Арест, фото из архива

Bakıda İran vətəndaşını döyən saxlanıldı

75
İş üzrə zəruri istintaq-əməliyyat tədbirləri davam etdirilir

BAKI, 5 sentyabr — Sputnik. İran İslam Respublikası vətəndaşı Vakili Razlighi Alinin qanunsuz azadlıqdan məhrum edilməklə döyülərək xəsarət alması barədə müraciəti Bakı şəhər prokurorluğunda araşdırılıb. Bu barədə Sputnik Azərbaycan-a Baş Prokurorluqdan məlumat verilib. Bildirlib ki, araşdırma zamanı mayın 14-də paytaxtın Nərimanov rayonu ərazisində fəaliyyət göstərən "Ellips" gecə klubunun sahibi Dilsuz Dəmirçiyevin şəriki R.Vakilini qanunsuz azadlıqdan məhrum etməsi və döyərək az ağır bədən xəsarəti yetirməsinə şübhələr olduğundan faktla əlaqədar Bakı şəhər prokurorluğunda cinayət işi başlanıb.

İş üzrə hadisənin şahidləri müəyyənləşdirilərək dindirilib, müvafiq ekspertiza təyin edilmiş və zəruri istintaq hərəkətləri aparılıb.

D.Dəmirçiyev iş üzrə təqsirləndirilən şəxs qismində cəlb olunaraq ona Cinayət Məcəlləsinin 127.1 (qəsdən sağlamlığa az ağır zərər vurma) və 145.2.5-ci (qanunsuz azadlıqdan məhrum etmə, zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə törədildikdə) maddələri ilə ittiham elan edilməklə məhkəmənin qərarı ilə barəsində həbs qətimkan tədbiri seçilib.mişdir.

Hazırda iş üzrə zəruri istintaq-əməliyyat tədbirləri davam etdirilir.

75
Əlaqədar
Mourinyo həbs cəzası alacaq
Bir neçə nəfər həbs edildi - RƏSMİ
Məşhurların intim şəkillərini oğurlayana 10 ay həbs verildi
Xəyanət, həbs, ölüm və 4 sahibsiz uşaq - Bakıda ərli qadın nə hoqqalardan çıxıb
Azərbaycanlı mafiya lideri İstanbulda həbs edildi - VİDEO