Cinayətkar qruplaşma üzvlərinin silueti

Bakıda iki kriminal qruplaşma arasında atışma baş verib - Şok detallar

15888
Ötən gecə "Naxçıvan" kafesində baş verən silahlı insidentin təfərratı ortaya çıxıb

BAKI, 10 avqust — Sputnik. Sabunçu rayonunun Ramana qəsəbəsində, məcburi köçkünlərin "Şuşa şəhərciyi"nin ərazisindəki "Naxçıvan" kafesində avqustun 9-da silahlı insident olub. Nəticədə bir nəfər ölüb, bir nəfər isə yaralanıb.

Bu barədə Sputnik Azərbaycan-a Daxili İşlər Nazirliyinin (DİN) mətbuat xidmətindən məlumat verilib. Belə ki, gecə saat 22:00 radələrində naməlum şəxs "Kalaşnikov" markalı avtomatla kafeyə daxil olaraq atəş açıb. Bakı şəhər sakinləri — əvvəllər AR Cinayət Məcəlləsinin 127-ci maddəsi (Qəsdən sağlamlığa az ağır zərər vurma) ilə məhkum olunmuş, 1985-ci il təvəllüdlü Namiq Məhərrəm oğlu Allahverdiyevə və 1984-cü il təvəllüdlü Elxan Kərimova xəsarət yetirib. Nəticədə N.Allahverdiyev ölüb, E.Kərimov isə ağır yaralanaraq 3 saylı şəhər kliniki xəstəxanasına yerləşdirilib. Hazırda həkimlər onun vəziyyətini qənaətbəxş hesab edirlər.

İlkin məlumata görə, cinayətin törədildiyi yerə dərhal Sabunçu Rayon Polis İdarəsinin əməliyyatçıları, həmçinin DİN-in Baş Mütəşəkkil Cinayətkarlıqla Mübarizə İdarəsinin əməkdaşları gəlib, ərazi Daxili Qoşunların bölmələri tərəfindən mühasirəyə alınıb.

Polis və prokurorluq orqanlarının əməkdaşları tərəfindən peşəkarlıqla həyata keçirilən təxirəsalınmaz istintaq hərəkətləri və əməliyyat-axtarış tədbirləri nəticəsində qətlin üstü "isti izlər"lə açılıb. Qətli törətməkdə şübhəli bilinən şəxsin həmin qəsəbə sakini, əvvəllər AR Cinayət Məcəlləsinin 226-cı (Radioaktiv materiallarla qanunsuz davranma), 204-cü (Saxta pul və ya qiymətli kağızlar hazırlama, əldə etmə və ya satma) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə məhkum olunmuş, 1967-ci il təvəllüdlü Hikmət Rzaqulu oğlu Abbasquliyev olması müəyyən edilib. Şübhəli şəxs görülmüş tədbirlər nəticəsində saxlanıb.

O da məlum olub ki, Abbasquliyev, həmçinin Rusiyada RF Cinayət Məcəlləsinin 105.1 (qəsdən adam öldürmə) maddəsi ilə də həbsdə yatıb və lap yaxınlarda cəzaçəkmə müəssisəsindən çıxıb.

Abbasquliyev ələ keçirilərkən ondan 1 ədəd nömrəsi silinmiş "AKMS" markalı silah, 17 ədəd patron və 1 ədəd patron darağı maddi sübut kimi götürülüb.

Onunla yanaşı, cinayətin digər iştirakçıları da məlum olub. Onlar — 1986-cı il təvəllüdlü Xudiyev Babək İsa oğlu və 1984-cü il təvəllüdlü Xudiyev Çingiz İsa oğlu qardaşlarıdır. Cinayətdə iştirak edən digər şəxslərin isə Qadir və Oqtay adlı qardaşlar olduğu müəyyən edilib.

Hazırda onların şəxsiyyəti dəqiqləşdirilir. Hadisənin digər iştirakçılarının da tutularaq cinayət məsuliyyətinə cəlb edilmələri istiqamətində zəruri istintaq-əməliyyat tədbirləri davam etdirilir.

