Kanat yolu

Azərbaycanda məşhur istirahət mərkəzində faciə: Ölən yaralananlar var

574
(Yenilənib 15:41 09.07.2018)
Hotel ərazisində fəaliyyət göstərən kanat qəfildən qırılıb

Leyla Abdullayeva, Sputnik Azərbaycan

BAKI, 9 iyul — Sputnik. Quba rayonunda bədbəxt hadisə baş verib. Sputnik Azərbaycan-ın bölgə müxbiri xəbər verir ki, hadisə rayonun Amsar kəndindəki məşhur hotellərdən birində — "Quba Palace Hotel"də (keçmiş "Rixos") qeydə alınıb.

Hotel ərazisində fəaliyyət göstərən kanat qəfildən qırılıb. Nəticədə hotelin işçisi, 26 yaşlı Amsar kənd sakini Rüzgar İsayev həlak olub. Daha iki nəfər — Rafiq Həsənov və Ruhid Əliməmmədov xəsarət alıb.

Yaralılar Quba Mərkəzi Rayon Xəstəxanasına aparılıblar. Xəstələrdən biri reanimasiya şöbəsinə yerlədirilib, vəziyyəti ağır qiymətləndirilir, digərinin vəziyyəti isə orta-ağırdır.

Əldə etdiyimiz məlumata görə, sözügedən kanat iyun ayının 23-dən təmirə dayanıb. Hadisə Rusiyanın "Skado" şirkətinin işçilərinin kanatın kəsilib qısadılması üçün iş apardıqları zaman baş verib.

Faciəli hadisə faktını Sputnik Azərbaycan-a açıqlamasında hotelin marketinq şöbəsinin müdiri Ceyhun Yahyayev də təsdiqləyib. O bildirib ki, ilkin məlumata görə, insident keyfiyyətsiz təmir işlərinin aparılması nəticəsində baş verib.

C.Yahyayev qeyd edib ki, kanat yolu 25 metr qısaldılmalı idi: "Azərbaycanda kanat yollarının təmiri ilə məşğul olan cəmi bir şirkət var. Bu şirkətin əməkdaşları ötən həftə ərzində Qubada işləyiblər və böyük ehtimalla buraza (tros) düşən yükü düzgün hesablamayıblar".

"Kanat yolunu qısa etmək üçün müvəqqəti olaraq burazı dəyişmək lazım idi, mütəxəssislər də bunu ediblər. Lakin ikinci buraz yükləməyə dözməyib" — həmsöhbətimiz vurğulayıb.

Hotel təmsilçisinin sözlərinə görə, məhz burazın dəyişiklik edildiyi hissə qırılıb: "Bu hadisədə hotelin günahı yoxdur. Çox təəssüflər olsun ki, bu bədbəxt hadisə hotelin ərazisində baş verib".

574
Teqlər:
kanat, bədbəxt hadisə, hotel, xəstə, Quba rayonu
Əlaqədar
Məşhur istirahət bölgəsində kütləvi zəhərlənmə: 100-ə yaxın insan xəstəxanalıq olub
Bakının məşhur hotel, restoran və ticarət mərkəzində yanğın - VİDEO
Ərəb biznesmen Bakıdakı məşhur hoteli aldı
İldırım, arxiv şəkli

Azərbaycanda 18 yaşlı oğlanı ildırım öldürdü

16
İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb.

BAKI, 17 may - Sputnik. Samuxda bədbəxt hadisə baş verib.

Sputnik Azərbaycan APA-ya istinadən bildirir ki, hadisə rayonun Hacıalılı kəndində qeydə alınıb.
Kənd sakini, 2003-cü il təvəllüdlü Sənan Zaur oğlu Həsənov təsərrüfatda mal-qara otaran zaman onu ildırım vurub. 18 yaşlı gənc həmin an ölüb.

İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb. Digər 2 nəfər bir neçə dəqiqədən sonra ayağa qalxıb.

İldırımın çaxdığı məqamda S.Həsənovun telefonla danışdığı bildirilib. Faktla bağlı Samux rayon Prokurorluğunda araşdırma aparılır.

Eləcə də oxuyun:

* Qubadakı hadisənin dəhşətli pərdəarxası: qardaşı ilə dərdləşib intihar etdi

* İsmayıllıda yeni ailə quran gənc oğlan bədbəxt hadisə nəticəsində ölüb

16
Teqlər:
gənc, Samux, ildırım
Çay, arxiv şəkli

Qubadakı hadisənin dəhşətli pərdəarxası: qardaşı ilə dərdləşib intihar etdi

42
1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər.

BAKI, 17 may - Sputnik, Leyla Abdullayeva. Qubada iki qardaşın Qudyalçaya düşməsinin və birinin həlak olmasının təfərrüatı bəlli olub.

