Bakı Ağ Şəhər bulvarı

Bakının mərkəzində şok hadisə - VİDEO

847
(Yenilənib 11:40 13.07.2018)
Müğənni həyəcan siqnalı verdi: "Xahiş edirəm, özünüzü və övladlarınızı qoruyun"

BAKI, 13 iyul — Sputnik. Tanınmış müğənni Elmira (Emma) Ələkbərzadə Bakı bulvarında xoşagəlməz hadisə ilə rastlaşıb. Sputnik Azərbaycan xəbər verir ki, müğənni bu barədə sosial şəbəkədə məlumat paylaşıb. 

O bildirib ki, dənizkənarı parkın yeni salınmış Bayıl ərazisində gəzərkən böyük qara ilanla qarşılaşıb. Müğənni həmin anları video-lentə alaraq sosial şəbəkələrdə paylaşıb və insanlara xəbərdarlıq edib.

"Bəli, bura Bakıdır! Təzə Bayıl bulvarımız və burada qara rəngli böyük ilanlar var – özü də gürzə. Xahiş edirəm, özünüzü və övladlarınızı qoruyun. Şəxsən mənim üçün bulvar söhbəti bağlandı" — deyə müğənni yazıb.

847
Teqlər:
Elmira (Emma) Ələkbərzadə, Bakı bulvarı, müğənni, ilan
Əlaqədar
İlan, böcək, indi də arı basqınına məruz qalmışıq
İlanlar azmış kimi, zəhərli böcəklər də bu yandan peyda oldu
Azərbaycanda ilan sancmasına dair bədbin proqnoz
Azərbaycanda ilanlar tüğyan edir, özünüzü qoruyun!
Bostanı suvarmağa getdi, nəhəng ilanın qurbanı oldu - FOTO
 Bıçaq əlində kişi, arxiv şəkil

Bakıda 31 yaşlı qadını bıçaqladılar

20
(Yenilənib 21:54 01.03.2021)
1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

BAKI, 1 mart - Sputnik. Bakıda bıçaqlanma hadisəsi baş verib.

"Report"un məlumatına görə, hadisə Sabunçu rayonu ərazisində qeydə alınıb.

Belə ki, 1990-cı il təvəllüdlü Hüseynova Yaxşıxanım Fərhad qızı naməlum şəxs tərəfindən qarın nahiyəsindən bıçaqlanıb.

Yaralı təcili tibbi yardım briqadasının köməkliyi ilə xəstəxanaya çatdırılıb.

Faktla bağlı araşdırma aparılır.

20

Xətai rayonunda 22 yaşlı oğlan qətlə yetirilib

16
(Yenilənib 19:30 01.03.2021)
Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

BAKI, 1 mart - Sputnik. Martın 1-də saat 13 radələrində paytaxtın Xətai rayonu, N.Tusi küçəsi 18 ünvanında yerləşən binanın qarşısında 1999-cu il təvəllüdlü Nəsibov Bəxtiyar Əli oğlunun üzərində xəsarət izləri olan meyitinin aşkar edilməsi barədə rayon prokurorluğuna məlumat daxil olub.

Xətai rayon prokurorluğundan APA-ya verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla Bakı şəhər sakini, 2002-ci il təvəllüdlü Abbasov Əli Allahverdi oğlunun şəxsi münasibətlər zəminində aralarında yaranmış mübahisə zamanı Bəxtiyar Nəsibovun döş qəfəsinin sol nahiyəsinə kəsici-deşici alətlə xəsarət yetirərək sonuncunu qəsdən öldürməsinə əsaslı şübhələr müəyyən edilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Hazırda Əli Abbasovun yerinin müəyyən edilərək şübhəli şəxs qismində tutulması istiqamətində intensiv əməliyyat-axtarış tədbirləri və istintaq hərəkətləri davam etdirilir.

