Bakıda polis maşınları

Avtoritetin əli: Bakıda zibil qutusunda bədən hissələri tapılan şəxs kimdir?

13561
(Yenilənib 16:48 24.08.2018)
Kəsilmiş əlin üzərindəki döymə onun sahibinin həbsxananın təkadamlıq kamerasında cəza çəkdiyini göstərir

Ramella İbrahimxəlilova, Sputnik Azərbaycan

BAKI, 24 avqust — Sputnik. Bakıda vəhşicəsinə törədilmiş qətl hadisəsi qeydə alınıb. Ötən bazar günü Suraxanı rayonunun Bülbülə qəsəbəsində zibil qutusunda kəsilmiş kişi əli tapılıb. Suraxanı Rayon Polis İdarəsindən Sputnik Azərbaycan-a verilən məlumata görə, kişinin sağ əli kəsilib.

Bədən üzvünə baxış zamanı əlin balta vasitəsilə kəsildiyi müəyyən edilib. Ekspertlər əlin üzərində döymə aşkarlayıblar. Döymədə nərd oyunu zamanı istifadə edilən 5 nöqtəli zər təsvir olunub. Kriminal aləmdə belə döymələr onun sahibinin həbsxana müddətini təkadamlıq kamerada keçirdiyini ifadə edir. Lakin barmaq izlərinin olduğu məlumat bazasında aparılan araşdırmalar kriminalistlərə heç bir ipucu verməyib. Böyük ehtimalla qətlə yetirilmiş şəxs əvvəllər Rusiyada, ya da digər MDB ölkəsində həbsdə yatıb.

Hüquq müdafiəçisi, penitensiar sistem üzrə mütəxəssis Eldar Zeynalov Sputnik Azərbaycan-ın əməkdaşı ilə söhbətində bildirib ki, kriminal dünyanın qanunlarına görə, adətən təkadamlıq kamerada cinayətkar avtoritetlər oturur. Onları hətta digər cinayətkarlardan da təcrid edirlər. Eyni zamanda, təkadamlıq kameralara o adamları yerləşdirirlər ki, onların qaydaları pozmaq təhlükəsi var, yaxud da onların şəxsi həyatı təhlükə altındadır.

İstintaq-əməliyyat qrupu, hələlik bədənin tapılmış hissəsi əsasında nəsə deməyə çətinlik çəkir. Cinayətin tam mənzərəsinin aydın olması üçün onlar bədənin digər hissələrinin də tapılmasını gözləyirlər. Faktla bağlı AR Cinayət Məcəlləsinin 120-ci maddəsi (qəsdən adam öldürmə) ilə cinayət işi açılıb.

Qeyd edək ki, 2017-ci ilin sentyabrında Azərsu ASC-nin Hövsan Aerasiya Stansiyasının kollektorunda Makarov tapançası ilə qətlə yetirilərək hissələrə parçalanmış kişi meyiti tapılıb. Onun saçları, qaş və kiprikləri qırxılmış başı da aşkarlanmışdı. İstintaq orqanlarının qənaətinə görə, qatil öz qurbanını ona görə bu hala salıb ki, onu tanımaq mümkün olmasın. Öldürülən şəxsin paltarları da tapılmayıb. İndiyədək itkin düşmüş şəxslərlə bağlı məlumat bazasında aparılan tədqiqatlar da bir nəticə verməyib. İstintaq orqanlarına cinayətin izinə düşmək üçün indiyədək heç bir informasiya daxil olmayıb.

Xatırladaq ki, əvvəllər mütəxəssislər qətlin şəhər kənarındakı kimsəsiz yerlədən birində törədildiyini güman edirdilər. Sonra belə versiya irəli sürüldü ki, hadisə Bilgəh qəsəbəsi ərazisində baş verib. Bunu cəsədin hissələrinin tez tapılması da göstərib. Qatil öz qurbanının bədən hissələrini onun tapıldığı yerin yaxınlığında kanalizasiya kollektoruna atıb.

