“Qanuni oğrular “Lotu Quli” ilə görüşdə

Sarkisyanın Lotu Qulini öldürtmək planının təfərrüatı: Onların maraq toqquşması var?

13943
Azərbaycanlı "qanuni oğru" yaxın zamanlarda İspaniyaya köçməyi planlaşdırmır

Ramella İbrahimxəlilova, Sputnik Azərbaycan

BAKI, 9 avqust — Sputnik. Avropa ölkələrinin polisi kriminal avtoritet "ov"unu gücləndirib. Ukrayna hökuməti isə, "qanuni oğru"ların sayını 30 göstərməklə yanlışlığa yol verir.

Bunu Sputnik Azərbaycan-a kriminal dairələrə yaxın olan moskvalı mənbə, Ukrayna Milli Polisinin rəhbərinin müavini Vyaçeslav Abroskinin verdiyi məlumatı şərh edərkən deyib. Qeyd edək ki, Abroskin özünün "Facebook" səhifəsində yazıb ki, güc strukturları kriminal avtoritetlərin "sxodka"sında iştirak edən 30-dan artıq adamı saxlayıb.

Məlumata görə, Kirovoqrad vilayətində yerli kriminal avtoritetlərin "sxodka"sı baş tutub. Elə həmin vaxt polis reyd keçirib. Sözügedən görüşün keçirilməsinə səbəb Sverdlovskiyə "nəzarət" edəcək şəxsin təyin olunması və mübahisəli məsələlərin həlli olub. "Sxodka"ya "Xoxol" ləqəbli "qanuni oğru" başçılıq edirmiş.

Ukraynanın daxili işlər naziri Arsen Avakovun sözlərinə görə, Ukraynada azı 80 "qanuni oğru" fəaliyyət göstərir. Daxili İşlər Nazirliyi kriminal avtoritetlərin fəaliyyətinə qarşı qanun qəbul etməkdə israrlıdır. Mövcud Ukrayna qanunvericiliyi yalnız həmin şəxslərin ölkədən məcburi deportasiyasını təmin edir.

Lakin moskvalı mənbə Ukrayna Milli Polisinin rəhbərliyinin ölkə ərazisindəki "qanuni oğru"ların sayı ilə bağlı verdiyi informasiyanın həqiqəti əks etdirmədiyini bildirib. Onun sözlərinə görə, əslində Ukraynada "qanuni oğru"ların sayı 30-dan azdır.

Mənbə, eyni zamanda dünya KİV-lərinin ispan polisinin Marbelyada keçirdiyi xüsusi əməliyyatı da şərh edib. Həmin əməliyyat nəticəsində rus mafiyasının 3 kriminal avtoritetinin saxlanıldığı bildirilir.

Həmin məlumata görə, sözügedən "qanuni oğru"lar avtoritet Merab Canqveladzenin klanından olan Artyom Sarkisyan (Artyom Saratovski), Laşa Barateli (Çia) və İrakli Pipiya (İka Suxumski) olublar. Onlar "Avropa obşakı" adına iddia edən rəqib klanın nümayəndələrinin aradan götürülməsini müzakirə etmək üçün restorana toplaşıblar.

Saxlanılan avtoritetlərin evindən Ukrayna və Polşa vətəndaşlarına məxsus saxta pasportlar tapılıb. Onların hər üçü İspaniya ərazisinə sözügedən pasportlarla daxil olub.

Bəzi məlumatlara görə, hazırda azərbaycanlı "qanuni oğru" Nadir Səlifov (Lotu Quli) "Avropa obşakı"na nəzarəti ələ keçirməyə səy göstərir və bu məqsədlə də yaşamaq üçün İspaniyaya köçmək niyyətindədir. Bir sıra KİV-lər bundan çıxış edərək o qənaətə gəliblər ki, Marbelyada saxlanılan kriminal üçlük məhz Səlifovu fiziki cəhətdən aradan götürməyi müzakirə ediblər.

Lakin mənbə qeyd edib ki, Quli Türkiyədə yaşamağa davam edir və yaxın zamanlarda İspaniyaya köçməyi planlaşdırmır. Sarkisyanın Səlifova qarşı danışıqlarda iştirak etməsinə gəlincə, mənbə bildirib ki, Artyom Saratovski Quliyə qarşı dayanacaq səviyyədə deyil və onların maraqları da heç yerdə kəsişmir.

