Daxili İşlər Nazirliyi

Daxili İşlər Nazirliyi Bakıda yaşanan dəhşətlə bağlı məlumat yayıb

647
(Yenilənib 15:10 21.09.2018)
Hazırda Xətai Rayon Polis İdarəsi tərəfindən araşdırma aparılır

BAKI, 21 sentyabr — Sputnik. Daxili İşlər Nazirliyi (DİN) ötən gün Bakıda 4 nəfərin ölümü ilə nəticələnən qəza ilə bağlı məlumat yayıb. Sputnik Azərbaycan-a daxil olan məlumatda bildirilir ki, sentyabrın 20-də saat 18.00 radələrində Xətai rayonu ərazisində Bakı şəhər sakini Anar Əzimov idarə etdiyi "Hyundai" markalı avtomobili yolun kənarındakı metal dirəyə vurub.

"Nəticədə sürücü və sərnişinləri — həmyerliləri Həsən Məmmədsadıqov, Nurlan Rüstəmov və Qəbələ rayon sakini Hafiz Bilalov hadisə yerində ölüblər. Xətai Rayon Polis İdarəsi tərəfindən araşdırma aparılır" — deyə DİN-in xəbərində qeyd olunur.

Qeyd edək ki, hadisə dünən axşam saatlarında Xətai rayonu ərazisində Nobel prospektində qeydə alınıb. "Hyundai Elantra" markalı minik avtomobili yol kənarındakı elektrik dirəyinə çırpılıb. Nəticədə 4 nəfər hadisə yerində ölüb.

Əraziyə Fövqəladə Hallar Nazirliyinin (FHN) Xüsusi Riskli Xilasetmə Xidmətinin müvafiq xilasetmə qüvvələri cəlb olunub. Onlar meyitləri deformasiyaya uğramış avtomobildən çıxarıblar.

647
Teqlər:
DİN, Bakı, Daxili İşlər Nazirliyi, qəza
Əlaqədar
Paytaxtda ağır qəza oldu, orta yaşlı piyada vuruldu - VİDEO
Sumqayıtda ağır qəza: Avtobus "Kamaz"la toqquşub, çoxlu yaralı var
Yevlaxda dəhşətli qəza: Piyadanı dalbadal 2 maşın vurdu
Rusiyada beş maşının iştirakı ilə baş verən ağır qəzanın görüntüləri yayıldı
Türkiyədə azərbaycanlılar ağır qəzaya düçar olublar