13561
Teqlər:
kəsilmiş, bədən üzvü, zibil qutusu, kriminal avtoritet, əl, Bakı
Əlaqədar
Bakıdakı tükürpədici cinayətdə yeni tapıntı: kəsilmiş ayaq...
Parçalara bölünüb Hövsan kollektoruna atılmış şəxs kimdir?
Bıçaq əlində qadın, arxiv şəkil

Bacılar arasında bıçaqlaşma baş verib - Lənkəranda

9
(Yenilənib 17:34 18.04.2021)
1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib.

BAKI, 18 aprel - Sputnik. Lənkəranda bıçaqlanma hadisəsi baş verib.

Sputnik Azərbaycan Report-a istinadla xəbər verir ki, hadisə şəhərin Füzuli küçəsi 43 ünvanında baş verib. Belə ki, 1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib. Ona zəruri tibbi yardım göstərilib.

Hadisənin ailə münaqişəsi zəminində bacılar arasında baş verdiyi bildirilir. Faktla bağlı araşdırma aparılır.

9

Samuxda reyddə 15 nəfər sürücü inzibati məsuliyyətə cəlb edildi

471
(Yenilənib 08:33 18.04.2021)
Reydlərin keçirilməsində məqsəd avtomobillərin ixrac qazlarının tərkibində olan zərərli maddələrin atmosferi çirkləndirməsinin qarşısını almaqdır.

BAKI, 18 aprel - Sputnik. Samux Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində nəqliyyatın sıx olduğu yerlərdə “Təmiz hava” aylığı ilə əlaqədar reyd keçirilib.

Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, reydlərin keçirilməsində məqsəd avtomobillərin ixrac qazlarının tərkibində olan zərərli maddələrin atmosferi çirkləndirməsinin qarşısını almaqdır.

Rayonun müxtəlif ərazilərində təşkil olunan reyd zamanı yol polisi əməkdaşları sürücülərin bir daha diqqətinə çatdırıblar ki, istifadələrində olan avtomobillərin yanacaq sistemini tənzimləməklə onları saz vəziyyətə gətirməli və ixrac qazlarının tərkibinin normalara uyğunlaşdırılmasını təmin etdikdən sonra istismarına yol verməlidirlər. Reyd zamanı 15 nəfər sürücü inzibati məsuliyyətə cəlb edilib.

471
Президент РФ Владимир Путин и министр обороны РФ Сергей Шойгу во время прогулки в тайге

Putin həftə sonunu Şoyqu ilə birlikdə çox sevdiyi Sibirdə keçirdi

0
(Yenilənib 21:09 18.04.2021)
Peskov deyib ki, Putin Uzaq Şərqi də ziyarət edir, Soçini, Krasnaya Polyananı, Krımı da çox sevir. Bütün bu bölgələrin içində Rusiya Prezidenti ən çox Sibirə üstünlük verir.

BAKI, 18 aprel - Sputnik. Rusiya Prezidentinin mətbuat katibi Dmitri Peskov Vladimir Putinin ölkəsinin hansı bölgələrini daha çox sevdiyindən bəhs edib. 

Sputnik Azərbaycan xəbər verir ki, "Rossiya 1" telekanalına müsahibəsində Peskov deyib ki, Rusiya Prezidenti Sibiri hər yerdən çox sevir.

"Digər tərəfdən, o, Uzaq Şərqi də ziyarət edir, Soçini və Krasnaya Polyananı sevir. Putin Krımı da çox sevir. Bütün bu bölgələrin içində Rusiya Prezidenti ən çox Sibiri sevir", - Peskov deyib. 

Peskov onu da qeyd edib ki, mart ayının sonunda prezident Müdafiə naziri Sergey Şoyqu ilə birlikdə bir həftə sonunu Sibirdə keçirib.

"Tayqa boyunca gəzdilər. Şoyqu Putinə hobbi olaraq quru ağacları emal etmək və onlardan əl işləri yaratmaqla məşğul olduğu atelyesini göstərdi", - Peskov əlavə edib.

Xatırladaq ki, Putin doğum günlərini də təbiət qoynunda ov edərək keçirməyi çox sevir. Son illərdə onbu belə səyahatlərində adətən Sergey Şoyqu müşayiət edir. 

0