Müğənni Elton Hüseynəliyev idarə etdiyi 90 DD 044 dövlət nömrə nişanlı, İnfiniti markalı avtomobillə qəza törədib

Bakıda məşhur müğənni polisə DYP avtomobilinə xəsarət yetirdi

1102
(Yenilənib 11:49 07.06.2018)
Onlar əraziyə çağırılan təcili tibbi yardım avtomobili vasitəsilə xəstəxanaya aparılıb

BAKI, 7 iyun — Sputnik. Bu gün saat 10.00 radələrində Salyan yolunda, Şıx çimərliyinin qarşısında ağır yol-nəqliyyat hadisəsi baş verib. Sputnik Azərbaycan Avtosfer-ə istinadən xəbər verir ki, tanınmış müğənni Elton Hüseynəliyev idarə etdiyi 90 DD 044 dövlət nömrə nişanlı, "İnfiniti" markalı avtomobillə Səbail rayon yol-patrul xidmətinin "99 YP 253" dövlət nömrə nişanlı xidməti maşınına çırpılıb.

Qeyd edək ki, həmin ərazidə beynəlxalq velosiped yarışı keçirilir. Yarışlarda təhlükəsizliyi təmin etmək üçün Səbail Rayon Polis İdarəsi Dövlət Yol Polisi şöbəsinin əməkdaşları bir neçə gündür həmin ərazidə gücləndirmiş iş rejimində işləyir. Hadisə də yarış başlayan ərəfədə olub.

Müğənni Elton Hüseynəliyev idarə etdiyi 90 DD 044 dövlət nömrə nişanlı, İnfiniti markalı avtomobillə qəza törədib
© Photo : Avtosfer saytı tərəfindən təqdim olunub
Müğənni Elton Hüseynəliyev idarə etdiyi 90 DD 044 dövlət nömrə nişanlı, "İnfiniti" markalı avtomobillə qəza törədib

Belə ki, yol kənarında dayanan YPX avtomobilinə yüksək sürətlə hərəkət edən Eltonun avtomobili çırpılıb. Şahidlərin sözlərinə görə, müğənni ərazidə sürətin azaldılması barədə nişanlara əhəmiyyət verməyərək yüksək sürətlə hərəkət edib.

Avtomobillərə ciddi ziyan dəyib. Həm müğənni, həm də YPX əməkdaşı xəsarət alıb. Onlar əraziyə çağırılan təcili tibbi yardım avtomobili vasitəsilə xəstəxanaya aparılıb.

1102
Teqlər:
yol-patrul xidməti, "İnfiniti" markalı avtomobil, müğənni Elton Hüseynəliyev, Salyan yolu, sürət, Şıx çimərliyi, yol-nəqliyyat hadisəsi, avtomobil
Əlaqədar
Bunu da etdilər: Qəzada ölən süpürgəçini sonradan işdən çıxarıblar
Gədəbəydə ağır qəza olub, 2 nəfər ölüb
Baş nazirin mitinqindən qayıdanlar qəzaya uğradılar
Qəza törədib qaçmaq istədilər, amma alınmadı
Bir gündə yol qəzalarında 20-dən artıq insan xəsarət aldı
Xırdalanda yanğın, arxıv şəkli

Xırdalan yenə qara tüstüyə büründü - VİDEO

1
(Yenilənib 14:49 08.08.2020)
İlkin məlumata görə, təkər tullantıları yığılan geniş ərazidə yanğın baş verib. Görülən operativ tədbirlər nəticəsində yanğının qarşısı alınıb

BAKI, 8 avqust — Sputnik. Fövqəladə Hallar Nazirliyinin (FHN) “112” qaynar telefon xəttinə Abşeron rayonunun Xırdalan şəhərində (Bakı-Sumqayıt avtomobil yolunun kənarında) yanğın olması barədə məlumat daxil olub.

Sputnik Azərbaycan-ın məlumatına görə, FHN-in Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb edilib.

İlkin məlumata görə, təkər tullantıları yığılan geniş ərazidə yanğın baş verib. Görülən operativ tədbirlər nəticəsində yanğının qarşısı alınıb. Yanğın qısa müddət ərzində söndürülüb.

1
Hamilə qadın, arxiv şəkli

Sumqayıtda qan donduran hadisə - hamilə arvadını dənizdə boğdu

25
(Yenilənib 14:05 08.08.2020)
Anar Əhmədov şübhəli şəxs qismində tutularaq istintaqa cəlb edilib. Hazırda iş üzrə zəruri istintaq tədbirləri həyata keçirilir

BAKI, 8 avqust — Sputnik. Avqustun 7-də gecə saat 23 radələrində Sumqayıt şəhər sakini, 1987-ci il təvəllüdlü Şəhanə Əhmədovanın dənizdə boğularaq ölməsi ilə bağlı məlumat daxil olub.

Sputnik Azərbaycan bildirir ki, Sumqayıt şəhər prokurorluğundan verilən məlumata görə, dərhal prokurorluq əməkdaşları tərəfindən hadisə yerinə baxış keçirilib, digər prosessual hərəkətlər yerinə yetirilib.

Araşdırmalarla 1986-cı il təvəllüdlü Anar Əhmədovun Sumqayıt şəhəri, Sahil küçəsində yerləşən istirahət mərkəzindən dənizə birlikdə daxil olduğu hamilə arvadı Şəhanə Əhmədovanı aralarında yaranmış mübahisə nəticəsində boğaraq qəsdən öldürməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 120.2.8-ci (təqsirkar şəxs üçün aşkar surətdə hamilə vəziyyətində olan qadını öldürmə) maddəsi ilə cinayət işi başlanıb, müvafiq ekspertizalar təyin edilib.

Anar Əhmədov şübhəli şəxs qismində tutularaq istintaqa cəlb edilib. Hazırda iş üzrə zəruri istintaq tədbirləri həyata keçirilir.

25
Əlaqədar
Goranboyda qadını qətlə yetirən şəxs saxlanıldı
Qazax səhəri atəş səsi ilə açdı – Bu dəfə ər arvadını güllələyib
Yolda meyiti tapılan qadını öldürüblər – Qatil Bakıda saxlanıldı
Bakıda ev sahibini öldürən kirayənişin tutuldu
Abşerondakı kütləvi davada ölü və yaralı sayı artıb