Post Patrul Xidmətinin avtomobilləri, arxiv şəkli

Polis bu adamı axtarır

497
(Yenilənib 13:47 25.09.2018)
Onu görənlərdən dərhal DİN-ə məlumat vermələri xahiş olunur

Şahpəri Abbasova, Sputnik Azərbaycan

BAKI, 25 sentyabr — Sputnik. Şəkidə 86 yaşlı kişi itkin düşüb. Daxili İşlər Nazirliyi (DİN) Mətbuat Xidmətinin Şəki regional qrupundan Sputnik Azərbaycan-a verilən məlumata görə, 1932-ci il təvəllüdlü Şəki sakini İslam Zahirov yaşadığı evdən mağazaya getmək adı ilə evdən çıxıb və indiyədək geri qayıtmayıb.

Şəkidə kişi itkin düşüb
© AR Ministry of Internal Affairs
Şəkidə kişi itkin düşüb

Evdən çıxanda əynində göy rəngli idman şalvarı, qara rəngli pencək, pencəyin altından geyinilən jilet və ayağında rezin ayaqqabı olub. Boyu 165 sm, orta bədən quruluşludur.

Şəkildə gördüyünüz şəxsi tanıyanlardan və ya barəsində məlumatı olanlardan DİN-in "102 Zəng Mərkəzi" xidmətinə, həmçinin Şəki Şəhər-Rayon Polis Şöbəsinin 024-244-4-25-50 şəhər, (055) 628-00-84 mobil nömrələrinə zəng vuraraq məlumat vermələri xahiş olunur.

497
Teqlər:
kişi, DİN, itkin, Şəki
Əlaqədar
Bakıdan rayona gedən şəxs naməlum şəraitdə itkin düşüb
Bakıda 16 yaşlı qız gecə vaxtı itkin düşdü
Bakıda lal-kar qadın itkin düşüb
Reanimasiyada COVİD-19 xəstəsi, arxiv şəkli

Azərbaycanda millət vəkilinin yaxın qohumu koronavirusdan öldü

171
"Özündən başqa ailəsindən daha dörd nəfər klinikada koronavirusdan müalicə alırlar və ananın vəfatından xəbərləri yoxdur"

BAKI, 6 iyun — Sputnik. Milli Məclisin deputatı Aydın Mirzəzadənin əmisi qızı koronavirusdan vəfat edib.

Sputnik Azərbaycan "Report"a istinadən bildirir ki, bu barədə deputatın özü məlumat verib.

Millət vəkili Aydın Mirzəzadə
© Photo : REPORT
Millət vəkili Aydın Mirzəzadə

Onun sözlərinə görə, 64 yaşlı əmisi qızı dünən koronavirusdan ölüb: "Üç gün temperaturla gəzib, hesab edib ki, soyuq dəyib. Onu Goranboydakı xəstəxanalardan birinə yerləşdirmişdilər. İki gün süni nəfəs aparatında saxlasalar da, həkimlər əmim qızının həyatını xilas edə bilmədilər. Özündən başqa ailəsindən daha dörd nəfər klinikada koronavirusdan müalicə alırlar və ananın vəfatından xəbərləri yoxdur".

171
Mövzu:
Azərbaycanda koronavirus: son xəbərlər
Əlaqədar
Bakıda koronavirusa yoluxma ən çox bu rayondadır
Bu sərtləşmədən kim uduzdu, kim uddu - Peşmanı olmasa da, qalibi bilinir
Azərbaycanda daha 338 nəfər koronavirusa yoluxub
Britaniyanın keçmiş kəşfiyyat rəhbəri: koronavirus Çin laboratoriyasında yaranıb
Koronavirusa yoluxanların sayı durmadan artır
Oğuz rayonunun dağətəyi kəndlərinə dolu yağıb

Dolu üç rayonda fəsadlar törətdi - VİDEO - FOTO

135
Pis hava şəraiti Oğuz rayonunun Xaçmaz, Sincaç, Filfilli və digər dağətəyi kəndlərində daha ciddi fəsadlara səbəb olub

İlham Əhmədov, Sputnik Azərbaycan

BAKI, 6 iyun — Sputnik. Respublikanın bəzi rayonlarında olduğu kimi, Oğuz, Qəbələ və İsmayıllı rayonlarının da bir hissəsində dünən küləkli və yağışlı hava müşahidə olunub.

Sputnik Azərbaycan-ın məlumatına görə, axşam və gecə saatlarında anidən güclənən külək bəzi təsərrüfatlara və şəxsi bağ-bostanlara ziyan vurub. Bəzi ərazilərə dolu düşüb, leysan yağıb.

