Kilsə

Bakıda kilsə xadimlərinin müqəddəs məkanda dəhşətli əməl törətdiyi iddia edilir

675
(Yenilənib 18:50 22.06.2018)
İstintaq orqanları hazırda hadisənin hansı şəraitdə baş verdiyini araşdırır

Ramella İbrahimxəlilova, Sputnik Azərbaycan

BAKI, 22 iyun — Sputnik. Rus Pravoslav Kilsəsinin Bakı yeparxiyasında bir neçə il bundan əvvəl Avropa və ABŞ-ın katolik kilsələrində baş verən, kilsə xadimləri və dini ordenlərin nümayəndələri tərəfindən uşaqlara qarşı seksual zorakılığı xatırladan qalmaqal baş verib. Belə ki, Nəsimi Rayon Polis İdarəsi kilsə divarları arasında azyaşlı qıza qarşı seksual xarakterli hərəkətlərin baş verməsi ilə bağlı faktı araşdırır.

Bu barədə Sputnik Azərbaycan-a Nəsimi Rayon Polis İdarəsindən (RPİ) məlumat verilib. Məlumata görə, iyunun 20-də Nəsimi RPİ-nin 22-ci polis bölməsinə paytaxt sakini olan M.X. adlı qadın şikayət ərizəsi ilə müraciət edib. O qeyd edib ki, müntəzəm olaraq Bakıdakı kilsələrdən birini ziyarət edir.

Bu il fevralın 14-də o, növbəti dəfə 9 yaşlı qızı ilə birlikdə kilsəyə ibadətə gedib. Qadın dua edən zaman iki kişinin onun qızını başqa yerə apararaq azyaşlıya qarşı zorla seksual hərəkətlər etdiyinin fərqinə varmayıb. Baş verən hadisə barədə qız da anasına dərhal məlumat verməyib.

Hadisədən 4 ay keçəndən sonra bu barədə polisə məlumat verməsini də qadın qızının ona başına gələni gec deməsi ilə izah edib. Şikayətçi azyaşlı qızına qarşı seksual hərəkətlər etməkdə günahlandırılan şəxslərin adlarını da açıqlayıb. Lakin biz etik məsələlərə görə onların adlarını burada qeyd etmirik.

Hazırda işin materialları Nəsimi RPİ-nin istintaq şöbəsinə göndərilib və baş verən hadisə ilə əlaqədar AR Cinayət Məcəlləsinin 152-ci maddəsi (On altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) ilə cinayət işi açılıb.

İstintaq orqanları hazırda hadisənin hansı şəraitdə baş verdiyini araşdırır. Məsələ ilə bağlı müvafiq məhkəmə-tbbi ekspertiza da təyin ediləcək.

Bu məlumatla əlaqədar olaraq Sputnik Azərbaycan Bakı kilsələrindən birinin baş keşişi protoierey Mefodiyə müraciət edib. Mefodi ata bildirib ki, kilsə divarları arasında azyaşlı ziyarətçiyə qarşı belə bir cinayətin baş verdiyi barədə ilk dəfədir eşidir. Lakin o, ittiham olunan şəxslərin kilsənin əməkdaşları olduqlarını təsdiqləyib.

Biz bu cinayətdə təqsirləndirilən kilsə xadimlərinin özləri ilə danışmaq istəyimizi ifadə etsək də, Mefodi ata bildirib ki, onlar vəziyyəti şərh etməyəcəklər.

Azərbaycan Uşaqlar Birliyinin sədri, hüquq müdafiəçisi Kəmalə Ağazadə də öz növbəsində Sputnik Azərbaycan-a bildirib ki, zərərçəkmiş qız bir müddət ictimaiyyətin diqqətindən kənarda qalmalıdır: "Əks təqdirdə ona qarşı mümkün təzyiqlər istisna deyil".

