Elektrik lampası, arxiv şəkli

Azərbaycanın bir hissəsində işıqlar yenə söndü

417
(Yenilənib 01:04 21.07.2018)
"Azərenerji" ASC-nin "8-ci Mikrorayon" adlandırılan xəttində açılma baş verib. Nəticədə bir sıra ərazilərdə elektrik enerjisinin təchizatında fasilə yaranıb

BAKI, 21 iyul — Sputnik. Bu gün axşam saatlarında Bakı şəhərinin və ölkənin regionlarının bir qismində elektrik enerjisinin təchizatında fasilə yaranıb.

Sputnik Azərbaycan "Report"a istinadən xəbər verir ki, "Azərişıq" ASC-nin mətbuat katibi Tanrıverdi Mustafayev faktı təsdiqləyib.

Enerjinin təchizatında yaranmış təxminən 25-30 dəqiqəlik fasilə "Azərişıq" ASC-nin daxili imkanları hesabına aradan qaldırılıb. T. Mustafayev bildirib ki, elektrik enerjisinin nəqlində yaranan fasilə "Azərişıq" ASC ilə əlaqədar olmayan səbəblərdən baş verib.

Жилые дома в Хатаинском районе Баку, фото из архива
© Sputnik / Anar Mustafayev

"Azərenerji" ASC-nin İctimaiyyətlə əlaqələr şöbəsinin rəhbəri Yəhya Babanlı isə bildirib ki, "Azərenerji" ASC-nin "8-ci Mikrorayon" adlandırılan xəttində açılma baş verib. Nəticədə bir sıra ərazilərdə elektrik enerjisinin təchizatında fasilə yaranıb. Bu da qısa müddətli olub.

Y.Babanlının sözlərinə görə, problem qısa zamanda aradan qaldırılıb.

"Azərenerji" ASC-nin tabeliyindəki heç bir stansiyada hər hansı hadisə baş verməyib" — deyə o bildirib. ASC rəsmisi qeyd edib ki, hazırda stansiyalar öz gücündə çalışır.

"Elektrik enerjisinin verilişində yaranan fasilənin metroda qatarların hərəkətinə təsiri çox olmayıb".

Bunu isə "Bakı Metropoliteni" QSC-nin Mətbuat xidmətinin rəhbəri Bəxtiyar Məmmədov deyib.

Onun sözlərinə görə, yalnız eskalatorlar bir neçə stansiyada dayanıb. Problem qısa müddətdə də aradan qaldırılıb.

417
Teqlər:
elektrik, işıq, "Bakı Metropoliteni" QSC, "Azərenerji" ASC, "Azərişıq" ASC
Əlaqədar
Azərbaycanda elektrik təchizatı 100 faiz bərpa edilib
FHN elektrik enerjisinin kəsintisi ilə bağlı vacib məlumat yaydı
Elektrik enerjisinin kəsilməsinin səbəbi bilindi - RƏSMİ
Yenə gözlənilməz elektrik kəsintisi: Paytaxtın və bölgələrin bir hissəsində işıqlar söndü
Elektrik böhranı aradan qalxdı, başqa problem yaranıb

Azərbaycanda Milli Park yanır

63
İlkin məlumata görə, təqribən 5 ha sahədə quru ot və kol-kos yanır. Yanğının baş verdiyi ərazi çətin keçilən mürəkkəb relyefdə yerləşir.

BAKI, 19 oktyabr - Sputnik. Fövqəladə Hallar Nazirliyinin "112" qaynar telefon xəttinə Quba rayonunun Xanəgah kəndində Şahdağ Milli Parkının ərazisində yanğın olması barədə məlumat daxil olub.

FHN-dən Sputnik Azərbayca-a verilən məlumata görə, Dövlət Yanğından Mühafizə Xidmətinin yanğından mühafizə bölmələri, Mülki müdafiə qoşunlarının şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları yanğınsöndürmə işlərinə cəlb ediliblər. İlkin məlumata görə, təqribən 5 ha sahədə quru ot və kol-kos yanır.

