Tuşçlanmış tapança, arxiv şəkli

Türkiyədə azərbaycanlı qadının qətlinin şok səbəbi: Sevgilisi azyaşlı qızına təcavüz edib

13226
(Yenilənib 12:39 18.08.2018)
Rahim Aracı ifadəsi zamanı "Saidə tapançanı əlimdən aldı və özünü vurdu" deyib

BAKI, 18 avqust — Sputnik. Azərbaycanlı sevgilisini öldürdükdən sonra Suriyaya qaçmaq istəyən türkiyəli iş adamı, 40 yaşlı Rahim Aracı saxlanılıb.

Sputnik Azərbaycan Türkiyə mətbuatına istinadla xəbər verir ki, avtomobil salonu sahibi Rahim Aracı 25 gün öncə Konyada sevgilisi, 4 uşaq anası Saidə Yüksəliri 8 dəfə atəş açaraq öldürmüşdü. Aracıya qaçmaqda kömək edən dostu və vəkili də saxlanılsa da, onların hər ikisinin ifadəsi alındıqdan sonra buraxılıblar.

Xatırladaq ki, hadisə iyulun 24-də Konya Qaratay ilçəsi Fevzi Çakmak məhəlləsində baş vermişdi. Hadisədən bir gün öncə Saidə Yüksəlir evli, 3 uşaq atası Rahim Aracının iş yerinə gedərək dava salmışdı. Mübahisə zamanı polis gəlsə də, onlar bir-birindən şikayətçi olmayıb, barışıblar. Bir gün sonra isə Rahim Aracı iş yerinə gələn zaman sevgilisinə 8 dəfə atəş açaraq ağır yaralamış və hadisə yerindən qaçmışdı. Saidə Yüksəlir son nəfəsində "Məni Rahim vurdu" deyə qatilinin kimliyini bildirmişdi.

Hadisədən sonra polis Rahim Aracının hara gedə biləcəyini müəyyən etmək üçün dostlarından məlumat alıb və onun Antalyada bir pansionda qaldığını müəyyən edərək, onu həbs edib.

Həbs edildikdən sonra Rahim Aracının vəkil Səlahəddin Eyyubi ilə görüşdüyü müəyyən edilib. Vəkilin Aracıya mobil telefonunu qırıb atmasını, sim kartını istifadə etməməsini məsləhət gördüyü, bir gecə gün Konyada qaldıqdan sonra Eskişəhərə getməsində kömək etdiyi məlum olub.

Aracının qurban bayramı üçün ölkələrinə qayıdan suriyalıların arasına qarışıb Suriyaya keçmək istədiyi müəyyən edilib.

Məlumata görə, Saidə Yüksəlirin 150 min lirəyə aldığı evdə Rahim Aracının atasının yaşaıb və mənzil satışa çıxarıldığı zaman onlar arasında mübahisə yaşanıb.

Rahim Aracı ifadəsi zamanı "Mən atəş açmadım. Dava etdik. Saidə tapançanı əlimdən aldı və özünü vurdu. Qorxdum, onu avtomobilimdən ataraq qaçdım" deyib.

Rahim Aracının hadisədən əvvəlki gecə sevgilinin 14 yaşlı qızına təcavüz etdiyi də iddia edilir. Məlumata görə, Saidə Yüksəlirin qızı polisə gedərək "Anamın birlikdə yaşadığı Rahim Aracı mənə təcavüz etdi" deyə şikayət edib. Polis Saidə Yüksəliri şöbəyə çağırıb. Polis idarəsindən qızını götürüb çıxan Saidə Yüksəlir Rahim Aracı ilə görüşüb və onun tərəfindən öldürülüb.

13226
Teqlər:
təfərrüat, güllələnmə, Türkiyə, təcavüz, qadın, azərbaycanlı
Əlaqədar
Türkiyəli iş adamı azərbaycanlı sevgilisini öldürdü
PPX avtomobili, arxiv şəkli

Yaşayış yerini qanunsuz tərk edən aktiv COVID-19 daşıyıcılarına cinayət işi açıldı

6
(Yenilənib 18:31 30.11.2020)
Abşeron və Xətai rayonlarında qanunsuz olaraq evlərini tərk edən COVID-19 xəstələri polislər tərəfindən aşkarlanaraq evlərinə qaytarılıblar

BAKI, 30 noyabr — Sputnik. Abşeron Rayon Polis İdarəsinin əməkdaşları tərəfindən keçirilən tədbirlər nəticəsində ev şəraitində müalicə alan koronavirus xəstəsi, Saray qəsəbəsində yaşayan Emin Cəfərquliyev saxlanılıb.

