Qəza

Ağır yol qəzası baş verdi, səhiyyə işçiləri xəsarət aldı

365
(Yenilənib 00:27 18.06.2018)
Faktla bağlı hüquq-mühafizə orqanlarının əməkdaşları tərəfindən araşdırma aparılır

BAKI, 18 iyun — Sputnik. Goranboyda iki nəfərin xəsarət alması ilə nəticələnən yol-nəqliyyat qəzası baş verib. APA-nın verdiyi məlumata görə, hadisə rayonun Qızılhacılı kəndinə gedən yolda baş verib. Rayon xəstəxanasının stomatoloq həkimi, 1985-ci il təvəllüdlü Musayev Orxan Əli oğlu idarə etdiyi “Lada Priora” markalı avtomobillə hərəkətdə olarkən başqa bir “VAZ” markalı avtomobil onun maşınına çırpılıb.

Qəza zamanı “Lada Priora” yolun kənarında olan işıq dirəyinə çırpılıb. Nəticədə sürücü O. Musayev və Naftalan təcili tibbi yardım stansiyasının işçisi 1984-cü il təvəllüdlü Balacayev Həsən xəsarət alaraq xəstəxanaya yerləşdiriliblər. Onlara tibbi yardım göstərilib. Vəziyyətlərinin normal olduğu bildirilir.

Faktla bağlı hüquq-mühafizə orqanlarının əməkdaşları tərəfindən araşdırma aparılır.

365
Teqlər:
VAZ, Lada Priora, Avtomobil qəzası, Naftalan təcili tibbi yardım stansiyası, Balacayev Həsən, Musayev Orxan, Qızılhacılı kəndi, Goranboy, Naftalan
Əlaqədar
İmişlidə ağır qəza baş verib, ölən var
Bayram günü ağır qəza: Maşınla heyvan sürüsünə girdi, 3 nəfər öldü
Bakıda sərxoş sürücü yolda yatdı, qəza baş verdi – VİDEO
Gədəbəydə ağır qəza olub, 2 nəfər ölüb
Qəza törədib qaçmaq istədilər, amma alınmadı
Qandal, arxiv şəkli

Bərdədə kriminal qarşıdurma: vəzifəli şəxslər rayona ezam olundular

169
(Yenilənib 18:56 12.08.2020)
Bir nəfərin öldüyü, üç nəfərin yaralandığı davaya görə təxminən 27 nəfər saxlanılaraq istintaqa cəlb olunub

Musa Muradlı, Sputnik Azərbaycan

BAKI, 12 avqust — Sputnik. Bərdədə kütləvi dava olub. Hadisə ötən gecə saat iki radələrində rayonun Şorəlli kəndində qeydə alınıb. Kənd sakinləri avtomat atəşlərinin səsini eşidiblər. Sputnik Azərbaycan-ın əldə etdiyi məlumata görə, hadisə kriminal qruplaşmaların qarşıdurması zəminində yaranmış mübahisə nəticəsində baş verib. Qarşıdurmada iştirak edənlər arasında Şəmkir və Yevlax rayonlarının sakinlərinin də olduğu bildirilir. 

Bərdə Rayon Mərkəzi Xəstəxanasından əldə etdiyimiz məlumata görə, 1984-cü il təvəllüdlü Bağırov Rauf Qalib oğlu, 1991-ci il təvəllüdlü Əzizov Nicat Allahverdi oğlu və 1994-cü il təvəllüdlü Abbasov Adıgözəl Cənnətəli oğlu yaralanıblar. Onların vəziyyətləri ağır qiymətləndirilir.

Dava zamanı Göyüşlü kənd sakini, 1990-cı il təvəllüdlü Camalov Mənsur Kamil oğlu vəfat edib.

Hadisə ilə bağlı Bərdə rayon Prokurorluğunda cinayət işi açılıb. Son məlumata görə, hadisənin 27-yə qədər iştirakçısı saxlanılaraq istintaqa cəlb olunub.

Baş Prokurorluğun mətbuat xidmətindən Sputnik Azərbaycan-a verilən məlumata görə, təcrübəli prokurorluq və polis əməkdaşlarından ibarət istintaq qrupu yaradılıb, eləcə də Baş Prokurorluğun və Daxili İşlər Nazirliyinin vəzifəli şəxsləri rayona ezam olunublar. Törədilmiş cinayət hadisəsinin xarakter və mürəkkəbliyi nəzərə alınmaqla Baş prokuror tərəfindən cinayət işi üzrə istintaqın aparılması Baş Prokurorluğun İstintaq idarəsinə tapşırılıb və hazırda təqsirli şəxslərin dairəsinin tam müəyyənləşdirilərək istintaqa cəlb edilməsi istiqamətində zəruri və intensiv istintaq hərəkətləri və əməliyyat-axtarış tədbirləri davam etdirilir.

