Nikolas Maduro

Venesuela prezidentinə sui-qəsdin detalları məlum olub - VİDEO

4904
(Yenilənib 13:05 05.08.2018)
Prezident Nikolas Maduro sui-qəsdə görə Kolumbiyanı ittiham edib

BAKI, 5 avqust — Sputnik. Venesuela prezidenti Nikolas Maduroya qarşı sui-qəsd pilotsuz uçan aparatın köməyi ilə həyata keçirilib.

Sputnik Azərbaycan-ın məlumatına görə, partlayış hərbi parad zamanı baş verib. Yerli telekanalın kadrlarından görünür ki, prezident partlayış səsindən sonra çıxışını yarımçıq kəsir. Prezident və hökumət nümayəndələri partlayış zamanı xəsarət almayıblar.

Partlayışa görə məsuliyyəti "Flanel əsgərlər" hərbi qruplaşması öz üzərinə götürüb. Onlar sui-qəsd üçün iki drondan istifadə etdiklərini bildiriblər. Həmin dronlar hədəf çatmamış snayperlər tərəfindən vurulub. Prezident Nikolas Maduro isə isə təqsirkarların bir hissəsinin artıq həbs edildiyini deyib və sui-qəsdə görə Kolumbiyanı ittiham edib.

4904
Teqlər:
hərbi parad, pilotsuz uçan aparat, dron, Nikolas Maduroya sui-qəsd, "Flanel əsgərlər" hərbi qruplaşması, Nikolas Maduro, Kolumbiya, Venesuela
Əlaqədar
İcra başçısına qarşı sui-qəsd planlaşdırmış terrorçu məhv edilib
Qitə bir-birinə dəydi: Prezident və baş nazirə qarşı sui-qəsd edildi
Pakistanda sui-qəsd: Daxili işlər naziri vuruldu
Ərdoğana sui-qəsd hazırlanır
Xəzər dənizi, arxiv şəkli

Xəzərdə zəlzələ olub

16
(Yenilənib 16:23 24.11.2020)
Xəzər dənizindəki zəlzələnin maqnitudası 3,2 bal, dərinliyi 62 km olub. Yeraltı təkanlar hiss olunmayıb

BAKI, 24 noyabr — Sputnik. Bu gün Xəzər dənizində zəlzələ olub. Sputnik Azərbaycan-ın Respublika Seysmoloji Xidmət Mərkəzinə istinadən verdiyi xəbərə görə, zəlzələ yerli vaxtla saat 14:11-də Xəzər dənizində qeydə alınıb.

Zəlzələnin maqnitudası 3,2, dərinliyi 62 km olub. Zəlzələ hiss olunmayıb.

16
Teqlər:
zəlzələ, Xəzər dənizi
Bakıda yağışlı hava, arxiv şəkli

Hava şəraiti yenidən dəyişəcək - Amma bu dəfə...

20
(Yenilənib 13:56 24.11.2020)
Havanın temperaturu Abşeron yarımadasında gecə 5-7, gündüz 9-12, Bakıda gecə 5-7, gündüz 9-11 dərəcə isti olacaq.

BAKI, 24 noyabr — Sputnik. Noyabrın 25-də gözlənilən hava şəraiti açıqlanıb. Milli Hidrometeorologiya Xidmətindən Sputnik Azərbaycan-a verilən məlumata görə, noyabrın 25-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecəyə doğru bəzi yerlərdə çiskinli olacağı gözlənilir. Mülayim şimal-qərb küləyi axşam arabir güclənəcək. Havanın temperaturu Abşeron yarımadasında gecə 5-7, gündüz 9-12, Bakıda gecə 5-7, gündüz 9-11 dərəcə isti olacaq. Atmosfer təzyiqi 764 mm civə sütunundan 767 mm civə sütununa yüksələcək, nisbi rütubət 65-75 faiz olacaq.

Noyabrın 25-də Azərbaycanın rayonlarında hava şəraitinin əsasən yağmursuz keçəcəyi, lakin axşam yağıntılı olacağı, dağlıq ərazilərdə qar yağacağı, gecə və səhər bəzi yerlərdə duman olacağı gözlənilir. Qərb küləyi ayrı-ayrı yerlərdə arabir güclənəcək. Havanın temperaturu gecə 1 dərəcə şaxtadan 4 dərəcəyədək isti, gündüz 7-12 dərəcə isti, dağlarda gecə 5-10 dərəcə şaxta, gündüz 0-5 dərəcə isti olacaq. Tibbi-meteoroloji proqnoza gəlincə, noyabrın 25-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

20
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

71
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

71
Teqlər:
Azərbaycan ordusu, Qarabağ, Kəlbəcər rayonu