Dənizdə batan adam. Arxiv şəkli

Göldə çimmək istədi, amma...

208
(Yenilənib 18:03 24.08.2018)
Mərhumun cəsədi 1,5 saat suda qalıb

Şahpəri Abbasova, Sputnik Azərbaycan

BAKI, 24 avqust — Sputnik. Zaqatala rayonunun Aşağı Tala kəndində bədbəxt hadisə baş verib.

Rəvan İsmayılov
© Foto R.İsmayılovun ailə üzvləri tərəfindən təqdim olunub
Rəvan İsmayılov

Sputnik Azərbaycan-ın bölgə müxbirinin məlumatına görə, kəndin Köçkün Qəsəbə sakini Rəvan Ramil oğlu İsmayılov yaxınlıqda olan gül plantasiyasına məxsus göldə çimərkən boğularaq ölüb. 14 yaşlı məktəblinin qohumlarının verdiyi məlumata görə, mərhumun cəsədi 1,5 saat suda qalıb.

Onun meyiti FHN-nin əməkdaşları tərəfindən sudan çıxarılıb. O, bu gün torpağa tapşırılıb.

Faktla bağlı araşdırma aparılır.

208
Teqlər:
yeniyetmə, göl, boğulma, Zaqatala rayonu, cəsəd
PPX avtomobili, arxiv şəkli

İki bacıdan mənfur əməl: tanınmamaq üçün hicab taxdılar - FOTO

13
(Yenilənib 14:12 16.05.2021)
Bakıda polislərin saxladıqları iki bacı ifadələrində cibgirlik edən zaman kameralardan yayınmaq üçün baş örtüyündən istifadə etdiklərini bildiriblər.

BAKI, 16 may — Sputnik. Bakı Şəhər Baş Polis İdarəsinin əməkdaşları tərəfindən paytaxt ərazisində avtobuslarda, ticarət məkanlarında cibgirliklə məşğul olan şəxslərə qarşı xüsusi əməliyyat həyata keçirilib. Daxili İşlər Nazirliyindən Sputnik Azərbaycan-a verilən məlumata görə, əməliyyat zamanı əvvəllər Cinayət Məcəlləsinin müxtəlif maddələri ilə dəfələrlə məhkum olunan Sumqayıt şəhər sakinləri - Dilşad Ağammədova və bacısı Fəridə saxlanılıblar. Onların ətraflarında həyata keçirilən tədbirlərlə bu şəxslərin ayrı-ayrı vaxtlarda paytaxt ərazisində fəaliyyət göstərən müxtəlif marşrut xətləri ilə hərəkət edən avtobuslarda, həmçinin ticarət obyektlərində 10-a yaxın şəxsin cibindən pul, mobil telefonlar və digər qiymətli əşyalar oğurladıqları məlum olub.

Qeyd edək ki, hər iki bacı ifadələrində cibgirlik edən zaman kameralardan yayınmaq üçün baş örtüyündən istifadə etdiklərini bildiriblər. Onların törətdikləri hadisələrin bir neçəsi, həmçinin, cibgirlik edəndən sonra həmin məkanlardan yayınmaları müşahidə kameraları vasitəsi ilə də lentə alınıb. D.Ağammədova və F.Ağammədova cibgirlik yolu əldə etdikləri pul kisələrindəki maddi vəsaitləri götürəndən sonra həmin əşyaları və içində olan sənədləri tulladıqlarını, mobil telefonları isə paytaxtın müxtəlif nöqtələrində yerləşən mağazalarda satdıqlarını qeyd ediblər.

  • Saxlanılan şəxs
    © AR Ministry of Internal Affairs
  • Saxlanılan şəxs
    © AR Ministry of Internal Affairs
  • Saxlanılan şəxs
    © AR Ministry of Internal Affairs
1 / 3
© AR Ministry of Internal Affairs
Saxlanılan şəxs

Baş İdarə əməkdaşları tərəfindən həyata keçirilən digər əməliyyat zamanı avtobuslarda cibgirliklə məşğul olan daha bir nəfər saxlanılıb. Əməliyyat nəticəsində əvvəllər dəfələrlə məhkum olunan Sumqayıt şəhər sakini Yaşar Məmmədli tutulub. Əldə edilən kamera görüntülərindən və bu şəxsin ətrafında aparılan əməliyyat tədbirləri zamanı müəyyən edilib ki, o, hər gün Sumqayıtdan Bakıya gələrək paytaxt ərazisində avtobuslarda cibgirlik edib.

Qeyd edək ki, saxlanılan zaman Yaşar Məmmədlinin üzərindən heroin və cibgirlik edən zaman əldə etdiyi bank kartlarından bəziləri aşkar olunaraq götürülüb.