675
Teqlər:
uşaq, qadın, polis, Nəsimi rayon Polis İdarəsi, kilsə, Sputnik Azərbaycan, azyaşlı, Rus Pravoslav Kilsəsi, Bakı yeparxiyası, Nəsimi RPİ
Əlaqədar
Qroznıda fövqəladə hadisə: Kilsəyə hücum edənlər məhv edildilər
Kilsədə 60 minlik toxunuş: Sənət əsəri yerə düşüb parçalandı
Terrorçular kilsəyə hücum etdilər, ölənlər var
Mehriban Əliyeva Rus Pravoslav Kilsəsinin yüksək mükafatına layiq görüldü
ABŞ-da kilsədə dəhşət yaşandı, 30-a yaxın ölən var
Kilsənin həyətində məscid tikiləcək
Çaykənd kəndində duman, arxiv şəkli

Dağlarda duman, yağış - Sabahın havası

5
(Yenilənib 14:28 20.09.2021)
Havanın temperaturu gecə 16-21, gündüz isə 28-33, dağlarda gecə 9-14, gündüz isə 17-22 dərəcə olacaq.

BAKI, 20 sentyabr — Sputnik. Sentyabrın 21-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Xidmətindən Sputnik Azərbaycan-a verilən məlumata görə, mülayim şimal-qərb küləyi əsəcək.

Havanın temperaturu gecə 20-22, gündüz 26-29, Bakıda gecə 20-22, gündüz 26-28 dərəcə olacaq.

Atmosfer təzyiqi 761 mm civə sütunundan 758 mm civə sütununa enəcək. Nisbi rütubət 60-70%, gündüz 40-45% olacaq.

Azərbaycanın rayonlarında isə havanın əsasən yağmursuz keçəcəyi gözlənilir. Lakin axşam saatlarında bəzi dağlıq ərazilərdə şimşək çaxacağı, arabir qısamüddətli yağış yağacağı gözlənilir. Səhər dağlarda duman olacaq. Qərb küləyi əsəcək.

Havanın temperaturu gecə 16-21, gündüz 28-33, dağlarda gecə 9-14, gündüz 17-22 dərəcə olacaq.

Həmçinin oxuyun:

Qarşıdakı həftənin ilk gününün hava proqnozu

Hava kütlələri idarə olunur - azərbaycanlı ekoloq

5

Türkiyədə azərbaycanlı qadın qətlə yetirildi

12
Axtarışlar zamanı məlum olub ki, qətli törədən Duran Yaşar Kayseriyə gedib və orada özünü qatarın altına ataraq intihar edib.

BAKI, 19 sentyabr — Sputnik. Türkiyədə azərbaycanlı qadın qətlə yetirilib. Sputnik Azərbaycan Türkiyə mediasına istinadən xəbər verir ki, hadisə Nevşehirdə baş verib. Belə ki, azərbaycanlı qadın Tərhanə Yaman evinə getdiyi tanışı tərəfindən öldürülüb. İki uşaq anası olan 53 yaşlı T.Yaman Avanos bölgəsində yaşayan Duran Aşar adlı tanışının evinə gedib. Tərəflər arasında bilinməyən səbəbdən baş vermiş mübahisə qanla bitib.

Ev sahibi Duran Aşar ov tüfəngi ilə qadına atəş açıb və öldürüb. O, daha sonra evi tərk edib.

Yamandan xəbər ala bilməyən yaxınları Duran Aşarın evinə yollanıb və qapısı açıq evdə Tərhanənin meyiti ilə qarşılaşıblar. Hadisə yerinə polis çağırılıb.

Axtarışlar zamanı məlum olub ki, qətli törədən Duran Yaşar Kayseriyə gedib və orada özünü qatarın altına ataraq intihar edib. Hadisə ilə bağlı araşdırmalar davam etdirilir.

12
Teqlər:
qətl, Türkiyə, qadın
Azəri-Çıraq-Günəşli (AÇG), arxiv şəkli

Azərbaycan bu yataqdan dörd milyard barel neft hasil edib

0
(Yenilənib 15:22 20.09.2021)
Neft, Bakı-Tbilisi-Ceyhan boru kəməri və Qərb İxrac Boru Kəməri vasitəsilə Azərbaycan, Gürcüstan və Türkiyə ərazilərindən keçməklə Səngəçal terminalından birbaşa dünya bazarlarına nəql edilib.

BAKI, 20 sentyabr — Sputnik. Azəri-Çıraq-Günəşli (AÇG) neft yatağının operatoru kimi BP AÇG layihəsindəki tərəfdaşları – "SOCAR", "MOL", "İNPEX", "Equinor", "ExxonMobil", "TPAO", "ITOCHU", "ONGC Videsh Limited (OVL)" – adından qürurla bəyan edir ki, 18 sentyabr 2021-ci il tarixində yataqdan 4 milyardıncı barel neft hasil edilib.

