Qətl törədən adam

"Zeytun bağları"nda qətl: İstintaq müdhiş cinayətin izinə düşüb

405
(Yenilənib 14:16 17.09.2018)
Söyüşlə müşayiət olunan mübahisə acı sonluqla başa çatıb

Ramella İbrahimxəlilova, Sputnik Azərbaycan

BAKI, 17 sentyabr — Sputnik. Ötən həftə Suraxanı rayonunun hüquq-mühafizə orqanları üçün qəsdən adamöldürmə faktı ilə başa çatıb. Bu barədə Sputnik Azərbaycan-a Suraxanı Rayon Prokurorluğundan məlumat verilib.

Sentyabrın 16-da "Zeytun bağları" adı ilə məşhur olan ərazidə, 1977-ci il təvəllüdlü Qədirov Sərsəng Alxas oğlu qətlə yetirilib. Patoloqoanatomlar onun bədənində çoxsaylı bıçaq zərbələri aşkar ediblər. Lakin onlardan biri — sinə nahiyəsinə saplanan bıçaq ölümcül olub.

Araşdırma zamanı məlum olub ki, qətlin törədilməsində yerli sakin və Qədirovun tanışı, 1979-cu il təvəllüdlü Abuzərov Dostəli Rəşid oğlunun əli var. Hazırda şübhəli şəxs istintaqdan gizlənir.

Cinayət-axtarış şöbəsinin tədqiqatçıları şübhəlinin saxlanılması istiqamətində tədbirlər görür. Abuzərova qarşı AR Cinayət Məcəlləsinin 120.1-ci maddəsi (qəsdən adam öldürmə) ilə cinayət işi açılıb.

Şahid ifadələri əsasında irəli sürülən ilkin ehtimala görə, münaqişə zamanı cinayət işində adı çəkilən şəxslər bir-birilərini təhqir ediblər. Onların söyüşlə müşayiət olunan mübahisəsi ölümlə nəticələnib.

405
Teqlər:
"Zeytun bağları", Suraxanı rayonu, qətl, cinayət, hüquq-mühafizə orqanları
Əlaqədar
Bakıda iki qətl törədildi: biri öz kürəkənini, digəri isə yaşlı qonşusunu öldürdü
Həyat yoldaşını və qayınatasını qətlə yetirdi
Dəhşətli qətlin üstü açıldı, qatillər tutuldu