Baş nazir Novruz Məmmədov

Novruz Məmmədov özünü körpüdən atmaq istəyən vətəndaşı necə xilas etdi - TƏFƏRRÜAT

5479
(Yenilənib 12:09 30.07.2018)
Ərazidən keçən Novruz Məmmədov nəyin baş verdiyi ilə maraqlanıb və ona bildirilib ki, intihara cəhd hadisəsi var

BAKI, 30 iyul — Sputnik. "Baş nazir Novruz Məmmədov Bakıda metronun "Koroğlu" stansiyasının yaxınlığındakı körpüyə bir nəfərin çıxaraq intihara cəhd etməsi xəbərini eşitdikdən sonra yolunu dəyişərək həmin əraziyə gedib".

Bu barədə Sputnik Azərbaycan-a Nazirlər Kabinetinin (NK) mətbuat xidmətinin rəhbəri Akif Əli açıqlama verib. Onun sözlərinə görə, hadisə bu gün səhər saatlarında baş verib.

İntihara cəhd edən adam
© Photo : hadisə şahidi tərəfindən təqdim edilib
İntihara cəhd edən adam

"Səhər saat 6.00-da yol bağlanıb və sürücülər yol polisi tərəfindən Zığ şosesinə yönləndirilib. Novruz Məmmədov nəyin baş verdiyi ilə maraqlanıb və ona bildirilib ki, intihara cəhd hadisəsi var. Bundan sonra baş nazir kortecin Heydər Əliyev prospekti istiqamətində yönləndirilməsini istəyib" — deyə A.Əli bildirib.

NK sözçüsünün dediyinə görə, baş nazir hadisə yerinə gəlib və intihar edən şəxslə telefon danışığı aparıb: "Baş nazirin telefon danışığı zamanı məlum olub ki, intihara cəhd edən şəxs 1969-cu ildə Tovuzda anadan olan, fəhlə Əhmədov Yaşar Məmmədəli oğludur. Həmin şəxs bildirib ki, iki övladını, ailəsini tapa bilmir və onları tapa bilmədiyi üçün intihara cəhd edib".

Baş nazirlə danışdıqdan sonra Əhmədov aşağı düşüb və o, Nazirlər Kabinetinə dəvət olunub: "Baş nazir onun problemini daha dərindən öyrənib və həll edilməsi üçün müvafiq qurumlara tapşırıq verib. Hazırda həmin şəxsin ailəsinin uşaqlarının tapılması üçün iş görülür. Nəticəsi barədə məlumat veriləcək".

Qeyd edək ki, bu gün səhər saatlarında Heydər Əliyev prospekti Böyük Şor qovşağında və şəhər istiqamətində tıxac yaşanıb. Buna səbəb bir nəfərin intihar məqsədi ilə yol ötürücüsünün üstünə çıxması olub.

Bu barədə Sputnik Azərbaycan-a Bakı Nəqliyyat Agentliyinin (BNA) mətbuat xidmətinin rəhbəri Mais Ağayev məlumat verib. Səhər 08.50 radələrində hadisə ilə bağlı məlumat yayan Ağayev bunları qeyd edib: "Hazırda Heydər Əliyev prospekti Böyük Şor qovşağında və şəhər istiqamətində tıxac var. Tıxac əsasən Heydər ƏLiyev prosketinin Atəşgah dairəsindən Böyük Şor qovşağı da daxil olmaqla hisssində müşahidə edilir. Tıxacın yaranmasına səbəb bir nəfər şəxsin intihar məqsədi ilə yol ötürücüsünün üstünə çıxmasıdır".

Daha sonra hadisə yerinə Fövqəladə Hallar Nazirliyinin (FHN) əməkdaşları cəlb olunub. Nəhayət, onu fikrindən daşındırmaq mümkün olub və yol ötürücüsünün üstündən endirilib. Hazırda faktla bağlı araşdırma aparılır.