13943
Teqlər:
kriminal avtoritet, Lotu Quli, qanuni oğru, Ukrayna, Avropa, polis
Əlaqədar
Gürcüstan DİN: Azərbaycanlı kriminal avtoritetin adamları saxlandı
Azərbaycanda məşhur kriminal avtoritet tutuldu
Kriminal avtoritet Yardımlıda saxlanıldı
Lənkəranskinin qardaşını kriminal müharibəyə kim cəlb etmək istəyir?
Kriminal tarixdə bir ilk: Barmaq izlərini sosial şəbəkədən götürdülər
Xırdalanda partlayış yerində

Xırdalanda dağıntılar altından xilas edilənlərin sayı artır

18
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

18
FHN işçiləri, arxiv şəkli

Xırdalanda baş verən partlayış nəticəsində ölən yaralananlar var - VİDEO

165
(Yenilənib 20:45 25.01.2021)
TƏBİB-in mətbuat katibi Elnarə Baxış bildirib ki, dağıntılar arasında qalanların çıxardılması prosesi davam edir.

Zülfiyyə Quluyeva, Sputnik Azərbaycan

BAKI, 25 yanvar — Sputnik. Dağıntılar arasından xilasetmə işləri davam edir. Abşeron rayonunun Xırdalan şəhərində evdə baş verən partlayış zamanı xəsarət alanların sayı dəqiqləşdirilir.

Bu barədə Sputnik Azərbaycan-a açıqlamasında TƏBİB-in mətbuat katibi Elnarə Baxış məlumat verib. O, bildirib ki, dağıntılar arasında qalanların çıxardılması prosesi davam edir:

"Dağıntılar altında qalanların sayı dəqiqləşdirildikdən sonra mətbuata bu barədə dəqiq məlumat veriləcək".

Hadisə şahidlərinin Sputnik Azərbaycan-a verdiyi məlumata görə hadisə zamanı 6 nəfər xəsarət alıb, bir nəfər həyatını itirib. Hələ dağıntılar altından xilasetmə tədbirləri davam etdirilir.

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

165
Pirat, arxiv şəkli

Azərbaycan vətəndaşının Nigeriyada öldürülməsinə görə cinayət işi açılıb

0
(Yenilənib 23:17 25.01.2021)
Cinayət işi üzrə Türkiyə, Qabon və Liberiyanın səlahiyyətli orqanlarına hüquqi yardım haqqında sorğular hazırlanır.

BAKI, 25 yanvar — Sputnik. "Kütləvi informasiya vasitələrində yayılmış məlumata əsasən, 23 yanvar 2021-ci il tarixində Nigeriya sahillərində üzən Türkiyənin "Boden denizcilik" şirkətinə məxsus "Mozart" adlı gəmiyə dəniz quldurları tərəfindən hücum edilib".

Bu barədə Sputnik Azərbaycan-a Baş Prokurorluğun Mətbuat xidmətindən məlumat verilib.

İlkin araşdırma nəticəsində müəyyən edilib ki, 19 nəfər gəmi heyəti üzvündən 15-i girov götürülüb, 1 nəfər isə öldürülüb. Öldürülən şəxsin Azərbaycan Respublikasının vətəndaşı, 09.06.1976-cı il təvəllüdlü, gəmidə 2-ci mühəndis vəzifəsində çalışan Fərman Əli oğlu İsmayılovun olduğu müəyyən edilib.

Faktla bağlı Azərbaycan Respublikasının Baş Prokurorluğu tərəfindən Cinayət Məcəlləsinin müvafiq maddələri ilə cinayət işi başlanılaraq zəruri istintaq əməliyyat tədbirləri həyata keçirilir.

Hazırda ölkəmizin Xarici İşlər Nazirliyi, habelə xarici ölkələrin aidiyyəti qurumları ilə intensiv danışıqlar aparılmaqla, qeyd olunan cinayət işi üzrə Türkiyə, Qabon və Liberiyanın səlahiyyətli orqanlarına hüquqi yardım haqqında sorğular hazırlanır.

"Baş Prokurorluq tərəfindən təxirəsalınmadan Liberiyanın Baş Prokurorluğu ilə əlaqə yaradılmış və qarşı tərəf bu məsələnin araşdırılmasında Azərbaycan Respublikasının Baş Prokurorluğu ilə yaxından əməkdaşlıq etməyə hazır olduğunu bildirib", - Mətbuat xidmətindən bildirilib.

0