Kriminal hesablaşma

"Qanuni oğru"lar arasında böyük hesablaşma: Məşhur avtoritetin "tacı" geri alındı

16281
(Yenilənib 15:25 03.08.2018)
Azərbaycanlı avtoritet Şakro Molodoyun almaz milyonlarının mənimsənilməsinin şahidi olub

Ramella İbrahimxəlilova, Sputnik Azərbaycan

BAKI, 3 avqust — Sputnik. Moskvada azərbaycanlı "qanuni oğru", kriminal dairələrdə "Diplomat Vaqif" adı ilə məşhur olan Süleymanov Vaqif Mədət oğlu "Ded Xasan"ın (Rusiya mafiyasının mərhum "xaç atası" Aslan Usoyan) "xaç oğlu", 42 yaşlı Suren Tavadovun ("Surik Əndicanski") Rusiya mafiyasının "xaç atası" Zaxari Kalaşova ("Şakro Molodoy") kələk gəldiyinin şahidi olub.

Krimnal dairələrdən Sputnik Azərbaycan-a daxil olan məlumata görə, "Surik Əndicanski" onun "qanuni oğru" titulunun əlindən alınmasında xidmətləri olan Şakronun bir neçə milyonunu mənimsəyib.

Əvvəllər Tavadovu "qanuni oğru" hesab etmirdilər. Çünki o, Aslan Usoyan tərəfindən digər avtoritetlərin rəyi nəzərə alınmadan "taclandırılmışdı". Bundan əlavə, Tavadov heç vaxt oğrular arasındakı mübahisələrin həllində iştirak etməyib, yalnız öz ciblərini doldurmaqla məşğul olub.

Bu günlərdə Moskvadakı restoranlardan birində Tavadovla görüş təyin edilib. Görüşdə, həmçinin "Diplomat Vaqif" və Elquca Turkadze ("Quca Kutaisski") də iştirak edib. Avtoritetlər Əndicanskiyə Şakronun ona qarşı iradlarını çatdırıblar. Mafiyanın "xaş atası" Tavadova xəbər yollayıb ki, mənimsədiyi milyonları sahibinə qaytarsın.

Söhbət Şakroya çatacaq olan, lakin Tavadov tərəfindən mənimsənilən almaz milyonlarından gedir. Elə buradaca Əndicanskiyə artıq "qanuni oğru" olmadığı elan edilib.

Kriminal dairələrdəki mənbənin verdiyi məlumata görə, Surik almaz biznesi ilə məşğul olan yəhudilərdən bir neçə milyon dollar alıb. Bu pullar Şakro üçün nəzərdə tutulsa da, öz ünvanına gedib çatmayıb.

Zaxari Kalaşov Avropa ölkələrindəki almazın cilalanması üzrə zərgərlik evlərinin səhmlərinin 50%-nin sahibidir. Bir sıra məlumatlara görə, Kalaşov bu biznesi hazırda mənzil-qərargahı Belçikada yerləşən tanınmamış İçkeriya Respublikasının (Çeçenistan) mərhum vitse-prezidenti Vaxa Arsanovun qardaşı Taxa Arsanovun köməyi ilə qurub.

16281
Teqlər:
'Şakro Molodoy', 'Surik Əndicanski', Suren Tavadov, 'xaç atası', 'Ded Xasan', Süleymanov Vaqif Mədət oğlu, 'Diplomat Vaqif', Aslan Usoyan, almaz, kriminal avtoritet, mafiya, qanuni oğru, milyon, Moskva, Rusiya, azərbaycanlı
Əlaqədar
Gürcüstan DİN: Azərbaycanlı kriminal avtoritetin adamları saxlandı
Azərbaycanda məşhur kriminal avtoritet tutuldu
Kriminal avtoritet Yardımlıda saxlanıldı
Lənkəranskinin qardaşını kriminal müharibəyə kim cəlb etmək istəyir?
Kriminal tarixdə bir ilk: Barmaq izlərini sosial şəbəkədən götürdülər
Yeni sərnişin avtobusları

Bakıda patı çəkən marşrut avtobusu sürücüsünə görün cəza verdilər

10
Bakıda xətt avtobusunun sürücüsü narkotikdən istifadə edərkən tutulub və Abşeron rayon Məhkəməsinəö çıxarılıb.

BAKI, 24 iyul - Sputnik. Bakıda 142 saylı xətt avtobusunu idarə edərkən narkotik vasitədən istifadə edən Allahverdi Bədəlov həbs edilib.