Sputnik Azərbaycan Daxili İşlər Nazirliyinin məlumatına istinadla xəbər verir ki, araşdırma zamanı müəyyən edilib ki, aktiv COVİD-19 virusunun daşıyıcısı olan bu şəxs karantin qaydalarını kobud şəkildə pozaraq yaşadığı ünvanı bir neçə dəfə tərk edib. Polislər müəyyən edilmiş tibbi prosedurlar gözlənilməklə Emin Cəfərquliyevi evindən kənarda olan zaman ictimai yerdə müəyyən edərək yaşadığı evə qaytarıblar. Onun barəsində toplanan materiallar Abşeron RPİ-nin İstintaq Şöbəsinə göndərilib. E.Cəfərquliyev Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.

Daha bir oxşar tədbir Xətai Rayon Polis İdarəsinin əməkdaşları tərəfindən də həyata keçirilib.

Belə ki, aktiv koronavirus xəstəsi olan, Xətai rayonu Ə.Quliyev küçəsində qeydiyyatda olan Zaur Əsədova həkimlər tərəfindən ev şəraitində müalicə təyin edilib. Bu şəxs isə qaydaları pozaraq ictimaiyyət arasına çıxıb və virusun daha çox yayılmasına şərait yaratdığı üçün polislər tərəfindən saxlanılıb. Z.Əsədovun dəfələrlə polisin xəbərdarlıqlarına baxmayaraq yaşayış yerini tərk etməsi müşahidə kameraları vasitəsilə də lentə alınıb.

Onun barəsində Xətai RPİ-nin İstintaq Şöbəsində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Araşdırmalar davam etdirilir.

6
Teqlər:
xəstə, polislər, cinayət işi, Koronavirus, epidemiya, COVID-19, Azərbaycan, Karantin rejimi, karantin
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Qəza, arxiv şəkli

Biləsuvarda avtomobil kanala aşıb, ölən var

8
(Yenilənib 18:15 30.11.2020)
Qəza nəticəsində sürücü aldığı xəsarətlərdən hadisə yerində ölüb, iki sərnişini xəstəxanaya yerləşdirilib

BAKI, 30 noyabr — Sputnik. Biləsuvar rayonunun Çaylı kəndi ərazisində Cəlilabad rayon sakini İbrahim Qəfərzadə idarə etdiyi BMW markalı avtomobili kanala aşırıb. Daxili İşlər Nazirliyinin (DİN) mətbuat xidmətindən Sputnik Azərbaycan-a verilən xəbərə görə, qəza nəticəsində sürücü aldığı xəsarətlərdən hadisə yerində ölüb, iki sərnişini xəstəxanaya yerləşdirilib. Faktla bağlı Rayon Polis Şöbəsi tərəfindən araşdırma aparılır.

8
Teqlər:
Biləsuvar, yaralılar, ölən, sürücü, kanal, BMW, avtomobil, qəza
Türkiyədə epidemioloji vəziyyət

Türkiyə qaydaları sərtləşdirir: artıq günlərində də...

0
(Yenilənib 22:19 30.11.2020)
"Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq" - Ərdoğan

BAKI, 30 noyabr – Sputnik. Koronavirusa yoluxmanın artması səbəbindən  çərşənbə axşamından etibarən Türkiyədə hamam, hovuz və idman zallarının fəaliyyəti dayandırılacaq.

Sputnik Azərbaycan bildirir ki, bu barədə Türkiyə Prezidenti Rəcəb Tayyib Ərdoğan deyib.

“Hamamlar, saunalar, hovuzlar, idman zalları çərşənbə axşamından etibarən işini dayandırır. Ticarət mərkəzlərinə məhdud sayda insanları rəqəmsal şifrə ilə buraxacaqlar. Küçələrdə insanların toplaşması da məhdudlaşdırılacaq. İş günlərində 21.00-dan 05.00-dək, eləcə də cümə axşamı 21.00-dan bazar ertəsi 05.00-dək komendant saatı tətbiq olunacaq. Dövlət müəssisələri 10-dan 16-dək işləyəcək”, - deyə Ərdoğan televiziya ilə müraciətində deyib.

“Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq. Vaksinasiya gələn aydan başlanacaq. Artıq 50 milyon doza vaksin sifariş etmişik”, - Türkiyə lideri əlavə edib.

Ölkənin Səhiyyə naziri Fahrettin Koca bildirib ki, koronavirus pandemiyası Türkiyənin bir sıra bölgələrində, eləcə də İstanbulda üçüncü pik həddinə çatıb. Son həftə ərzində koronavirusa yoluxma və COVID-19-dan ölüm faktları üzrə rekord göstəricilər bir-birini əvəzləyib.

Bu gün qardaş ölkə yenə antirekordu təzələyib - COVID-19-dan 188 xəstə ölüb. Bir gün ərzində 31219 yeni yoluxma faktı aşkarlanıb. İndiyədək Türkiyədə 13746 nəfər COVID-dən dünyasını dəyişib. 5190 xəstənin vəziyyəti ağırdır.

0
Teqlər:
komendant saatı, sərt karantin rejimi, yoluxma, Koronavirus, epidemiya, COVID-19, Türkiyə
Mövzu:
Dünyanı cənginə almış bəla