Gəncə şəhər İcra Hakimiyyətinin başçısı Elmar Vəliyev

Elmar Vəliyev sui-qəsdinin təfərrüatı: Başçı sağdırmı əslində silah kimə məxsus imiş?

15803
(Yenilənib 16:17 04.07.2018)
Gəncə Şəhər İcra Hakimiyyətinin başçısının məruz qaldığı silahlı hücum barədə yeni məlumatlar üzə çıxır

Ramella İbrahimxəlilova, Sputnik Azərbaycan

BAKI, 4 iyul — Sputniк. Gəncə Şəhər İcra Hakimiyyətinin (GŞİH) başçısı Elmar Vəliyev və onun mühafizəçisi Qasım Aşbazova atəş açıldığı silah axtarışda olub. Bu barədə Sputnik Azərbaycan-a Gəncənin hüquq-mühafizə orqanlarındakı mənbə məlumat verib.

GŞİH başçısı Elmar Vəliyev və onun mühafizəçisi Qasım Aşbazova qarşı sui-qəsd faktı üzrə saxlanılan şəxs öz qurbanlarının baş nahiyəsini hədəf seçib. İlkin məlumata görə, hər iki zərərçəkmiş başından vurulub.

Xatırladaq ki, dünən – iyulun 3-ü axşam saat 20:30 radələrində Gəncə şəhər univermağının qarşısında bir kişi icra başçısı və onun cangüdənini güllələyib. Əvvəlcə cangüdənin öldüyü barədə informasiyalar yayılsa da, sonra hər iki yaralının yaşadığı məlum olub. Vəliyev Gəncə Mərkəzi Klinik Xəstəxanasına çatdırılıb.

Faktla bağlı 1983-cü il təvəllüdlü yerli sakin Yunis Səfərov saxlanılıb. Onun barəsində Cinayət Məcəlləsinin 29, 120.2.3 və 120.2.7 (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar qəsdən adam öldürməyə cəhd və 228-ci (qanunsuz olaraq odlu silah əldə etmə) maddələri ilə cinayət işi açılıb, istintaq hərəkətləri həyata keçirilir.

Vəliyevə qarşı qəsdin istintaqı Azərbaycan prezidenti İlham Əliyevin şəxsi nəzarətindədir. Bu barədə Baş Prokurorluq, DİN və DTX-nın birgə məlumatında deyilir. Hadisə ilə bağlı prokurorluğun, Daxili İşlər Nazirliyinin və Dövlət Təhlükəsizliyi Xidmətinin təcrübəli əməkdaşlarından ibarət istintaq-əməliyyat qrupu yaradılıb.

Sputnik Azərbaycan-ın əməkdaşı cinayətin açıqlanmayan bəzi təfərrüatlarını əldə edib. Öncə qeyd edək ki, bəzi media orqanları Vəliyevin vəfatına dair məlumat yayıb. Lakin aydın olub ki, məlumat həqiqətə uyğun deyil, Vəliyev sağdır və hazırda Gəncənin Mərkəzi Xəstəxanasındadır.

Ağır yaralı mühafizəçi isə helikopterlə Bakıdakı Neyrocərrahiyyə Xəstəxanasına çatdırılıb. Vəliyevin palatasının önündə mühafizə var, onun yanına istintaq-əməliyyat qrupunun üzvlərindən başqa heç kimi buraxmırlar.

Öz növbəsində Səhiyyə Nazirliyinin mətbuat xidmətindən bildiriblər ki, Elmar Vəliyev sağdır, lakin onun hansı xəstəxanada olduğunu bilmirlər…

Həmçinin məlum olub ki, Gəncə ŞİH başçısına "Makarov" tapançasından atəş açıblar. Fakt üzrə saxlanılmış Yunis Səfərov artıq bir ildir ki, polis əməkdaşına hücuma görə axtarışda imiş. Səfərovun Gəncə Mühafizə İdarəsinin əməkdaşına hücum edərək ona bir neçə zərbə endirdiyi və onun xidməti silahını götürərək aradan çıxdığı bildirilir.