Faktla bağlı cinayət işi açılıb və cinayətin detalları araşdırılır. Hələlik bu qarşıdurmanın iki cinayətkar qruplaşma arasında baş verdiyi məlumdur.

15888
Teqlər:
cinayət, polis, DİN, "Naxçıvan" kafesi, "Şuşa şəhərciyi", Ramana qəsəbəsi, Sabunçu rayonu
Əlaqədar
Qocalar evində atışma oldu, ölənlər var
Gecə klubunda atışma olub, ölənlər var
Qərbi Azərbaycanda atışma: Bir qrup terrorçu zərərsizləşdirildi
Naməlum şəxslər Cəlilabadda atışma törətdilər
Məktəbdə atışma baş verdi: 8 nəfər həlak oldu - FOTO
Qəza, arxiv şəkli

Bakıda sürücü altı maşını birdən əzdi, yaralı var

12
(Yenilənib 23:01 10.05.2021)
Dərhal əraziyə polis və təcili tibbi yardım briqadasının əməkdaşları cəlb ediliblər. Hadisənin başvermə səbəbləri araşdırılır.

BAKI, 10 may - Sputnik. Bakının Nəsimi rayonunda zəncirvari yol qəzası baş verib.

Sputnik Azərbaycan APA-ya istinadən xəbər verir ki, Füzuli küçəsində qeydə alınan qəzada 7 avtomobilə ciddi ziyan dəyib.

İlkin məlumata görə, “Mercedes” markalı minik avtomobilinin sürücüsü yüksək sürətlə hərəkətdə olarkən idarəetməni itirib. Nəticədə nəqliyyat vasitəsi əvvəlcə “Lexus” və “Toyota” markalı avtomobillərə çırpılıb.

Zərbənin gücündən “Mercedes” daha sonra yol kənarında hərəkətsiz dayanmış 2 “Hyundai” markalı, eyni zamanda “Ford” və “Mitsubishi” markalı minik avtomobillərinə çırpılıb.

Hadisə zamanı “Lexus”da olan 1 nəfər xəsarət alıb.

Dərhal əraziyə polis və təcili tibbi yardım briqadasının əməkdaşları cəlb ediliblər. Hadisənin başvermə səbəbləri araşdırılır.

Eləcə də oxuyun: 

Mikroavtobus evakuatorla toqquşub, ölən var - FOTO

Bakıda ana və övladı son anda ölümdən xilas oldu - VİDEO

Şabranda ağır qəza - yaralıları daşımağa başlayıblar

 

12
Teqlər:
yaralı, zəncirvari qəza, Bakı, qəza
Goranboyda küləyin fəsadları

Külək Goranboy sakinlərini müharibə dövrünə qaytardı - FOTO

56
(Yenilənib 11:29 10.05.2021)
Təbiət hadisəsinin Goranboyda yaratdığı fəsad Bəsti Allahverdiyevanın qəzalı evini daha da təhlükəli vəziyyətə salıb. Rayonun 1 qəsəbəsi, 10-a yaxın kəndi isə işıqsız qalıb.

Rahim Məmmədov, Sputnik Azərbaycan

BAKI, 10 may — Sputnik. Qeyri-sabit hava şəraiti Goranboyda fəsadlar törədib. Qəfil güclənən külək irigövdəli ağacları aşırıb. Bir neçə kənd elektrik enerjisiz qalıb. Sputnik Azərbaycan xəbər verir ki, Goranboy şəhərinin Məmməd Məhərrəmov küçəsi 14 ünvanında yaşayan sakinlər heç də xoş olmayan sürprizlə qarşılaşıblar. Həmin ünvanda yerləşən ikimərtəbəli qəzalı binanın sakinlərindən olan Bəsti Allahverdiyevanın yataq otağının damını iri gövdəli qovaq ağacı dəlib. Yaşlı qadın Sputnik Azərbaycan-a bildirib ki, yatmaq istəyərkən başına az qala qovaq ağacının iri budağı düşəcəkmiş:

