Bıçaqlanma hadisəsi, arxiv şəkli

Bakıda kişi qonaqlara bıçaqla hücum edib

216
(Yenilənib 20:23 15.08.2018)
Avqustun birinci yarısında Bakıda 6 nəfər bıçaqlanıb

BAKI, 15 avqust — Sputnik. Nəsimi rayon Polis İdarəsinin əməkdaşları respublikanın regionlarından paytaxta qonaq gəlmiş şəxslərə ağır bədən xəsarəti yetirildiyinə dair faktı qeydə alıblar. Bu barədə Sputnik Azərbaycan-a Nəsimi rayonunun hüquq-mühafizə orqanları məlumat verib.

Məlumata görə, avqustun 14-ü saat 01:40 radələrində paytaxtın Alı Mustafayev küçəsindəki 10 nömrəli binanın qarşısında naməlum şəxs 1983-cü il təvəllüdlü Cəlilabad sakini Babayev Bəhruz Əvəzağa oğluna və 2001-ci il təvəllüdlü Şamaxı rayon sakini Heybətov Fəxri Şahin oğluna bıçaq zərbələri endirməklə ağır xəsarət yetirib. Hər iki zərərçəkmiş Kliniki Tibbi Mərkəzə aparılıb. Həkimlər Babayevin vəziyyətini xüsusilə ağır qiymətləndirirlər. O, sinə nayihəsindən bıçaq zərbəsi alıb.

Hüquq-mühafizə orqanlarının əməkdaşlarının bildirdiyinə görə, cinayətin üstü hələlik açılmayıb və faktla bağlı heç kəs saxlanılmayıb. Hazırda cinayət-axtarış şöbəsinin əməkdaşları paytaxtın qonaqlarına hücum edən adamın şəxsiyyətini müəyyən etməklə məşğuldur. Ağır bədən xəsarətləri yetirmək faktı ilə bağlı AR Cinayət Məcəlləsinin 126-cı maddəsi ilə cinayət işi açılıb.

Qeyd edək ki, avqustun birindən indiyə qədər Bakıda bədənə ağır xəsarət yetirməklə bağlı 6 fakt qeydə alınıb. Onlardan 5-nin üstü açılıb.

216
Teqlər:
axtarış, xəstəxana, bıçaqlama, Nəsimi rayonu
Qandal, arxiv şəkli

Salyanda Gigiyena Epidemiologiya Mərkəzinin rəhbəri saxlanılıb

10
(Yenilənib 22:50 22.01.2021)
İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

BAKI, 22 yanvar — Sputnik. Salyan rayon Gigiyena və Epidemiologiya Mərkəzinin direktoru İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

Baş Prokurorluğun Mətbuat xidmətindən Sputnik Azərbaycan-a bildirilib ki, bu barədə ictimaiyyətə daha sonra rəsmi məlumat veriləcək.

Xatırladaq ki, bir qədər əvvəl Baş Prokurorluq yanında Korrupsiyaya qarşı Mübarizə İdarəsinin əməkdaşları Masallı Rayon Mərkəzi Xəstəxanasının baş həkimi Cəlil Nəzərov və baş mühasibi Sətulla Məmmədovu da saxlayıblar. 

10
ANAMA əməkdaşı, arxiv şəkli

Mülki şəxs Cəbrayılda minaya düşdü

35
Faktla bağlı Cəbrayıl rayon Prokurorluğunda Cinayət Məcəlləsinin 100.2, 116.0.6  və digər maddələri ilə cinayət işi başlanıb

BAKI, 22 yanvar — Sputnik. Yanvarın 22-də Azərbaycan Respublikası Minatəmizləmə Agentliyinin əməkdaşı, 1974-cü il təvəllüdlü Sultanov Azər Əli oğlunun işğaldan azad edilmiş Cəbrayıl rayonun Mehdili kəndi ərazisində minaya düşərək xəsarətlər alması barədə Cəbrayıl rayon prokurorluğuna məlumat daxil olub.

Sputnik Azərbaycan bildirir ki, bu barədə Baş Prokurorluğun Mətbuat xidməti məlumat yayıb. Araşdırmalarla müəyyən edilib ki, agentliyin həmin əraziyə ezam olunmuş əməkdaşı Azər Sultanov yeni çəkiləcək dəmiryolu xəttinin tikintisi ilə əlaqədar minadan təmizləmə işləri həyata keçirərkən minaya düşərək müxtəlif dərəcəli bədən xəsarətləri alıb.

Faktla bağlı Cəbrayıl rayon Prokurorluğunda Cinayət Məcəlləsinin 100.2 (təcavüzkar müharibəni planlaşdırma, hazırlama, başlama və ya aparma), 116.0.6 (silahlı münaqişə zamanı beynəlxalq humanitar hüquq normalarını pozma) və digər maddələri ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub və digər zəruri prosessual hərəkətlər yerinə yetirilib. Hazırda cinayət işi üzrə zəruri istintaq tədbirləri davam etdirilir.

35
Teqlər:
ANAMA, mina, Qarabağ, Cəbrayıl

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0