Faktlarla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işləri başlanılıb, onların ətraflarında istintaq-əməliyyat tədbirləri davam etdirilir. Dilşad Ağammədova, Fəridə Ağammədova və Yaşar Məmmədlinin paytaxt ərazisində digər analoji cinayətlər etdikləri də istisna olunmur. Onların əməllərindən zərərçəkən başqa vətəndaşlar varsa, bu barədə ərazi üzrə polis idarə, şöbə, bölmələrinə, habelə, Bakı Şəhər Baş Polis İdarəsi və Nazirliyin "102" Xidməti-Zəng Mərkəzinə məlumat verə bilərlər.

Eləcə də oxuyun: 

Ukraynada Azərbaycan səfirliyinə məxsus saxta nömrə ilə avtomobili idarə edən saxlanılıb

Şirvanda adam oğurlayan şəxslər saxlanılıb

“OBA” marketin müdirinin pulları oğurlanıb

13
Teqlər:
saxlanılma, polis, Bakı, Sumqayıt, hicab, bacılar, cibgir
28 yaşlı Fərid Alimovun dəfni

Sərhəddə həlak olan hərbçimiz Qubada dəfn olundu

112
Sərhəddə həlak olan hərbçimizlə Qubada vida mərasimi keçirilib. Fərid ailənin böyük övladı olub. O, evli idi, 3 yaşında bir qızı ondan bizə yadigar qaldı.

Leyla Abdullayeva, Sputnik Azərbaycan

BAKI, 16 may — Sputnik. Mayın 15-də Azərbaycan-İran sərhədində - Yardımlı rayonunun Gendərə kəndi yaxınlığındakı sərhəd zastavasının ərazisində baş verən insidentdə həlak olan DSX-nin hərbi qulluqçusu, kiçik gizir, 28 yaşlı Fərid Elçin oğlu Alimov Quba rayonunun Yeni Güləzi kənd qəbristanlığında torpağa tapşırılıb. Dəfn mərasimində Quba İH başçısı və rəhbərliyi, hüquq-mühafizə orqanlarının əməkdaşları və kənd sakinləri iştirak ediblər.

  • 28 yaşlı Fərid Alimovun dəfni
    © Sputnik / Leyla Abdullayeva
  • 28 yaşlı Fərid Alimovun dəfni
    © Sputnik / Leyla Abdullayeva
  • 28 yaşlı Fərid Alimovun dəfni
1 / 3
© Sputnik / Leyla Abdullayeva
28 yaşlı Fərid Alimovun dəfni

Onu da qeyd edək ki, Fərid ailənin böyük övladı olub. Onun özündən kiçik subay qardaşı və evli olan bacısı var.

Fərid Alimov evli idi, 3 yaşında bir qızı ondan bizə yadigar qaldı.

Azərbaycan-İran sərhədində insident

Mayın 15-də Dövlət Sərhəd Xidmətinin Sərhəd Qoşunlarının "Göytəpə" sərhəd dəstəsinin xidməti ərazisində Yardımlı rayonunun Gendərə kəndi yaxınlığındakı sərhəd zastavasının xidməti sahəsində 3 nəfər naməlum şəxs Azərbaycan Respublikasının mühafizə olunan dövlət sərhədini nəzarət-buraxılış məntəqələrindən kənarda qanunsuz olaraq keçərkən DSX-nın əməkdaşlarının qanuni tələblərinə tabe olmayaraq onlara odlu silahdan atəş açıb və nəticədə xidməti vəzifələrini icra edən baş leytenant Samir Eyvazov və kiçik gizir Fərid Alimov həlak olublar.

Baş Prokurorluğun Mətbuat xidmətindən Sputnik Azərbaycan-a verilən məlumata görə, keçirilən əməliyyat tədbirləri nəticəsində sərhəd pozucularından biri saxlanılıb, saxlanılan şəxsin İran İslan Respublikasının vətəndaşı Bərgi Həsənəli Novruz oğlu olması müəyyən edilib.

Faktla bağlı Hərbi Prokurorluq tərəfindən Cinayət Məcəlləsinin 120.2.1 (qəsdən adam öldürmə), 206.3.2 (qabaqcadan əlbir olan bir qrup şəxs tərəfindən narkotik vasitə və psixotrop maddələrin qaçaqmalçılığı), 234.4.1 və 234.4.3 (satış məqsədi ilə qanunsuz olaraq külli miqdarda narkotik vasitə və psixotrop maddələri əldə etmə, saxlama, daşıma və satma), 318.1-ci (Azərbaycan Respublikasının dövlət sərhədini qanunsuz olaraq keçmə) və digər maddələri ilə cinayət işi başlanılıb.

Hadisə yerinə baxış zamanı sərhəd pozucularının qanunsuz yolla ölkə ərazisinə gətirdikləri narkotik vasitə hesab olunan 3840 qram "marixuana" və 95 qram "metamfetamin", güclü təsir edən maddə olan 17715 ədəd "preqabalin" həbi, eləcə də odlu silaha aid gilizlər və digər maddi subutlar aşkar olunaraq götürülüb.