5479
Teqlər:
baş nazir Novruz Məmmədov, Heydər Əliyev prospekti, intihar, Bakı, körpü, tıxac
Əlaqədar
“Kristal Abşeron”da dəhşətli intihar oldu
Populyar müğənninin anasının intihar etməsi ilə bağlı yeni xəbər var
Məşhur müğənninin anası intihara əl atıb
Psixoloq: "Abituriyentlərin intihar etməsində valideynlərin də rolu var"
Çılpaq soyunması ilə dünyada məşhurlaşan qadın intihar etdi
Xəzər dənizi, arxiv şəkli

Xəzərdə zəlzələ olub

19
(Yenilənib 16:23 24.11.2020)
Xəzər dənizindəki zəlzələnin maqnitudası 3,2 bal, dərinliyi 62 km olub. Yeraltı təkanlar hiss olunmayıb

BAKI, 24 noyabr — Sputnik. Bu gün Xəzər dənizində zəlzələ olub. Sputnik Azərbaycan-ın Respublika Seysmoloji Xidmət Mərkəzinə istinadən verdiyi xəbərə görə, zəlzələ yerli vaxtla saat 14:11-də Xəzər dənizində qeydə alınıb.

Zəlzələnin maqnitudası 3,2, dərinliyi 62 km olub. Zəlzələ hiss olunmayıb.

19
Teqlər:
zəlzələ, Xəzər dənizi
Bakıda yağışlı hava, arxiv şəkli

Hava şəraiti yenidən dəyişəcək - Amma bu dəfə...

20
(Yenilənib 13:56 24.11.2020)
Havanın temperaturu Abşeron yarımadasında gecə 5-7, gündüz 9-12, Bakıda gecə 5-7, gündüz 9-11 dərəcə isti olacaq.

BAKI, 24 noyabr — Sputnik. Noyabrın 25-də gözlənilən hava şəraiti açıqlanıb. Milli Hidrometeorologiya Xidmətindən Sputnik Azərbaycan-a verilən məlumata görə, noyabrın 25-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecəyə doğru bəzi yerlərdə çiskinli olacağı gözlənilir. Mülayim şimal-qərb küləyi axşam arabir güclənəcək. Havanın temperaturu Abşeron yarımadasında gecə 5-7, gündüz 9-12, Bakıda gecə 5-7, gündüz 9-11 dərəcə isti olacaq. Atmosfer təzyiqi 764 mm civə sütunundan 767 mm civə sütununa yüksələcək, nisbi rütubət 65-75 faiz olacaq.

Noyabrın 25-də Azərbaycanın rayonlarında hava şəraitinin əsasən yağmursuz keçəcəyi, lakin axşam yağıntılı olacağı, dağlıq ərazilərdə qar yağacağı, gecə və səhər bəzi yerlərdə duman olacağı gözlənilir. Qərb küləyi ayrı-ayrı yerlərdə arabir güclənəcək. Havanın temperaturu gecə 1 dərəcə şaxtadan 4 dərəcəyədək isti, gündüz 7-12 dərəcə isti, dağlarda gecə 5-10 dərəcə şaxta, gündüz 0-5 dərəcə isti olacaq. Tibbi-meteoroloji proqnoza gəlincə, noyabrın 25-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

20
Azərbaycan bayrağı, arxiv şəkli

Ərdoğan partiyasına Qarabağla bağlı tapşırıq verdi

0
(Yenilənib 14:53 25.11.2020)
Türkiyə Prezidenti: Kəlbəcər dünən tamamilə boşaldı. 30 ilə yaxın gecikmə ilə də olsa, bu məsələdə haqq yerini tapıb.

 

BAKI, 25 noyabr — Sputnik. Ölkəmizin dəstəyi sayəsində Azərbaycan toprağı olan Qarabağdakı erməni işğalı sona çatıb, münaqişənin uzunmüddətli həlli istiqamətində ümidlər ilk dəfə artıb. 

Sputnik Azərbaycan "Anadolu" agentliyinə istinadən xəbər verir ki, bunu Ərdoğan hakim Ədalət və İnkişaf Partiyasının (AKP) qrup toplantısında çıxışı zamanı bildirib.

O, Kəlbəcərin işağldan azad edildiyini və artıq Qarabağda Azərbaycan bayrağının dalğalandığını da qeyd edib: 

"Kəlbəcər dünən tamamilə boşaldı. 30 ilə yaxın gecikmə ilə də olsa, bu məsələdə haqq yerini tapıb. Qarabağda Azərbaycan bayrağı dalğalanmağa başlayıb".

Türkiyə Prezidenti həmçinin lideri olduğu partiya yetkililərinə tapşırıb ki, hamı Dağlıq Qarabağla bağlı prosesə dəstək verməli və yeni reallıqlara uyğun addımlar atılmalıdır.

0
Teqlər:
AKP, Kəlbəcər, Dağlıq Qarabağ, Qarabağ, Türkiyə prezidenti Rəcəb Tayib Ərdoğan, Rəcəb Tayyip Ərdoğan, Ərdoğan