169
Əlaqədar
Abşerondakı kütləvi davada ölü və yaralı sayı artıb
Kirayəşin digər kirayəşini bıçaqlayıb öldürdü
Şabran polisi əməliyyat keçirdi: üç rayon sakini saxlanıldı
Bakıda polisi bıçaqladılar
Aktyor Mixail Yefremov, arxiv şəkli

Məşhur aktyorun səhhəti məhkəmə zalında pisləşdi

8
(Yenilənib 18:30 12.08.2020)
Avqustun 11-də məhkəmədə ölümcül qəzada ittiham olunan aktyor dindirilməli idi. Bundan əlavə, dörd zərərçəkən sənətkara qarşı mülki iddia qaldırmalı idi.

BAKI, 12 avqust — Sputnik. Rusiyalı aktyor Mixail Yefremov Moskvanın Presnya rayon məhkəməsinin binasından xəstəxanaya aparılıb. Aktyorun vəkili Elman Paşayev Yefremovun huşsuz vəziyyətdə xəstəxanaya yerləşdirildiyini bildirib.

Sputnik Azərbaycan Rusiya mətbuatına istinadən bildirir ki, vəkilinin dediyinə görə, o, insult keçirib. Həkimlər faktı təsdiqləyiblər.

Avqustun 10-da Elman Paşayev müvəkkilinin səhhətinin pisləşdiyi barədə xəbər vermişdi.

Avqustun 11-də məhkəmədə ölümcül qəzada ittiham olunan aktyor dindirilməli idi. Bundan əlavə, dörd zərərçəkən sənətkara qarşı mülki iddia qaldırmalı idi.

Mixail Yefremov xəstəxanaya yerləşdirildiyi üçün onun işi üzrə məhkəmənin vaxtı yenə dəyişib.

Xatırladaq ki, Mixail Yefremov iyun ayında yol hərəkəti qaydalarını pozaraq, sərxoş vəziyyətdə avtomobilin idarə olunması və qəsdən adam öldürülməsi ittihamı ilə saxlanılıb və ev dustağı edilib. Aktyoru 5 ildən 12 ilə qədər həbs cəzası gözlədiyi bildirilirdi. Sonradan onun qanında alkoqol və narkotik izləri tapıldığından cəzanın 12 il olacağının qaçılmazlığı vurğulanır.

Qeyd edək ki, Rusiya kino və teatr tarixinə adını qızıl hərflərlə yazmış aktyor və rejissor "Kişi ziqzaqı", "Kraliça Marqo", "Hipnoz", "Fransız", "Bayram", "Coker", "Birinci ev", "Cərrah Mişkinin günləri" və s. filmlərində rol alıb.

8
Cavid Zeynallı, arxiv şəkli

Coğrafiya müəlliminin pencəyinin sorağı Türkiyədən gəldi

0
(Yenilənib 20:24 12.08.2020)
Tanınmış şair-tərcüməçi Yurtsevən Şənin türkcəyə çevirdiyi əsər Türkiyənin "Zengin Yayıncılık" nəşriyyatı tərəfindən 5000 tirajla nəşr olunub.

BAKI, 12 avqust — Sputnik. Azərbaycan Respublikası Mədəniyyət Nazirliyinin təşəbbüsü ilə 2016-cı ildən həyata keçirilən "Azərbaycan Kitabının Dünyaya Tanıdılması" (AKDT) layihəsi çərçivəsində "Azərbaycan Ədəbiyyatı Gənclik Seriyası" üzrə istedadlı gənc şair və yazıçılarımızın Türkiyədə tanıdılması işi davam etdirilir.

Sputnik Azərbaycan-ın məlumatına görə, layihə üzrə yazar Cavid Zeynallının "Coğrafiya müəlliminin pencəyi" adlı kitabı Türkiyə türkcəsində işıq üzü görüb.

Tanınmış şair-tərcüməçi Yurtsevən Şənin türkcəyə çevirdiyi əsər Türkiyənin "Zengin Yayıncılık" nəşriyyatı tərəfindən 5000 tirajla nəşr olunub.

Qeyd edək ki, Mədəniyyət Nazirliyinin təşəbbüsü ilə 2016-cı ildən etibarən həyata keçirilən "Azərbaycan kitabının dünyaya tanıdılması" layihəsi çərçivəsində Türkiyədə fəaliyyət göstərən "Zengin Yayıncılık" nəşriyyatı ilə əldə olunan razılığa əsasən, bu günə qədər klassik və müasir dövr azərbaycanlı müəlliflərin kitabları tərcümə və çap edilərək türkiyəli oxucuların ixtiyarına verilib.

0
Əlaqədar
Tanınmış yazıçıdan mütaliə həvəskarlarına əvəzolunmaz hədiyyə
Bədii tərcümə problemi: Günahkar kimdir?
Xalq yazıçısı: “Koronavirus insanların kitaba qayıtmasına səbəb olacaq”
Bölünə bilinməyən Xəzər - problem necə həll olunmalıdır?
Qutsal mətnin alternativ təfsiri