Sputnik Azərbaycan APA-ya istinadən bildirir ki, bu barədə Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Namidan Piriyev məlumat verib.

DYP rəsmisi bildirib ki, Abşeron rayon Məhkəməsinin qərarı ilə A. Bədəlov 10 sutka müddəti inzibati həbs edilib, həmçinin 1 illik sürücülük hüququndan məhrum edilib.

Eləcə də oxuyun:

  • Günün cinayət xronikası: "Patı" əməliyyatı, qətllər, pandemiya qaydalarını pozan toylar

  • Azərbaycanda narkotik biznesi: Həbs edilən narkotacirlər arasında xeyli qadın var

  • Narkotiklərin tüğyanı: Lənkəranda "patı" əməliyyatı keçirildi, saxlanılanlar var

  • Narkotiklərə maraq yaratmaq üçün bu metoddan istifadə edilir - Leyla Yolçuyeva danışır

  • "Patı" dəhşəti: Azərbaycanda qadınlar arıqlamaq üçün "ağ ölüm"ün girbadına düşür

10
Teqlər:
sürücü, marşrut, avtobus, narkotik
Toy süfrəsi, arxiv şəkli

Qaydalara məhəl qoymayan şadlıq evinin sahibinə cinayət işi açıldı

9
(Yenilənib 15:42 24.07.2021)
Şənlik mərasimlərinin müəyyən edilmiş qayda və tələblərə uyğun təşkilinə nəzarət məqsədilə aidiyyəti qurumlar tərəfindən gündəlik monitorinqlər davam etdirilir.

 

BAKI, 24 iyul — Sputnik. Beyləqan Rayon Polis Şöbəsinin və aidiyyəti qurumların əməkdaşlarının karantin rejimi qaydalarına riayət olunması məqsədilə birgə keçirdikləri tədbirlər nəticəsində pandemiya tələblərinin pozulduğu toylar müəyyənləşdirilib.

Daxili İşlər Nazirliyinin mətbuat xidmətinin Bərdə regional qrupundan Sputnik Azərbaycan-a bildiriblər ki, yoxlamalar zamanı Baharabad qəsəbəsində, Bünyadlı və Yuxarı Kəbirli kəndlərində üç fərdi evdə keçirilən toy məclislərində qonaqların sayının normadan artıq olduğu aşkarlanıb.

Qayda pozuntularına yol vermiş şəxslərlə profilaktiki söhbətlər aparılıb. Üç nəfər barəsində İnzibati Xətalar Məcəlləsinin müvafiq maddəsi ilə protokollar tərtib edilib.

Ağcabədi rayonunda isə şadlıq sarayında keçirilən toyda pandemiya tələblərinin pozulduğu müəyyən edilib. Avşar kəndi ərazisində yerləşən “Kral” şadlıq sarayında keçirilən toy mərasimində qonaqların sayının normadan artıq olduğu aşkarlanıb.

Restorana cavabdeh şəxs olan M.Cəfərov bir neçə dəfə bu cür qayda pozuntusuna yol verdiyindən onun barəsində Ağcabədi RPŞ-nin İstintaq Bölməsində cinayət işi başlanılaraq araşdırma aparılır.

Şənlik mərasimlərini qaydalara uyğun keçirmək vacibdir

Qeyd edək ki, şənlik mərasimlərinin müəyyən edilmiş qayda və tələblərə uyğun təşkilinə nəzarət məqsədilə aidiyyəti qurumların nümayəndələri tərəfindən gündəlik monitorinqlər davam etdirilir. Monitorinqlər zamanı şənlik mərasimlərinin keçirildiyi bəzi məkanlarda sıxlığın normadan artıq olması, tədbirə qatılanların COVID-19 pasportunun olmaması, icaze.gov.az portalına məlumatların düzgün daxil edilməməsi, işçi heyətin fərdi qoruyucu vasitələrlə təmin olunmaması kimi pozuntular qeydə alınıb.

