarixdə Rövşən Əkbərov CM-in 12.1, 120.2.2 (qəsdən adam öldürmə)  və  12.1, 221.3-cü (xuliqanlıq) maddələri ilə təqsirləndirilən şəxs qismində cəlb edilməklə, ona həmin maddələrlə ittiham elan edilib və Baş Prokurorluğun təqdimatına əsasən Bakı Hərbi Məhkəməsinin həmin tarixli qərarı ilə barəsində 4 ay müddətinə həbs qətimkan tədbiri seçilib.

0
Teqlər:
ev dustaqlığı, məhkəmə, həbs, general
Qadın kölgəsi, arxiv şəkli

Qəbələdə qadın intihar edib

5
(Yenilənib 16:43 20.04.2021)
Qəbələdə otuz iki yaşlı qadının özünü öldürmə səbəbi hüquq mühafizə orqanları tərəfindən araşdırılır.

Rəşad Kərəmoğlu, Sputnik Azərbaycan

BAKI, 20 aprel — Sputnik. Qəbələdə 32 yaşlı qadın özünü öldürüb.

Sputnik Azərbaycan bildirir ki, hadisə rayonun Solqıca kəndində qeydə alınıb. İlkin məlumata görə, kənd sakini,  32 yaşlı Şölə Sədiyar qızı Aslanova özünü asaraq intihar edib. Qadının özünü öldürmə səbəbi hüquq mühafizə orqanları tərəfindən araşdırılır.

5
Teqlər:
Qəbələ, qadın, intihar