İsmayıllının Qoydan kəndində sürüşmə

Daha bir bölgədə həyəcan siqnalı verildi: Torpaq evləri udur

498
(Yenilənib 16:16 27.06.2018)
Kənddəki yaşayış evlərindən 2-si sürüşmə nəticəsində tam yararsız hala düşüb, digər 2-sinin isə divarlarında çatlar meydana gəlib

İlham Əhmədov,Sputnik Azərbaycan

BAKI, 27 iyun — Sputnik. Son zamanlar respublikada havaların yağıntılı keçməsi Respublikanın əksər sürüşmə zonalarında, eləcə də şimal-qərb bölgəsində aktivlik yaradıb. Sürüşmə prosesinin dərinləşdiyi ərazilərdən biri də İsmayıllı rayonudur.

Sputnik Azərbaycan-ın bölgə muxbiri xəbər verir ki, rayonun Ağsu ilə sərhəd kəndlərində, həmçinin digər kəndlərdə aktiv sürüşmələr qeydə alınır. Torpaq sürüşməsinin əsas mərkəzlərindən biri İsmayıllının Qoydan kəndidir.

Rayondan 45 km aralıda, Lahıc qəsəbəsinin yaxınlığında yerləşən Qoydan İsmayıllının qədim və dağətəyi kəndlərindən biridir. Olduqca keçilməz yollara sahib olan bu kənd sürüşmə zolağı üzərində yerləşir və bu cür təbii şərait kənd sakinlərinə ciddi çətinlik yaradır. Ümumilikdə 60-dan cox insanın məskunlaşdığı bu kənd gözəl təbiəti və səfalı havası ilə insanı valeh etsə də, oraya gedib çıxmaq heç də asan başa gəlmir.

  • İsmayıllının Qoydan kəndində sürüşmə
    İsmayıllının Qoydan kəndində sürüşmə
    © Sputnik / Ilham Ahmadov
  • İsmayıllının Qoydan kəndində sürüşmə
    İsmayıllının Qoydan kəndində sürüşmə
    © Sputnik / Ilham Ahmadov
  • İsmayıllının Qoydan kəndində sürüşmə
    İsmayıllının Qoydan kəndində sürüşmə
    © Sputnik / Ilham Ahmadov
1 / 3
© Sputnik / Ilham Ahmadov
İsmayıllının Qoydan kəndində sürüşmə

İyul ayının 16-dan bəri yağan leysan yağışlar nəticəsində bu günlərdə kənddə ilk sürüşmə faktı qeydə alınıb. Torpaqda yaranan çatların eni 2-4 metr arasında dəyişir. Günü-gündən şürüşmə daha da genişlənir və evlərdə, hasarlarda zədələr meydana çıxarır.

Kənddə ümumilikdə 13 yaşayış evi var. Hazırda onlardan 2-si sürüşmə nəticəsində tam yararsız hala düşüb, digər 2-sinin isə divarlarında çatlar meydana gəlib.

Qoydan sakinlərinin sözlərinə görə, sürüşmə qeydə alınandan bu günə kimi bir dəfə rayon icra hakimiyyəti və fövqəladə hallar komissiyasında nümayəndə heyəti kəndə gəlib və problemlə tanış olub. O gündən bu günə qədər isə nə kənd sakinlərinə yardım edən olmayıb.

Sakinlər bildirirlər ki, kəndə gediş-gedişin çətin olmasının başlıca səbəblərindən biri də, elə rayon rəhbərliyinin Qoydanı "unutmasıdır". Hazırda insanlar onlara uzadılacaq yardım əlini gözləyirlər.

498
Teqlər:
Qoydan kəndi, İsmayıllı rayonu, sürüşmə, sakin, ev, torpaq
Əlaqədar
Bayıl qəsəbəsində yenidən sürüşmə oldu: Hadisə yerinə təcili yardım gəldi
Şamaxıda fövqəladə vəziyyət: Sürüşmə nəticəsində 3 yol dağıldı
Başıbəlalı ərazi yenə sürüşdü, yol bağlandı
Qadın, arxiv şəkli

Kafeyə "dəm-dəstgah"la gedən qadını soydular

23
550 manat pulu və ümumi dəyəri min manata yaxın olan qızıl-zinət əşyalarını oğurlayan şəxsin qadın olduğu müəyyən edilib

 

İbrahim Həşimov, Sputnik Azərbaycan

BAKI, 5 avqust — Sputnik. Zaqatala Rayon Polis Şöbəsinə rayon ərazisində yerləşən kafelərin birində qadına məxsus çantadan pul və qızıl-zinət əşyalarının oğurlanması barədə müraciət daxil olub. 

DİN-in Mətbuat Xidmətinin Şəki regional qrupundan Sputnik Azərbaycan-a verilən məlumata görə, polis əməkdaşları tərəfindən keçirilmiş əməliyyat-axtarış tədbirləri nəticəsində 550 manat pulu və ümumi dəyəri min manata yaxın olan qızıl-zinət əşyalarını oğurlayan şəxsin M.Mahmudova olduğu müəyyən edilib. O, şübhəli şəxs qismində saxlanıb. Faktla bağlı araşdırma aparılır.

23
Beyrutda partlayış

Minlərlə insanın yaralanmasına 78 nəfərin ölümünə məsuliyyətsizlik səbəb olub

62
(Yenilənib 08:21 05.08.2020)
Partlayışın səbəblərinə gəldikdə isə, Beyrut limanında qaynaq işləri aparılan zaman orada saxlanılan 2750 ton ammonium nitrat duzu partlayıb.

BAKI, 5 avqust - Sputnik. Beyrut limanında baş vermiş güclü partlayış nəticəsində ölənlərin sayı 78 nəfərə çatıb.

Bu barədə ölkənin Səhiyyə Nazirliyi açıqlama yayıb.

Məlumata görə, partlayış zamanı, həmçinin 4 minədək insan xəsarət alıb.

Partlayışın səbəblərinə gəldikdə isə, Beyrut limanında qaynaq işləri aparılan zaman orada saxlanılan 2750 ton ammonium nitrat duzu partlayıb.

Bunu Livanın Təhlükəsizlik Xidmətinin rəhbəri Abbas İbrahim bildirib. Həmin yükün Afrika ölkələrindən birinə məxsus olduğu bilinir.

ABŞ prezidenti Donald Tramp isə Livanın paytaxtı Beyrutda onlarla insanın ölümünə, eləcə də böyük dağıntılara səbəb olan güclü partlayışın “dəhşətli bir hücum”a bənzədiyini deyib.

62
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0