Sputnik Azərbaycan-ın müxbiri xəbər verir ki, hadisə bu gün saat 12 radələrində Qəçrəş yolu adlanan yaşayış massivində baş verib. Kəndin meşəlik ərazisində bir nəfər özünü hündürlükdən ataraq intihar edib. 

İlkin araşdırma nəticəsində aydın olub ki, intihar edən şəxs Quba şəhər sakini, A.Əhmədov küçəsi 21 ünvanında yaşayan, 1989-cu il təvəllüdlü Ruslan Elman oğlu İsayevdir. R. İsayevin 2019-cu ildə  arvadı Firuzə Firuz qızı Aydəmirova ilə rəsmi olaraq boşandığı və keçmiş həyat yoldaşının uşağını ona göstərmədiyi bildirilir.

Bu səbəbdən ciddi narahatlıq keçirən Ruslan İsayev bu gün "Qəçrəş yolu" adlanan meşəlik ərazidə qardaşı İsa ilə dərdləşərkən özünü qəflətən hündürlükdən atıb. Ruslan İsayev aldığı xəsarətdən yerindəcə keçinib. Onun hadisədən öncə "Go" markalı spirtli enerji içkisi qəbul etdiyi də deyilir.
Faktla bağlı Cinayət Məcəlləsinin 125-ci (özünü öldürmə həddinə çatdırma )maddəsilə cinayət işi açılıb.

 

--------

19:34

Qubanın Qəçrəş kəndində faciəli hadisə baş verib.

Sputnik Azərbaycan bildirir ki, Fövqəladə Hallar Nazirliyinin (FHN) “112” qaynar telefon xəttinə Quba rayonu, Qəçrəş kəndində 2 nəfərin çaya düşməsi barədə məlumat daxil olub. FHN-in Şimal Regional Mərkəzinin müvafiq xilasetmə qüvvələri hadisənin baş verdiyi əraziyə cəlb olunublar.

Əməliyyat şəraiti qiymətləndirilərkən müəyyən olunub ki, 1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər. Hadisə nəticəsində İ.İsayev müxtəlif xəsarətlər alıb və vətəndaşların köməkliyi ilə çaydan çıxarılıb, qardaşı R.İsayevi tapmaq mümkün olmayıb.

Mürəkkəb relyef şəraitində həyata keçirilən axtarış-xilasetmə tədbirləri nəticəsində hadisə yerinin yaxınlığında çay kənarında tapılan Ruslan İsayevin meyiti xilasedicilər tərəfindən müvafiq qaydada götürülərək aidiyyəti üzrə təhvil verilib.

Eləcə də oxuyun: 

* Göyçayda 18 yaşlı qızın dayısı tərəfindən öldürüldüyü məlum olub

* İsmayıllıda yeni ailə quran gənc oğlan bədbəxt hadisə nəticəsində ölüb

* Oğuzda balıq ovu ölümlə bitdi

 

42
Teqlər:
FHN, həlak, qardaşlar, çay, Quba
Liberal Demokrat Partiyasının lideri Vladimir Jirinovski

Jirinovski: "Onların üzünə tüpürüb, daşa basacaqlar"

0
Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz!

BAKI, 18 may — Sputnik. Rusiya liberal-demokrat partiyasının (RLDP) sədri rəhbərlik etdiyi təşkilatın "siyasi səhnədə bakirə" olduğunu bəyan edib. Sputnik Azərbaycan Rusiya mediasına istinadən xəbər verir ki, partiya sədri RLDP-nin hələ heç bir partiya ilə siyasi ittifaqa girmədiyini dilə gətirib.

""Yedinaya Rossiya" vətəndaşların qarşısına nə ilə çıxacaq? Onlardan soruşacaqlar: niyə siz heç bir şey etməmisiniz? Axı 20 ildir ki, hökumət partiyasısınız. Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz! Onların heç birinin təklif edəcəyi bir şey yoxdur. Seçicilər onların hamısına yalançı və fırıldaqçı kimi nifrət edirlər", - partiya lideri qeyd edib.

Jirinovski bildirib ki, RLDP isə təmizdir: "Əgər məişət dilində müqayisə aparsaq, RLDP siyasi səhnədə bakirədir. Biz heç kimlə nikaha, siyasi ittifaqa daxil olmamışıq. Bunların hamısı isə elə qurcuxurlar", - deyə Jirinovski bildirib.

Eləcə də oxuyun: 

* Jirinovski Rusiya prezidenti vəzifəsinin adının dəyişdirilməsini təklif edir

* Jirinovskidən xaricdə yaşayan ruslara RF pasportlarının verilməsini sadələşdirmək təklifi

* Köklərə məhdudiyyət qoyun, arıqlar yaşaya bilmirlər

 

0
Teqlər:
partiya, Rusiya, Vladimir Jirinovski