Fövqəladə Hallar Nazirliyi

Zaqatalada itkin düşən çoban barədə məlumat yayıldı - RƏSMİ

137
(Yenilənib 22:39 27.07.2018)
Zaqatalada itkin düşən çobanın meyiti yaxın saatlarda aidiyyəti üzrə təhvil veriləcək

BAKI, 27 iyul — Sputnik. Zaqatalada itkin düşən çobanın meyiti yaxın saatlarda aidiyyəti üzrə təhvil veriləcək.

Sputnik Azərbaycan-ın Fövqəladə Hallar Nazirliyinin (FHN) saytına istinadən verdiyi xəbərə görə, iyulun 26-da Zaqatala rayonunun Car kəndi yaxınlığında dağlıq ərazidə aparılan axtarışlar zamanı FHN-nin Xüsusi Riskli Xilasetmə Xidmətinin müvafiq xilasetmə qrupları tərəfindən aşkarlanan 1982-ci il təvəllüdlü İbrahimov Qurban İbrahim oğlunun meyitinin həmin gün götürülməsi əməliyyat şəraitinin mürəkkəbliyi əlaqədar (mürəkkəb relyefli yüksək dağ massivində havanın qatı dumanlı olması səbəbilə) mümkün olmayıb.

Meyitin götürülməsi üzrə tədbirlər iyulun 27-də gün ərzində aparılıb. Fövqəladə Hallar Nazirliyinin peşəkar xilasedicilərdən ibarət dəstələrinin həyata keçirdiyi tədbirlər nəticəsində Q.İbrahimovun meyitinin olduğu yerdən götürülərək nisbətən təhlükəsiz əraziyə daşınması mümkün olub. Hazırda meyitin dağdan endirilməsi üzrə tədbirlər həyata keçirilir.

İbrahimov Qurban İbrahim oğlunun meyiti yaxın saatlarda aidiyyəti üzrə təhvil veriləcək.

137
Əlaqədar
FHN elektrik enerjisinin kəsintisi ilə bağlı vacib məlumat yaydı
FHN Qubadakı faciənin səbəbləri ilə bağlı rəsmi məlumat yaydı
Mingəçevirdə partlayış olub, FHN hadisə yerində çalışır
Paytaxtda yenə söküntü-tikinti qalmaqalı: FHN-in "qırmızı xətt"ini də keçdilər
FHN əməkdaşı, işsiz və Nəbatat bağının işçisi İTV uğrunda mübarizə aparır