Yanğının baş verdiyi ərazi çətin keçilən mürəkkəb relyefdə yerləşir. Hazırda yanğınsöndürmə işləri davam etdirilir.

63
Tərtərdə, arxiv şəkli

Ermənilər Gəncədə etdiklərinə görə Avropa Məhkəməsində cavab verməlidirlər

118
(Yenilənib 18:02 19.10.2020)
"Dünyada bununla bağlı nümunələr var. İkinci Dünya müharibəsi zamanı bəzi Avropa ölkələrinə vurduğu ziyana görə Almaniya hələ də o ölkələrə kompensasiya ödəyir. Məsələn, Almaniya Belçika və Hollandiyaya kompensasiya ödəyir"

Xalid Məmmədov, Sputnik Azərbaycan

BAKI, 19 oktyabr — Sputnik. "Ermənistanın Azərbaycan ərazilərini atəşə tutması nəticəsində mülki əhalimizə dəyən ziyanın kompensasiya məsələsi təcili surətdə Avropa Məhkəməsinə çıxarılmalıdır".

Bunu hüquqşünas Ələsgər Məmmədli Sputnik Azərbaycan-a açıqlamasında Ermənistanın Azərbaycan-a vurduğu ziyanın kompensasiya edilməsi məsələsindən danışarkən deyib.

Ermənistanın Gəncəni raket atəşinə tutması

Xatırladaq ki, Ermənistan silahlı qüvvələrinin 17.10.2020-ci il tarixdə gecə saat 01 radələrində Gəncənin mərkəzi hissəsində yerləşən dinc sakinlərin yaşayış məntəqələrini raket atəşinə tutması nəticəsində 14 nəfər həlak olub, 50-dan çox şəxs yaralanıb, çoxsaylı mülki infrastruktur obyektlərinə, nəqliyyat vasitələrinə külli miqdarda ziyan dəyib.

Daha öncə oktyabrın 11-də gecə saat 02 radələrində cəbhə zonasından 100 km kənarda yerləşən, Azərbaycan Respublikasının ikinci böyük şəhəri olan və əhalinin sıx məskunlaşdığı Gəncə şəhəri Ermənistan ərazisindən raket atəşinə tutub. İçərisində uşaq, qadın, ahıl insanların da yaşadığı çoxmənzilli binalarda 5-i qadın olmaqla 10 nəfər həlak olub, 15-i qadın, 6-sı uşaq olmaqla 34 nəfər yaralanıb, çoxsaylı mülki infrastruktur obyektlərinə külli miqdarda ziyan dəyib.

Ələsgər Məmmədli bildirib ki, Gəncə, Yevlax, Mingəçevir, Naftalan və digərləri Azərbaycanın bilavasitə əməliyyat aparılmayan zonasıdır: "Ermənistanın Azərbaycan ərazilərini atəşə tutması nəticəsində vətəndaşlarımıza dəyən mülki ziyanlar Avropa İnsan Hüquqları Məhkəməsi çərçivəsində Ermənistana qarşı yönəlməlidir. Hüquqi baxımdan yönələ də bilər. Hər kəsin mülkiyyət hüququnun toxunulmazlığı var. Vəkillər Kollegiyası da bununla bağlı sistemli şəkildə sənədləri toplamalı və vətəndaşlara pulsuz xidmət göstərməlidir. Mindən çox ev dağılıb, vətəndaşların eyni zamanda mülkiyyət hüquqları pozulub".

"Avropa İnsan Hüquqları Konvensiyasına əsasən, birbaşa Ermənistan ərazisindən Azərbaycan ərazilərinə atılan raketlərə görə Ermənistan məsuliyyət daşıyır. Bu, hüququn kobud şəkildə pozulmasıdır və Avropa Konvensiyası çərçivəsində mübahisələndirilməlidir", - deyə o diqqətə çatdırıb.

