Masallı rayon Polis Şöbəsinin binası

Bakıdan rayona gedən şəxs naməlum şəraitdə itkin düşüb

163
(Yenilənib 19:04 23.09.2018)
23 yaşlı gənc 10 gün əvvəl evdən xəbərsiz çıxaraq Masallı rayonuna, bacısının qaldığı Alışanlı kəndinə gedib və bir gün sonra yoxa çıxıb

Rahim Zakiroğlu, Sputnik Azərbaycan

BAKI, 23 sentyabr — Sputnik. On gün əvvəl Bakıdan Masallı rayonuna gedən şəxs itkin düşüb.

Sputnik Azərbaycan-ın bölgə müxbirinin verdiyi xəbərə görə, əslən Masallı rayonunun Səmidxanlı kəndindən olan, valideynləri ilə birlikdə Bakı şəhərinin Xətai rayonunda yaşayan 1995-ci il təvəllüdlü Əlibəyli İlkin Namiq oğlu 10 gün əvvəl evdən xəbərsiz çıxaraq Masallı rayonuna, bacısının qaldığı Alışanlı kəndinə gedib.

Əlibəyli İlkin Namiq oğlu
© Photo : Namiqin dayısı tərəfindən təqdim olunub
Əlibəyli İlkin Namiq oğlu

Orada bir gün qaldıqdan sonra xəbərsiz olaraq evi tərk edib və naməlum istiqamətdə gedib.

Faktla bağlı Daxili İşlər Nazirliyinin ″102″ Xidməti-Zəng mərkəzi sisteminə və Xətai Rayon Polis İdarəsinə müraciət olunub. Lakin hər hansı bir məlumat yoxdur.

İtkin düşdüyü ehtimal edilən İ.Əlibəylinin boyu 175 sm, saçları qaradır. Bir gözündə çəplik var. Sol qolunda böyük ölçüdə qara xal var. Fiziki cəhətdən sağlam görünsə də, əqli cəhətdən qüsurludur. Evdən çıxanda əynində cins şalvar, qara köynək və idman ayaqqabıları da olub.

Onu görənlərdən və yaxud məlumatı olanlardan 050 470 29 70 və ya 055 660 38 70 nömrələrinə zəng vurmaları xahiş olunur.

163
Teqlər:
102″ Xidməti-Zəng mərkəzi, itkin, Daxili İşlər Nazirliyi, Masallı rayonu
Əlaqədar
Bakıda 16 yaşlı qız gecə vaxtı itkin düşdü
Bakıda lal-kar qadın itkin düşüb
Beş gün əvvəl itkin düşən kişinin meyiti tapıldı
Daha bir vətəndaşımız dağlıq ərazidə itkin düşüb