Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

DYP kütləvi reydlər keçirir, cərimələnənlər var

Abunə olmaq
Reydlər avqust ayının sonuna qədər davam etdiriləcək

BAKI, 10 avqust — Sputnik. "Təmiz hava" aylığı çərçivəsində Dövlət Yol Polisinin əməkdaşları tərəfindən reydlər davam etdirilir. Bu ərəfədə Şabran RPŞ-nin Dövlət Yol Polisi Bölməsi və Ərazi Ekologiya və Təbii Sərvətlər şöbəsinin əməkdaşlarının iştirakı ilə Şabran rayon ərazisində avtomobillərdən çıxan qazların tərkibində olan zərərli maddələrin miqdarının ölçülməsi və atmosfer havasının çirklənməsinə nəzarətin gücləndirilməsi məqsədi ilə reyd keçirilib.

DYP işçisi Mirzəliyev Xəqani - Sputnik Azərbaycan
Yol polisindən sürücü və avtomobil sahiblərinə sərt xəbərdarlıq

Bu barədə Sputnik Azərbaycan-ın bölgə müxbirinə Daxili İşlər Nazirliyinin (DİN) Mətbuat Xidmətinin Quba regional qrupundan məlumat verib. Məlumata görə, reyd zamanı xüsusi avadanlıqlar vasitəsilə avtomobillərdən ixrac olunan qazların tərkibi yoxlanılıb. Sürücülərə tələblər və qaydalar izah olunub.

Reyd zamanı bəzi minik avtomobillərində atmosferə buraxılan zərərli qazların miqdarının normadan bir neçə dəfə artıq olması müşahidə olunub. Yol Polisi Bölməsinin inspektorları tərəfindən atmosferi həddindən artıq çirkləndirən avtomobilləri idarə edən sürücülər barədə qanunamüvafiq tədbirlər görülüb.

Bununla yanaşı, reyd zamanı ciddi qayda pozuntularına yol verərək həm nəqliyyatın, həm də piyadaların hərəkəti üçün təhlükə törədən, sənədsiz avtomobil idarə edən və əks zolaqla hərəkət edən sürücülər də müəyyən edilərək barələrində protokol tərtib edilib.

"Təmiz hava" aylığı çərçivəsində keçirilən reydlər avqust ayının sonuna qədər davam etdiriləcək.

Xəbər lenti
0