Avtobus sürücüsü

Paytaxtda daha bir narkoman sürücü ifşa edildi

107
(Yenilənib 17:02 03.08.2018)
Bakıda narkotik maddənin təsiri altında avtobus idarə edən daha bir sürücü həbs edilib

BAKI, 3 avqust — Sputnik. Bakıda daha bir sərnişin avtobusu sürücüsünün iş başında narkotik maddə qəbul etdiyi müəyyənləşdirilib.

"Report"un xəbərinə görə, hadisə Suraxanı rayonunda qeydə alınıb.

Belə ki, iyulun 29-da Əhmədov Natiq Vaqif oğlu "İsuzu" markalı, 90-RB-454 dövlət qeydiyyat nişanlı sərnişin avtobusu ilə hərəkətdə olan zaman qaranlıq vaxtı uzaq vuran işıqlardan istifadə etdiyi üçün Bakı şəhər Baş Polis İdarəsinin (BPİ) Dövlət Yol Polisi İdarəsinin (DYPİ) Yol Patrul Xidməti (YPX) inspektoru Tural Həsənov tərəfindən saxlanılıb. 

Yoxlama zamanı sürücü Natiq Əhmədovda sərxoşluq əlamətləri özünü aşkar büruzə verdiyindən o, tibbi müayinəyə dəvət olunub. Tibbi müayinə zamanı N.Əhmədovun narkotik vasitə (THC OPİ) qəbul edərək sərxoş vəziyyətdə nəqliyyat vasitəsini idarə etdiyi təsdiq olunduğundan "İsuzu" markalı, 90-RB-454 dövlət qeydiyyat nişanlı sərnişin avtobusu idarə etmədən kənarlaşdırılaraq mühafizə olunan duracağa yerləşdirilib, habelə onun barəsində İnzibati Xətalar Məcəlləsinin 334.5-ci maddəsi üzrə inzibati xəta haqqında protokol tərtib olunub.

N.Əhmədov barəsində Məcəllənin 334.5-ci maddəsi üzrə toplanan material aidiyyəti üzrə baxılması üçün Suraxanı Rayon Məhkəməsinə göndərilib. Məhkəmənin qərarı ilə N.Əhmədovun 3 ay müddətinə inzibati qaydada həbs olunmasına dair iş üzrə qərar qəbul edilib.

Həmçinin araşdırma zamanı müəyyən olunub ki, Natiq Əhmədov bu ilin fevral ayının 28-də analoji hüquqpozmaya yol verdiyinə görə saxlanılıb və Xətai Rayon Məhkəməsinin qərarı ilə Məcəllənin 334.1-ci maddəsi üzrə təqsirli bilinərək 10 gün müddətinə həbs olunub.

107
Əlaqədar
Bakıda sərxoş sürücü yolda yatdı, qəza baş verdi – VİDEO
Bakıda avtobus sürücüsündən ağlasığmaz əməl - VİDEO
Sürücü səhlənkarlığı həm can aldı, həm də kəndi işıqsız qoydu
AAYDA sürücülərə müraciət edir
Sürücülərin nəzərinə: Bu ay diqqətli olsunlar
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

14
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

14
Seysmoqraf, arxiv şəkli

Şahbuz rayonunda zəlzələ olub

7
(Yenilənib 19:19 23.01.2021)
Ocağı 10 kilometr dərinlikdə yerləşən zəlzələ episentrdə 4, yaxın yaşayış məntəqələrində 3 bala qədər hiss olunub.

BAKI, 23 yanvar - Sputnik. Yanvarın 23-də Şahbuz seysmoloji stansiyasından 10 kilometr şimal-qərbdə Şahbuz rayonunda maqnitudası 4.2 olan zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib ki, yeraltı təkanlar yerli vaxtla saat 17:22-də qeydə alınıb.

Ocağı 10 kilometr dərinlikdə yerləşən zəlzələ episentrdə 4, yaxın yaşayış məntəqələrində 3 bala qədər hiss olunub.

7