Eləcə də oxuyun: 

Sərhəddə hərbçilərimizin qətli ilə bağlı saxlanılan var

Dinc dövrdə həlak olan hərbçimiz torpağa tapşırıldı

İranla sərhəddə atışma: İki hərbçimiz həlak olub

* İrandan Ukraynaya aparılan qəribə yük: İt kartof şəklinə salınmış narkotikləri ələ verdi

 

112
Teqlər:
Quba, dəfn, sərhədçilər, insident, İran, Azərbaycan, sərhəd
Народный артист Азербайджана Ариф Гулиев

Bu gün Arif Quliyevin doğum günüdür

0
(Yenilənib 15:29 16.05.2021)
Ötən ay dünyanı cənginə almış koronavirus bəlası Arif Quliyevdən də yan keçmədi. Vəziyyəti ağır olan aktyor süni tənəffüs aparatına qoşuldu, ağciyərlərinin 90 faizi buzlaşdı. Uzun müddət vəziyyəti kritik olan sənətkar mayın 7-nə keçən gecə əbədi olaraq gözlərini yumdu.

BAKI, 16 may — Sputnik. Mayın 7-də dünyasını dəyişən Xalq artisti Arif Quliyevin ad günüdür. Yaşasaydı, aktyorun 71 yaşı tamam olacaqdı.

Sputnik Azərbaycan xəbər verir ki, ötən ay dünyanı cənginə almış koronavirus bəlası Arif Quliyevdən də yan keçmədi. Vəziyyəti ağır olan aktyor süni tənəffüs aparatına qoşulmuş, ağciyərlərinin doxsan faizi buzlaşmışdı. Uzun müddət vəziyyəti kritik olan sənətkar mayın 7-nə keçən gecə əbədi olaraq gözlərini yumdu.

A.Quliyev 1950-ci ildə Şirvan şəhərində doğulub. 1965-ci ildə Bakı Mədəni-Maarif Texnikumunun "Dram və kino aktyorluğu" fakültəsinə daxil olub. 1968-ci ildə texnikumu bitirib, Mingəçevir Dövlət Dram Teatrına təyinatla işləməyə göndərilib. 1973-cü ildə Azərbaycan Dövlət İncəsənət İnstitutunun Musiqili komediya aktyorluğu fakültəsinə daxil olub. 1975-ci ildə Musiqili Komediya Teatrına dəvət edilib. 1979-cu ildə o, İncəsənət İnstitutunu bitirib.

Müxtəlif səpkili və müxtəlif xarakterli obrazlar yaradıb. Teatr səhnəsində ifa etdiyi Şərbətəli (S.Dağlı, C.Cahangirov, "Təzə gəlin"), Salyanski (F.Əmirov, M.Əlizadə, "Gözün aydın"), Əli (M.Şamxalov, Z.Bağırov, "Qaynana"), Dursun (S.Rüstəmov, S.Rüstəmov, "Durna"), Mürsəl (S.Ələsgərov, S.Qədirzadə, "Gurultulu məhəbbət"), İbişov (Ş.Qurbanov, S.Ələsgərov, "Özümüz bilərik"), Dursunov (S.Rəhman, E.Sabitoğlu, "Hicran"), Tofiq (Ş.Axundova, N.Gəncəli, "Ev bizim, sirr bizim"), Hambal (Ü.Hacıbəyov, "Məşədi İbad"), Mirzəqulu (Hidayət, "Durnalar qayıdanda"), Səbzəli (M.Haqverdiyev, "Məhəbbət, şeytan və ağ ölüm") kimi obrazlar komediya janrında yaratdığı uğurlu rollardan bir qismidir.

Yaradıcılığında Azərbaycan Televiziyası da geniş yer tutur. Onun "Şans", "Bığ əhvalatı", "Qaynana", "Lift əhvalatı", "Yarım ştat", "Evləri köndələn yar" və başqa teletamaşalarda oynadığı rollar tamaşaçıların rəğbətini qazanıb.

Xalq artisti 2006-cı ildə teatrdakı qazandığı uğurlara görə "Qızıl Dərviş", 2012-ci ildə "Zirvə" mükafatına, 2014-cü ildə sənətkar medalına layiq görülmüşdü. Prezident təqaüdçüsü idi.

Allah rəhmət eləsin!

Eləcə də oxuyun: 

Mahnıları dillər əzbəri olan bəstəkarımızın doğum günüdür

İP qurbanı olan məşhurlar - buna görə cəza tətbiq olunurmu?

Arif Quliyevin videogörüntüsünü paylaşan tibb işçisi cəzalandırıldı

 

0
Teqlər:
doğum günü, vəfat, Arif Quliyev