Əncir ağacı

Bakıda əncir ağacını kəsən şəxsə, görün oldu

2605
Nazirliyə həyəcan siqnalı daxil olub

BAKI, 9 avqust — Sputnik. Ekologiya və Təbii Sərvətlər Nazirliyinə (ETSN) Səbail rayonu, Azadlıq küçəsi 15 ünvanında ağacların kəsilməsi ilə bağlı daxil olan şikayət Bakı şəhər Ekologiya və Təbii Sərvətlər Departamentinin əməkdaşları tərəfindən yerində araşdırılıb. Bu barədə Sputnik Azərbaycan-a nazirliyin mətbuat xidmətindən məlumat verilib.

Bildirilib ki, sözügedən ünvana keçirilən baxış zamanı ərazidə 1 lüqustr ağacının kəsildiyi, 1 əncir ağacının qanunsuz budandığı və təbiətə 720 manat məbləğində ziyan dəydiyi məlum olub.

Araşdırma zamanı ağacların Vurğun Cəfərov tərəfindən kəsildiyi və budandığı müəyyən edilib. Faktla bağlı qanun pozucusu barəsində akt, protokol tərtib olunub və o, fiziki şəxs qismində 2200 manat məbləğində cərimə edilib.

Nazirlik yaşıllıqların mühafizəsinə qayğıkeş münasibətlərinə və həyəcan təbili çaldıqlarına görə Səbail rayonu, Azadlıq küçəsi 15 ünvanında yaşayan sakinlərə dərin təşəkkürünü bildirir, ətraf mühitin qorunmasında göstərdiyi vətəndaşlıq mövqelərini yüksək qiymətləndirir.

2605
Teqlər:
qanunsuz, əncir ağacı, ETSN, Ekologiya və Təbii Sərvətlər Nazirliyi
Əlaqədar
Alimlərin araşdırması qəribə nəticəyə səbəb olub: Ağaclar aralarında söhbət edirlər
Ağac "qatili" təbiətə külli miqdarda zərər vurub
Meyvə gətirən ağacı kəsdilər, polisə düşdülər