Oğru, arxiv şəkli

Bakıda əmlak oğurluğu cinayətlərinin sayı iki dəfə artıb

58
(Yenilənib 12:56 05.08.2018)
Sutka ərzində Bakıda böyük soyğunçuluq faktları qeydə alınıb

Ramella İbrahimxəlilova, Sputnik Azərbaycan

BAKI, 5 avqust — Sputnik. Azərbaycanın paytaxtında əmlakın oğurlanması ilə bağlı cinayətlərin sayı artıb. Məslən, ötən sutkaların birində gün ərzində Bakıda böyük soyğunçuluq faktları qeydə alınıb.

Bu barədə Sputnik Azərbaycan-a Bakının hüquq-mühafizə orqanları məlumat verib.

Misal üçün, Xətai rayonunda cinayətin qurbanı Yusif Səfərov küçəsində yaşayan 1978-ci il təvəllüdlü Novruzova Pərvanə Çapay qızı olub. O, polisə bildirib ki, avqustun 2-də günorta vaxtı Vüqar adlı tanışı onun evindən 11 min manat aparıb. Hazırda 37-ci polis bölməsinin əməkdaşları şübhəlinin oğurluqda iştirakı predmeti üzrə araşdırma aparır. 

Xəzər rayonunda isə özgəsinin malını oğurlama cinayətinin qurbanı Qala qəsəbəsinin 1962-ci il təvəllüdlü sakini Məmmədova Şəfəq Şirin qızı olub. Qadın Xəzər rayon Polis İdarəsinin 1-ci polis bölməsinə ərizə ilə müraciət edərək bildirib ki, naməlum şəxs avqustun 1-də onun evinə pəncərədən daxil olaraq 6 min manat pulu, noutbuku, planşeti və 3 min 500 manat dəyərində qızıl-zinət əşyasını aparıb. Hələlik faktla bağlı saxlanan yoxdur.

Bunlarla yanaşı son iki gündə Bakıda 104 özəl və dövlət əmlakının oğurlanması faktı qeydiyyatdan keçib. Onlardan 15-nin üstü açılıb.

Bunlarla yanaşı qeyd edək ki, hüquq-mühafizə orqanları başqasının əmlakını oğurlama faktlarının sayının artdığını qeyd edib. Bu cinayətlərin 90%-ni kiçik oğurluq faktları təşkil edir. Əgər əvvəllər daxili işlər orqanlarının əməkdaşları gün ərzində 30 oğurluq faktını rəsmiləşdirirdilərsə, hazırda bu göstərici 50-yə yüksəlib.

58
Teqlər:
Oğurluq, Xəzər rayon Polis İdarəsi, Novruzova Pərvanə, Məmmədova Şəfəq, Yusif Səfərov küçəsi, Azəbaycan, Bakı, Xətai rayonu
Əlaqədar
Bakıda böyük oğurluq oldu, cinayərkarlar mənzili silib-süpürdülər
Kiyevdə adam oğurluğunda ittiham edilən azərbaycanlı saxlanıldı
Ermənistan ordusunda kütləvi oğurluğun üstü açıldı
Məsciddən oğurluq edənlər ələ keçdilər
İldırım, arxiv şəkli

Azərbaycanda 18 yaşlı oğlanı ildırım öldürdü

21
İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb.

BAKI, 17 may - Sputnik. Samuxda bədbəxt hadisə baş verib.

Sputnik Azərbaycan APA-ya istinadən bildirir ki, hadisə rayonun Hacıalılı kəndində qeydə alınıb.
Kənd sakini, 2003-cü il təvəllüdlü Sənan Zaur oğlu Həsənov təsərrüfatda mal-qara otaran zaman onu ildırım vurub. 18 yaşlı gənc həmin an ölüb.

İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb. Digər 2 nəfər bir neçə dəqiqədən sonra ayağa qalxıb.

İldırımın çaxdığı məqamda S.Həsənovun telefonla danışdığı bildirilib. Faktla bağlı Samux rayon Prokurorluğunda araşdırma aparılır.