16
Avtomobil tıxacı, arxiv şəkli

Paytaxtın xeyli küçə prospektində sıxlıq müşahidə olunur

0
Hazırda təkcə Heydər Əliyev prospekti kənar yol şəhər istiqamətində, eləcə də Yusif Səfərov küçəsində 30-dan artıq avtobus sıxlıqda qalıb.

BAKI, 2 mart - Sputnik. Hazırda paytaxtın bəzi küçə və prospektlərdə nəqliyyat vasitələrinin hərəkətində sıxlıq müşahidə olunur. Bu barədə Bakı Nəqliyyat Agentliyinin mətbuat katibi Mis Ağayev məlumat verib.

"Sıxlıq halları küçə və prospektlərdən keçən müntəzəm və ekspress xətlər üzrə avrobusların hərəkətini də çətinləşdirir. Hazırda təkcə Heydər Əliyev prospekti kənar yol şəhər istiqamətində, eləcə də Yusif Səfərov küçəsində 30-dan artıq avtobus sıxlıqda qalıb. İntervalda gecikmələr var" - o bildirib.

Ağayev sıxlıq yaşanan küçə bə prospektlərin siyahısını da təqdim edib:

"1. Bakı – Sumqayıt şosesi – (20 Yanvar dairəsi istiqaməti) sıxlıq

2. Ziya Bünyadov prospekti - Əsas yol (Ələsgər Qayıbov küçəsi ilə kəsişmədən başlayaraq,Çermet körpüsü üzərindən,20 Yanvar dairəsi istiqaməti) sıxlıq

3. Üzeyir Hacıbəyli küçəsi - (Cavanşir körpüsünün üzərindən,Hökumət Evi istiqaməti) sıxlıq

4. Afiyəddin Cəlilov küçəsi - (Cavanşir körpüsünün üzərindən,Hökumət Evi istiqaməti) sıxlıq

5. Qara Qarayev prospekti – (Xalqlar Dostluğu metro stansiyası istiqamətindən, Dakar dairəsinə qədər) sıxlıq

6. Abdulvahab Salamzadə küçəsi – Əsas yol - (Ziya Bünyadov prospekti istiqamətində) sıxlıq

7. Babək prospekti - (Nəcəfqulu Rəfiyev küçəsi ilə kəsişmədən,Şəhər mərkəzi istiqamətində,eyni zamanda Heydər Əliyev prospekti istiqamətində) sıxlıq

8. 28 May küçəsi (Azadlıq prospekti ilə kəsişmədən,Rəşid Behbudov küçəsi ilə kəsişməyə qədər) sıxlıq

9. Həsən bəy Zərdabi prospekti – (Hər iki istiqamət,20 Yanvar dairəsinə düşən hissə və 20 Yanvar dairəsindən çıxan hissə) sıxlıq

10. Heydər Əliyev prospekti – Kənar yol - (Koroğlu metro stansiyasının qarşısından başlayaraq,Şəhər mərkəzi istiqamətində) sıxlıq

11. Rəşid Behbudov küçəsi (Üzeyir Hacıbəyov küçəsi ilə kəsişmədən,28 May küçəsi ilə kəsişməyə qədər) sıxlıq

12. Yusif Səfərov küçəsi - (Xocalı prospekti ilə kəsişmədən başlayaraq,Heydər Əliyev prospekti – Kənar yol istiqaməti) sıxlıq

13. Gülarə Qədirbəyova küçəsi – (Hər iki istiqamətdə,Koroğlu Rəhimov küçəsi və Ş.İ.Xətai prospekti ilə kəsişmə istiqamətində) sıxlıq

14. Abbasqulu ağa Bakıxanov küçəsi (Cəlil Məmmədquluzadə küçəsi ilə kəsişmədən,Səməd Vurğun küçəsi ilə kəsişməyə qədər,Türkiyə səfirliyi istiqaməti) sıxlıq

15. Moskva prospekti – Əsas yol və Kənar yol – (Şamaxinka dairəsinə gedən yol,,20 Yanvar dairəsi istiqamətində) sıxlıq".

0