İşğal altında olan ərazilərimizə dəyən ziyanın Ermənistan tərəfindən kompensasiya edilməsi ilə bağlı hüquqşünas deyib ki, Azərbaycan əraziləri 30 ilə yaxındır ki, Ermənistan tərəfindən işğal edilib: "Dəymiş ziyan ilə bağlı Ermənistan qarşısında iri məbləğdə kompensasiya ödəmək öhdəliyi qoyulmalıdır. Azərbaycan öz ərazilərini işğaldan azad etdikdən sonra sülh danışıqları çərçivəsində böyük ehtimal hansısa müqavilə imzalana bilər. Dəyən ziyan məsələsini, həm fərdlərin, həm də dövlətin itkilərini bu müqaviləyə daxil etmək mümkündür".

"Dünyada bununla bağlı nümunələr var. İkinci Dünya müharibəsi zamanı bəzi Avropa ölkələrinə vurduğu ziyana görə Almaniya hələ də o ölkələrə kompensasiya ödəyir. Məsələn, Almaniya Belçika və Hollandiyaya kompensasiya ödəyir", - deyə o qeyd edib.

Hüquqşünas bildirib ki, bunların hamısı rəsmiləşməlidir: "Baş Prokurorluq Azərbaycan ərazilərinə dəyən zərərlərə görə dərhal cinayət işi açır, bunları sənədləşdirir. Bunlar önəmlidir. Amma işğal olunmuş ərazilər azad olunandan sonra orada dəyən ziyan, itkilərlə bağlı araşdırma aparılmalı, hesablanmalı və ziyanın məbləği müəyyən edilməlidir".

Millət vəkili Fazil Mustafa da Sputnik Azərbaycan-a deyib ki, ayrı-ayrı şəxslər dəyən ziyana görə Avropa İnsan Haqları Məhkəməsinə müraciət edə bilər: "Bundan başqa, dövlət, beynəlxalq iqtisadi məhkəmə mexanizmlərini işə salmalıdır. Dünyada indiyədək belə təcrübələr var və dəyən ziyana görə kompensasiya ödənilib. Almanlar yəhudilərə kompensasiya ödəyiblər. İndi bu da erməni faşizmidir və Ermənistan tərəfindən Azərbaycana külli miqdarda vəsait ödənməlidir".

"Azərbaycan bu kompensasiyaya görə indi də müraciət edə bilər. Amma gələcəkdə sistemli şəkildə beynəlxalq ekspertlərin, nüfuzlu audit təşkilatlarının iştirakı ilə Azərbaycan araşdırma apararaq dəymiş ziyanı müəyyən etməlidir. Və bu məbləğin Ermənistan tərəfindən Azərbaycana ödənilməsi tələb edilməlidir. Əgər məhkəmə qərar çıxararsa, Ermənistan məcburi şəkildə ölkəmizə kompensasiya ödəməlidir", - deyə deputat bildirib.

Millət vəkili Nizami Səfərov isə Sputnik Azərbaycan-a qısa açıqlamasında deyib ki, hələlik bu məsələni qaldırmaq tezdir: "Burada digər məsələlər də var. Dəymiş ziyanın kompensasiya olunması sonrakı mərhələdə olan məsələdir. Təbii ki, bizə dəymiş ziyan hesablanmalıdır. Xüsusi hazırlıqlı insanlar, xüsusi təşkilatlar bunu hesablayacaqlar. Beynəlxalq təşkilatları bu məsələyə cəlb edəcəyik".

118
Mövzu:
Azərbaycan və Ermənistan arasında müharibə
Bakıda avtobus, arxiv şəkli

BNA Bakıda ekspres avtobuslarının gecikmə səbəbini açıqladı

0
Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb

BAKI, 20 oktyabr — Sputnik. Bakı Nəqliyyat Agentliyi paytaxtın Qara Qarayev prospektində yaranmış tıxac barədə məlumat yayıb.

BNA-dan Sputnik Azərbaycan-a verilən məlumata görə, səhər saat 9 radələrindən Qara Qarayev prospekti-Ziya Bünyadov prospekti istiqamətində nəqliyyat vasitələrinin hərəkətində tıxac müşahidə edilir: "Nəticədə Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb".

0
Teqlər:
avtobus, BNA, tıxac, Bakı