Yaşayış binasının tikintisi, arxiv şəkli

Bakı Şəhər İcra Hakimiyyəti qanunsuz tikililərə qarşı reydlərə başladı

316
(Yenilənib 16:20 30.08.2018)
Bu işlər rayonun digər yerləri və eləcə də paytaxtın bütün rayonlarında aparılacaq

BAKI, 30 avqust — Sputnik. Bakı Şəhər İcra Hakimiyyətində yaradılmış işçi qrup tərəfindən şəhərin bütün rayonlarında qanunsuzluqların aşkarlanması məqsədi ilə reydlər keçirilib. Bu barədə Sputnik Azərbaycan-a Bakı Şəhrə İcra Hakimiyyətindən məlumat verilib. Bildirlib ki, qeyri-qanuni tikili və obyektlər müəyyənləşdirilib.

Artıq Bakı Şəhər İcra Hakimiyyəti tərəfindən qanunsuz tikili və obyektlərin, zəbt olunan torpaq sahələrinin hasarlarının sökülməsi, səkilərin və yol kənarlarının təmizlənməsi, həyət və məhəllələrdə qeyri-qanuni tikili və hasarların sökülərək burada sakinlərin istirahəti üçün hər cür şəraiti olan "Abad məhəllə" və "Nümunəvi həyət"lərin yaradılması istiqamətində işlərə start verilib. Bu zaman paytaxt sakinlərinin müraciət, istək və arzuları da nəzərə alınıb. İlk işlərə paytaxtın Xətai rayonunda başlanıb.Rayonda zəbt edilən 7 ərazi aşkarlanıb, həmin yerlərdə söküntü işləri aparılıb.

Belə ki, Məhəmməd Hadi və Neapol küçələrində, Ukrayna dairəsi yaxınlığında yol kənarında zəbt olunmuş torpaq sahələrinin hasarları sökülüb, ərazi tikinti materialları və məişət tullantılarından təmizlənib, ərazidə abadlıq işlərinə başlanıb. Obyekt və tikililərin səkilərə çıxan, gediş-gəlişə mane olan və sakinlərə təhlükə yaradan hissələrinin sökülməsi aparılır. Bu işlər rayonun digər yerləri və eləcə də paytaxtın bütün rayonlarında aparılacaq.

316
Əlaqədar
Yeni yol tikilir: Prezident 4,5 milyon pul ayırdı
Tələbələr üçün nəhəng yataqxana kompleksi tikilir
Paytaxtdakı qanunsuz tikililərin taleyi huquqi müstəvidə həll olunacaq
Səudiyyə kralından İraqa milyardlıq hədiyyə: Ən böyük stadion tikilir
Planetin ən hündür tikilisinin açılışı