İyulun 22-dək aparılan monitorinqlər zamanı bəzi obyektlərdə keçirilən şənlik mərasimlərində 112 minə yaxın qonağın müvafiq sənədləri araşdırılıb, onların bir hissəsində nöqsanlar aşkar edilib. Nəzarət tədbirlərində toy və məkan sahibləri ilə profilaktik söhbətlər aparıb və Operativ Qərargahın müəyyən etdiyi qayda və tələblərə ciddi riayət olunmasının vacibliyi izah edilib. Nöqsanların aşkar olunduğu məkanlarda pozuntular aradan qaldırılıb, toy mərasiminin qaydalara uyğun keçirilməsi təmin olunub və yeni ailə quranlara hədiyyələr təqdim olunub. Qeyd edək ki, indiyədək 900-dən çox obyektdə şənlik mərasimlərinə nəzarət həyata keçirilib.

Şənlik mərasimləri təşkil edən obyekt sahiblərinin və vətəndaşların nəzərinə bir daha çatdırılır ki, obyekt daxilində fəaliyyət göstərən tədbir zalları, onların tutumu və çalışan işçi heyət (müvəqqəti işə cəlb edilmiş işçilər daxil olmaqla) barədə məlumat müvafiq portala (icaze.e-gov.az) düzgün daxil edilməldir. Şənlik və məkan sahibləri müəyyən edilmiş qaydalara və şərtlərə tam əməl etməli, işçi heyətin vaksinləşməsinə və zəruri vasitələrlə (tibbi maska, əlcək və digər fərdi qoruyucu vasitələr) təmin edilməsinə xüsusi diqqət yetirməlidirlər. 

Eləcə də oxuyun:

9
Teqlər:
Ağcabədi, Beyləqan, qayda pozuntusu, karantin, toy
Mövzu:
Azərbaycanda toylar

Xalq artisti Səməd Səmədov vəfat edib

42
"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

BAKI, 24 iyul - Sputnik. "74 yaşlı xəstə Səməd Səmədov ötən gün gecə saatlarında "Yeni Klinika"nın reanimasiya şöbəsinə çox ağır - tənəffüs çatışmazlığı, ciddi dirəncli potenziya vəziyyətində daxil olub".

Sputnik Azərbaycan bildirir ki, bunu "Report"a açıqlamasında klinikanın reanimatoloqu Emil Qasımov deyib.

Onun sözlərinə görə, xəstənin saturasiyası 60-70 arasında idi: "Təzyiqi qaldırmaq üçün maksimal dozada təzyiq qaldıran dərmanlar istifadə olundu. Xəstəyə lazımi dəstək müalicəsi olunsa da, aparılan müayinələr nəticəsində prokansin dəyərinin çox yüksək olması bakterial infeksiyanın əlavə olunmasına sübut idi. İnfeksiya və iltihabı markerlər çox yüksək idi. Xəstədə kəskin böyrək çatışmazlığı təsbit edildi. Kreatin dəyərləri 2,5 dəfə yüksəlmişdi və xəstənin sidik çıxışları, demək olar ki, yox idi. Xəstə heç 24 saat reanimasiya şöbəsində qalmadı. 15-16 saat müddətində xəstəni saxlaya bildik. Bütün bu fonda müdaxilələrə baxmayaraq xəstədə ürək dayanması baş verdi. Ölüm səbəbi sepsis və septik şok diaqnozu idi".

----------

18:52

Azərbaycanın xalq artisti Səməd Səmədov vəfat edib.

Sputnik Azərbaycan APA-ya istinadən bildirir ki, bu barədə müğənni Tural Qismət məlumat verib.

Qeyd edək ki, S. Səmədov bu gün koronavirusdan dünyasını dəyişib.

"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfində oxuyub.

1988-ci ildən toylarda çıxış edib. 2000-ci ildə əhali arasında aparılan sorğunun nəticələrinə görə, Səməd Səmədov rəsmi olaraq "Toylar Kralı" adını qazanıb. O, Müstəqil 'Qrant' Milli İctimai Mükafatının ikiqat sahibi, 150 müxtəlif mahnının, 5 albomun, 20 klipin ifaçısı idi. 12 sentyabr 2011-ci ildə Xalq artisti fəxri adına layiq görülmüşdü.

42
Teqlər:
xalq artisti, ölüm, Səməd Səmədov