“Külək əsdi, ardından elə bir səs gəldi, elə bildim, evə raket düşdü. Tez oğlumu çağırdım, baxdıq gördük ki, küləyin təsirindən ağacın iri budağı dam örtüyünü dağıdıb, otağıma daxil olub. Azyaşlı nəvələrim var, onlardan lap kiçiyi çox qorxdu, özümün həyəcandan qan təziyiqim qalxdı. Yağış da bərk yağırdı, hamısı evə doldu. Bizim bu yaşadığımız bina 2 il əvvəldən qəzalı vəziyyətdədir. Adiyyatı qurumlar gəlib baxıb, söz verdilər ki, yeni bina tikiləcək. Hələ də gözləyirik. Hər gün burada təhlükə artır”.
  • Goranboyda küləyin fəsadları
    © Sputnik / Rahim Mammadov
  • Goranboyda küləyin fəsadları
    © Sputnik / Rahim Mammadov
  • Goranboyda küləyin fəsadları
    © Sputnik / Rahim Mammadov
1 / 3
© Sputnik / Rahim Mammadov
Goranboyda küləyin fəsadları

Goranboyun Məmməd Məhərrəmov 14 ünvanında yerləşən ikimərtəbəli qəzalı binada 12 ailə yaşayır. Sakinlərin əksəriyyəti kiçik, məktəb yaşlı uşaqlardır. Həmin ünvanda yaşayanlar tezliklə müasir bina tikilməsini vacib sayırlar.

Qeyd edək ki, güclü külək rayonun Qızılhacılı qəsəbəsində irigövdəli ağacı Goranboy-Tərtər yoluna aşırıb. Dayanacağın yaxınlığında baş verən hadisə zamanı, xoşbəxtlikdən, xəsarət alan olmayıb. Həmçinin təbiət hadisəsi zamanı rayonun Qızılhacılı qəsəbəsi, Balakürd, Boluslu, Məşədiqaralar, Eyvazlılar kəndləri gecədən səhərə qədər elektrik enerjisiz qalıb.

"Nur şəhəri" gecə boyu işıqsız qaldı - FOTO

* FHN küləkli hava şəraiti ilə bağlı əhaliyə müraciət edib

* Umayra Tağıyeva: “Mayın 11-dən 14-dək havanın temperaturu gündən-günə yüksələcək

 

56
Teqlər:
qəzalı ev, ağac, fəsad, Goranboy, külək

Sonuncu yaz ayında ikinci sürpriz: Azərbaycanda qar yağdı - FOTO

119
Dəniz səviyyəsindən 1280 metr hündürlükdə yerləşən Ləzə kəndinin sakinləri may ayında yağan qarı bolluq rəmzi kimi qiymətləndirirlər.

Leyla Abdullayeva, Sputnik Azərbaycan 

BAKI, 11 may - Sputnik. Şimal bölgəsi may ayında ikinci dəfə sürpriz təbiət hadisəsi ilə qarşılaşıb. 
Qubadan sonra bu gün qar Qusarın Ləzə kəndinə yağıb. Sputnik Azərbaycan-ın verdiyi məlumata görə, qarın hündürlüyü 10 sm-ə yaxın olub. 

  • Lazaya may ayında qar yağıb
    Leyla Abdullayeva
  • Lazaya may ayında qar yağdı
    Leyla Abdullayeva
1 / 2
Leyla Abdullayeva
Lazaya may ayında qar yağıb

Dəniz səviyyəsindən 1280 metr hündürlükdə yerləşən Ləzə kəndinin sakinləri may ayında yağan qarı bolluq rəmzi kimi qiymətləndirirlər. Yaz ayı olduğundan yağan qar artıq əriməyə başlayıb.

Xatırladaq ki, mayın 5-də Qubanın Xınalıq kəndində qar yağmışdı. Gecə saatlarında yağan intensiv yağışı səhər saatlarında qar əvəz etmiş, qarın hündürlüyü 4-5 sm-ə yaxın olmuşdu.

Eləcə də oxuyun: 

Külək Goranboy sakinlərini müharibə dövrünə qaytardı - FOTO

* Umayra Tağıyeva: “Mayın 11-dən 14-dək havanın temperaturu gündən-günə yüksələcək

Güclü külək şimal-qərb bölgəsində fəsadlar törədib - FOTO

 

 

119
Teqlər:
may, Laza, qar