© Sputnik / Ilham Ahmadov
Oğuz rayonunun dağətəyi kəndlərinə dolu yağıb

Pis hava şəraiti Oğuz rayonunun Xaçmaz, Sincaç, Filfilli və digər dağətəyi kəndlərində daha ciddi fəsadlara səbəb olub. Bu kəndlərə güclü dolu düşməsi nəticəsində meyvə ağacları və bostanlara ziyan dəyib. Bəzi yerlərdə dolunun diametri 5 sm-dən çox olub.

Hazırda da qeyd olunan rayonlarda külək əsir və qısa müddətli yağışlar müşahidə olunur.

135
Əlaqədar
Azərbaycanda bu kəndlər susuz qaldı - Maşınla su verilir
Hava ilə pandemiya əl-ələ verib: camaatı evə qovurlar
Evdə oturduğunuza şükür edəcəksiz: elə isti söz verdilər ki...
Azərbaycan Milli Olimpiya Komitəsi

Milli Olimpiya Komitəsindən təkzib: "Belə "təşəkkür" məktubu yazmamışıq"

0
(Yenilənib 18:44 06.06.2020)
"MOK-un rəhbərliyinin belə bir məktub yazması mümkünsüzdür və bu cür iddia ilə çıxış edilməsi aşkar qərəzdən başqa bir şey deyildir"

BAKI, 6 iyun — Sputnik. Azərbaycan Milli Olimpiya Komitəsi Beynəlxalq Ağır Atletika Federasiyasının (IWF) sabiq prezidenti Tamaş Ayana "təşəkkür məktubu göndərməsi" qalmaqalına aydınlıq gətirib.

Sputnik Azərbaycan-a Komitədən daxil olan məlumatda deyilir:

"İyun  ayının 5-də “insidethegames.biz” saytında “Maklarenin hesabatında Azərbaycan Prezidentinin Ayana dopinq cəzalandırılmasını gecikdirdiyinə görə təşəkkür etdiyi deyilir” başlığı ilə məqalə dərc olunub. Orada qeyd olunur ki, kanadalı professor Riçard Maklaren Beynəlxalq Ağır Atletika Federasiyasının (IWF) sabiq prezidenti Tamaş Ayanın quruma rəhbərlik etdiyi dövrdəki fəaliyyəti barədə iddialar üzrə müstəqil qaydada apardığı və nəticələrini açıqladığı araşdırma-hesabatda Azərbaycan idmançıları ilə bağlı məsələlərə də toxunub.

Belə ki, iddiaya görə, Azərbaycan Milli Olimpiya Komitəsi 2016-cı ildə IWF prezidenti Tamaş Ayana təşəkkür məktubu yazaraq, əvvəllər etdiyi köməyə görə təşəkkür edib. Hesabata əsasən, bu kömək 2013-cü ildə qadağan olunmuş preparatları qəbul edərək dopinq cəzasına məruz qalmış 18 azərbaycanlı ağır atletin həmin cəzasının tətbiqinin gecikdirilməsi və onların həmin ilin dekabr ayında Bakıda keçirilən nüfuzlu Beynəlxalq Qran-Pri yarışında iştirakına imkan verilməsindən ibarət olub. Mütləq şəkildə bildirilməlidir ki, iddianın heç bir əsası yoxdur və absurd olduğu aşkardır.

Çünki Ümumdünya Antidopinq Məcəlləsinə əsasən, antidopinq qayda pozuntusunu törədən idmançının dopinq nəzarəti testi götürüldüyü tarixdən etibarən qərarın tarixinədək əldə etdiyi bütün nəticələri ləğv edilir. Bu isə o deməkdir ki, haqqında danışılan idmançılar onsuz da cəzalandırılıblar. Bu addım idmançının həmin müddətdə qazandığı nəticənin böyük və kiçikliyindən, yarışın nüfuz və əhəmiyyətindən asılı olmayaraq atılır. Yəni qərar qəbul edilənə qədər idmançının hər-hansı yarışda iştirakının heç bir əhəmiyyəti yoxdur. Bu səbəbdən də həmin hesabatda qeyd edilən bu və digər iddialar əsassız, qərəzli xarakter daşıyır".

"Azərbaycan Milli Olimpiya Komitəsinin rəhbərliyi belə bir “təşəkkür” məktubu yazmayıb. MOK-un rəhbərliyinin belə bir məktub yazması mümkünsüzdür və bu cür iddia ilə çıxış edilməsi aşkar qərəzdən başqa bir şey deyildir", - MOK-un məlumatında vurğulanır.

0
Əlaqədar
Milli Olimpiya Komitəsinin əməkdaşları Fonda pul köçürdülər
Çingiz Hüseynzadə: "Tezliklə həyat özünün normal axarına dönəcək"
Tokio Olimpiadasının vaxtı dəyişdi, bəs Azərbaycanda məşqçilərlə müqavilələr uzadılacaqmı?
Milli Olimpiya Komitəsi "Olimpiya Günü"nü eyvanda qeyd edib