Yerdə çəkilmiş cəsəd izi

Yasamalda baş verən tükürpədici olayın yeni gizlinləri üzə çıxır - VİDEO

2256
(Yenilənib 15:42 17.07.2018)
Təhqiqatçılar hələ ki, hadisənin intihar olması barədə qərar verməyə tələsmirlər

BAKI, 17 iyul — Sputnik. Bu gün səhər saatlarında Bakı şəhəri Yasamal rayonunda 18 yaşlı qızın ölümü ilə nəticələnən dəhşətli hadisənin qətl olması ehtimalı istisna edilmir. Bu barədə Sputnik Azərbaycan-a Yasamal Rayon Prokurorluğundan məlumat verilib. 

Xatırladaq ki, bu gün Yen Yasamal qəsəbəsində intihar hadisəsinin video görüntüləri sosial şəbəkədə yayılıb. Belə ki, "Şərur MTK"-ya aid binanın 17-ci mərtəbəsindən gənc qız özünü ataraq intihar edib.

Bina sakinlərinin sözlərinə görə, qızın özünü atdığı mənzildən gecə saatlarında ağlaşma və mübahisə səsləri gəlib. Daha sonra sakinlər vahiməli səs eşidiblər və aşağı baxdıqları zaman qızın meyitini görüblər.

Artıq qızın şəxsiyyəti müəyyən edilib. O, 2000-ci il təvəllüdlü Vəliyeva Nərgiz Rövşən qızıdır. Məlumata görə, qız qeyd edilən ünvanda yaşamayıb. İstintaqın versiyasına görə, qız mənzildə tək olmayıb.

Hazırda onun ölümündən qabaq yanında olan şəxsin kimliyinin müəyyənləşdirilməsi istiqamətində tədbirlər görülür.

Təhqiqatçılar hələ ki, hadisənin inthar olması barədə qərar verməyə tələsmirlər. Çünki Vəliyevanın oradan atılması, yəni hadisənin qətl olması istisna edilmir.

Faktla bağlı istintaq davam edir.

2256
Teqlər:
Vəliyeva Nərgiz Rövşən qızı, Yasamal rayonu, Bakı şəhəri, intihar
Əlaqədar
Bakıda intiharların qarşısı alındı: Qadın və kişi son anda xilas edildilər
Bakıda dəhşətli intiharın qarşısı alındı, xanım xilas etdi
Bakının mərkəzində gənc oğlan intihar etdi
Bakıda intihar zənciri: Vəziyyət çox vahiməlidir
Kəbədə inanılmaz olay: Zəvvar hamının gözü qarşısında intihar etdi - VİDEO