Sumqayıt çayı üzərindəki körpünün altına kimyəvi maddələr olan kisələrin atılması

Sumqayıtda təhlükəli tullantılar aşkarlanıb

173
(Yenilənib 14:57 31.08.2018)
Kisələr ərazidən yığışdırılaraq təhlükəli tullantılar poliqonuna daşınıb

BAKI, 31 avqust — Sputnik. Ekologiya və Təbii Sərvətlər Nazirliyinin (ETSN) "Qaynar xətt"inə Sumqayıt çayı üzərindəki körpünün altına kimyəvi maddələr olan kisələrin atılması ilə bağlı daxil olan məlumat Nazirliyin 4 saylı Regional Ekologiya və Təbii Sərvətlər İdarəsinin əməkdaşları tərəfindən yerində araşdırılıb və fakt təsdiqini tapıb.

Bu barədə Sputnik Azərbaycan-a ETSN-in mətbuat xidmətindən məlumat verilib. Bildirilib ki, araşdırma zamanı sözügedən ərazidə hər birinin çəkisi 25.2 kiloqram olan 300-ə yaxın ammonium-bi-flüorid duzu ilə dolu kisələrin atıldığı məlum olub.

Nazirliyin Təhlükəli Tullantıların İdarə Olunması üzrə Milli Mərkəzinin əməkdaşları tərəfindən kisələr ərazidən yığışdırılaraq təhlükəli tullantılar poliqonuna daşınıb. Kisələri əraziyə atan şəxslərin kimliyinin müəyyənləşdirilməsi məqsədilə Sumqayıt Şəhər Polis İdarəsinə məktubla müraciət edilib.

173
Teqlər:
ETSN, şikayət, maddə, Ekologiya və Təbii Sərvətlər Nazirliyi
Əlaqədar
İndi də bizi dənizdən belə uzaqlaşdırırlar: Üfunət, tullantı, çirkab suyu...
Bakıda içməli suya tullantı axıdılıb?
Tullantılarınızı bayıra atmazdan öncə, xəbəriniz olsun...