Eləcə də oxuyun:

* Qubadakı hadisənin dəhşətli pərdəarxası: qardaşı ilə dərdləşib intihar etdi

* İsmayıllıda yeni ailə quran gənc oğlan bədbəxt hadisə nəticəsində ölüb

21
Teqlər:
gənc, Samux, ildırım
Çay, arxiv şəkli

Qubadakı hadisənin dəhşətli pərdəarxası: qardaşı ilə dərdləşib intihar etdi

77
1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər.

BAKI, 17 may - Sputnik, Leyla Abdullayeva. Qubada iki qardaşın Qudyalçaya düşməsinin və birinin həlak olmasının təfərrüatı bəlli olub.

Sputnik Azərbaycan-ın müxbiri xəbər verir ki, hadisə bu gün saat 12 radələrində Qəçrəş yolu adlanan yaşayış massivində baş verib. Kəndin meşəlik ərazisində bir nəfər özünü hündürlükdən ataraq intihar edib. 

İlkin araşdırma nəticəsində aydın olub ki, intihar edən şəxs Quba şəhər sakini, A.Əhmədov küçəsi 21 ünvanında yaşayan, 1989-cu il təvəllüdlü Ruslan Elman oğlu İsayevdir. R. İsayevin 2019-cu ildə  arvadı Firuzə Firuz qızı Aydəmirova ilə rəsmi olaraq boşandığı və keçmiş həyat yoldaşının uşağını ona göstərmədiyi bildirilir.

Bu səbəbdən ciddi narahatlıq keçirən Ruslan İsayev bu gün "Qəçrəş yolu" adlanan meşəlik ərazidə qardaşı İsa ilə dərdləşərkən özünü qəflətən hündürlükdən atıb. Ruslan İsayev aldığı xəsarətdən yerindəcə keçinib. Onun hadisədən öncə "Go" markalı spirtli enerji içkisi qəbul etdiyi də deyilir.
Faktla bağlı Cinayət Məcəlləsinin 125-ci (özünü öldürmə həddinə çatdırma )maddəsilə cinayət işi açılıb.

 

--------

19:34

Qubanın Qəçrəş kəndində faciəli hadisə baş verib.

Sputnik Azərbaycan bildirir ki, Fövqəladə Hallar Nazirliyinin (FHN) “112” qaynar telefon xəttinə Quba rayonu, Qəçrəş kəndində 2 nəfərin çaya düşməsi barədə məlumat daxil olub. FHN-in Şimal Regional Mərkəzinin müvafiq xilasetmə qüvvələri hadisənin baş verdiyi əraziyə cəlb olunublar.

Əməliyyat şəraiti qiymətləndirilərkən müəyyən olunub ki, 1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər. Hadisə nəticəsində İ.İsayev müxtəlif xəsarətlər alıb və vətəndaşların köməkliyi ilə çaydan çıxarılıb, qardaşı R.İsayevi tapmaq mümkün olmayıb.

Mürəkkəb relyef şəraitində həyata keçirilən axtarış-xilasetmə tədbirləri nəticəsində hadisə yerinin yaxınlığında çay kənarında tapılan Ruslan İsayevin meyiti xilasedicilər tərəfindən müvafiq qaydada götürülərək aidiyyəti üzrə təhvil verilib.

Eləcə də oxuyun: 

* Göyçayda 18 yaşlı qızın dayısı tərəfindən öldürüldüyü məlum olub

* İsmayıllıda yeni ailə quran gənc oğlan bədbəxt hadisə nəticəsində ölüb

* Oğuzda balıq ovu ölümlə bitdi

 

77
Teqlər:
FHN, həlak, qardaşlar, çay, Quba

PUA-lar kəşfiyyat üçün havaya qalxdı - Hərbi təlimlərdən möhtəşəm görüntülər

0
(Yenilənib 10:18 18.05.2021)
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

Azərbaycan Ordusunda hərbi aviasiya və müxtəlif təyinatlı pilotsuz uçuş aparatlarının da cəlb olunduğu təlimlər davam edir.

Müdafiə Nazirliyindən Sputnik Azərbaycan-a verilən məlumata görə, təlimlər çərçivəsində pilotsuz uçuş aparatlarının (PUA) heyətləri havadan müxtəlif hündürlüklərdə kəşfiyyat aparır.
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

https://www.youtube.com/watch?v=zWgZKZbL_04

0