Hüquq-mühafizə orqanlarında Səfərov barədə məlumat var. Onu radikal islamçılığa meylli şəxs kimi xarakterizə edirlər. Lakin Səfərovun Vəliyevə hücumunun konkret səbəbləri hələlik məlum deyil. Bəzi məlumatlara görə, bu olay Səfərovun qohumları ilə bağlıdır. Məlumat dəqiqləşdirilir.

15803
Teqlər:
Yunis Səfərov, Qasım Aşbazov, Elmar Vəliyev, GŞİH, başçı, mühafizəçi, Gəncə Şəhər İcra Hakimiyyəti, atəş, hüquq-mühafizə orqanları, silah
Əlaqədar
Bakı Şəhər İcra Hakimiyyəti məhkəməyə verildi
Yeni icra başçısı əmrlər imzaladı, vəzifə verdiklərini də işdən çıxardı
Azərbaycanlı icra başçısı həbs edildi
Prezident əsas rayonlardan birinə yeni icra başçısı təyin etdi
Qandal, arxiv şəkli

Gəncədə narkotik satan alan şəxslər saxlanılıblar

5
(Yenilənib 18:33 05.12.2020)
Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb

BAKI, 5 dekabr — Sputnik. Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, Gəncə şəhər sakinləri - 31 yaşlı Tahir Əliyev və əvvəllər məhkum olunmuş, 27 yaşlı Orxan Sadıqov saxlanılaraq ŞBPİ-yə gətiriliblər. Onların üzərinə baxış keçirilən zaman O.Sadıqovun üzərindən ümumi çəkisi 1 qram, T. Əliyevin üzərindən isə 2 qram narkotik vasitə olan "marixuana" aşkar edilərək götürülüb.

Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb.

Aparılan araşdırmalar zamanı həmin şəxslərə narkotik vasitə satan şəxsin əvvəllər məhkum olunmuş, Gəncə şəhər sakini, 1985-ci il təvəllüdlü Ramil Əliyev olduğu müəyyən edilib. Onun yaşadığı fərdi yaşayış evində keçirilən əməliyyat-axtarış zamanı üzərindən 15 ədəd kağız bükümlərdə, ümumi çəkisi 15 qram, evin dam örtüyünün altından isə ayrı-ayrı sellofan torbalarda və şüşə bankalarda qablaşdırlımış, ümumi çəkisi 4 kiloqram 025 qram qurudulmuş "marixuana" aşkar edilərək götürülüb.

Faklarla bağlı araşdırmalar davam etdirilir.

5
Teqlər:
Gəncə, narkotik maddə, narkotacir, narkotik
PPX avtomobili, arxiv şəkli

Bərdədə koronavirus xəstəsi qayda pozub, məsuliyyətə cəlb edildi

6
(Yenilənib 15:34 05.12.2020)
Faktla bağlı Bərdə rayon prokurorluğunda Cinayət Məcəlləsinin 139-1.1-ci maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib

BAKI, 5 dekabr — Sputnik. Koronavirus infeksiyasının yayılmasının qarşının alınması məqsədi ilə ölkəmizdə elan edilən xüsusi karantin rejiminin müxtəlif yollarla pozulması hallarına qarşı prokurorluq orqanları tərəfindən kompleks və ardıcıl tədbirlər davam etdirilir.

Sputnik Azərbaycan Bərdə Rayon Prokurorluğunun məlumatına istinadla xəbər verir ki, Bərdə rayon sakini, 1996-cı il təvəllüdlü Alışanov Amil Ədalət oğlu COVID-19 virusu ilə bağlı test analizi verməklə testin nəticəsinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduğu halda, 03.12.2020-ci il tarixdə yaşadığı evi qanunsuz tərk etməklə karantin rejimini kobud surətdə pozub, yeni növ koronavirus infeksiyasının yayılması üçün real təhlükə yaradıb.

Faktla bağlı Bərdə rayon prokurorluğunda Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanaraq istintaqın aparılması üçün aidiyyəti üzrə Bərdə rayon Polis Şöbəsinə göndərilib.

Hazırda iş üzrə zəruri istintaq hərəkətləri davam etdirilir.

6
Teqlər:
qayda, xəstə, COVID-19, Koronavirus, epidemiya
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

0
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

0
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