Sputnik Azərbaycan xəbər verir ki, bu barədə BP şirkətinin açıqlamasında bildirilir.

Məlumatda həmçinin deyilir ki, ümumilikdə hasil edilmiş 4 milyard barel neft Bakı-Tbilisi-Ceyhan (BTC) boru kəməri və Qərb İxrac Boru Kəməri (QİBK) vasitəsilə Azərbaycan, Gürcüstan və Türkiyə ərazilərindən keçməklə Səngəçal terminalından birbaşa dünya bazarlarına nəql edilib. Bu vaxtadək BTC boru kəməri vasitəsilə təxminən 3,7 milyard barel neft nəql edilib ki, bu da əsasən 4847 tankerə yüklənmiş AÇG neftindən ibarət olub.

BP-nin Azərbaycan, Gürcüstan və Türkiyə üzrə regional prezidenti Qəri Counz bildirib ki, bu nailiyyət AÇG-nin dünya səviyyəli yataq olduğunu bir daha nümayiş etdirir. Operator olaraq biz bu yatağın qarşıdan gələn onilliklər ərzində də davam edəcək möhtəşəm uğur hekayəsi ilə qürur duyuruq. AÇG yatağından hasilat 7 noyabr 1997-ci il tarixində Çıraq platformasından başlayıb. Həmin vaxtdan bəri Çıraq böyük bir tarix yazıb. İndi də 24 il sonra yeddi müasir və yüksək texnologiyalı platforma ilə birlikdə tarixi Çıraq AÇG-dən hasilatın təhlükəsiz, səmərəli və etibarlı şəkildə davam etməsində böyük rol oynamaqdadır.

O bildirib ki, bu gün Azərbaycan "Əsrin müqaviləsi"nin imzalanmasının 27-ci ildönümünü qeyd edir. Bu, ölkənin yeni tarixində "Neftçilər Günü" kimi qeyd olunan əlamətdar bir gündür. 4 milyardıncı barel neftin hasil olunması isə AÇG-nin bu günə möhtəşəm hədiyyəsidir. Hasilatda bu cür böyük nailiyyət əldə etməklə, ölkə və öz səhmdarları üçün nəhəng gəlirlər gətirməklə, yerli icmalarda çoxsaylı davamlı inkişaf imkanları yaratmaqla AÇG həmçinin Xəzər regionunu aparıcı enerji hasilatı sahələrindən və dünyanın texnoloji cəhətdən ən qabaqcıl neft-qaz işlənmə regionlarından birinə çevirib. Operator kimi biz hökumət, SOCAR və digər tərəfdaşlarla sıx işləmək öhdəliyimizə sadiqiq və növbəti otuz ildə də AÇG-nin ölkəyə möhtəşəm töhfələr verməsini təmin etməyə davam edəcəyik.

AÇG haqqında əsas faktlar

İlkin olaraq AÇG üzrə Hasilatın Pay Bölgüsü Sazişi (HPBS) 20 sentyabr 1994-cü il tarixində imzalanıb. Həmin vaxtdan bəri AÇG yatağının işlənməsinə təxminən 40 milyard ABŞ dolları həcmində sərmayə qoyulub.

2017-ci ildə AÇG üzrə HPBS-in müddəti 2049-cu ilin sonunadək uzadılıb.

AÇG yatağı həmçinin Azərbaycan hökuməti üçün ümumilikdə təxminən 50 milyard kubmetr səmt qazı təmin edib.

AÇG-də hazırda səkkiz dəniz platforması mövcuddur. Bunlardan altısı hasilat platforması və ikisi isə emal, qaz kompressiya, suvurma və texnoloji təchizat platformasıdır. AÇG yatağının növbəti işlənmə layihəsi olan Azəri Mərkəzi Şərqi (ACE) hazırda icra mərhələsindədir və burada ilk neftin 2023-cü ildə hasil olunacağı gözlənilir.

Hasil edilmiş neft və qaz həcmləri platformalardan dünyanın ən böyük neft və qaz terminallarından biri olan Səngəçal terminalına (Bakı yaxınlığında, quruda yerləşir) nəql edilir.

0