Çörək

Əhaliyə çörək şoku yaşadırlar Bu da oldu

15741
(Yenilənib 12:48 05.06.2018)
Quba rayon sakini Aytən Süleymanova çörəyi kəsmək istəyən zaman içindən siçan nəcisi çıxıb

Leyla Abdullayeva-Sputnik Azərbaycan

BAKI, 5 iyun — Sputnik. Bir neçə gün öncə Qubada çörəyin içindən siçan nəcisi çıxıb. Bu barədə Quba rayon sakini Aytən Süleymanova Sputnik Azərbaycan-ın bölgə müxbirinə bildirib.

A.Süleymanovanın sözlərinə görə, rayon mərkəzində yerləşən marketlərin birindən zavod çörəyi alıb və çörəyi kəsmək istəyən zaman içindən siçan nəcisi çıxıb. Bundan sonra o, çörəyin hansı zavoddan gətirildiyini öyrənmək istəsə də, ona cavab verən olmayıb.

Qubada çörəyin içindən siçan nəcisi çıxıb
© Sputnik / Leyla Abdullayeva
Qubada çörəyin içindən siçan nəcisi çıxıb

Şikayətçi xanım belə hallarla artıq bir neçə dəfədir qarşılaşdıqlarını deyib: "Artıq neçə gündür çörəkdən iyrənmişəm, görəndə belə, halım dəyişir. 2 ay əvvəl qonşumuzda qalan yerli turistlər də belə bir halla qarşılaşmışdılar. Onların çörəyindən paslanmış dəmir parçası çıxmışdı. Mən öz adıma bunu görəndə çox utanmışdım".

Aytən xanım ümid edir ki, məsələ mediada işıqlandırılsa, rayonda yerləşən çörək zavodu sahibləri "dərs götürərlər": "Çörək bərəkətdir. İnsanları düşünməsələr belə, ən azı bərəkətə qarşı sayğılı olsunlar".

Çörək şoku
©Karikatura
Çörək şoku

Qida Təhlükəsizliyi Agentliyinin (QTA) mətbuat xidmətinin rəhbəri Mansur Piriyev məsələ barədə Sputnik Azərbaycan-a açıqlamasında bildirib ki, QTA hələlik bu cür şikayətlərlə bağlı hadisələrə müdaxilə etmək səlahiyyətində deyil: "Azərbaycan Respublikasının Qida Təhlükəsizliyi Agentliyinin əsasnaməsinə əsasən, biz şikayətlər əsasında obyektlərin yoxlanışını və onlar barəsində fikirlərimizi iyul ayının 1-dən həyata keçirə biləcəyik. Hələ ki, əsasnaməyə uyğun olaraq biz maarifləndirmə işləri aparırıq və tövsiyyələrimizi bildirə bilirik".

Azad İstehlakçılar Birliyinin (AİB) sədri Eyyub Hüseynov
© Sputnik / Murad Orujov
Azad İstehlakçılar Birliyinin (AİB) sədri Eyyub Hüseynov

Azad İstehlakçılar Birliyinin (AİB) sədri Eyyub Hüseynov isə Sputnik Azərbaycan-a deyib ki, çörək bişirmə biznesi hazırda bazarın ən liberallaşmış sahəsidir: "Bu gün kim harada və necə istəsə, çörək bişirib sata bilər. Heç kim onlara mane olmur. Məhz buna görə də bu sahə çox rahat biznesə çevrilib".

"Lakin dövlətin yaratdığı şəraitdən bəzi sahibkarlar sui-istifadə edirlər. Ekoloji təmiz və standarta uyğun çörək bişirən müəssisələr saxta antisanitar şəraitdə çörək bişirənlərin kölgəsində qalıblar. Bu da anormal haldır", — E.Hüseynov bildirib.

Onun sözlərinə görə, çox sayda şirkətlər var ki, onlar antisanitar şəraitdə çörək bişirib satır: "Hətta bizdə çörəyin içindən müxtəlif əşyalar çıxmasını sübut edən nümunələr də var. Bunlara içindən sap, "bolt", siçan quyruğu çıxanları misal göstərə bilərəm".

"Əgər malın istehsalı zamanı onun tərkibinə kənar nəsə düşürsə, o zaman həmin sexdə sanitar istehsaldan danışmaq olmaz. Belə sexlər bağlanmalıdır, ya da müasir texnologiyalar ilə işləməlidir", — AİB sədri vurğulayıb.

O əlavə edib ki, istehlakçılar belə halla üzləşərsə, ya AİB-ə, ya da həmin sexə müraciət edərək problemin həllində qismən kömək edə bilərlər: "Biz də bu zaman adiyyatı dövlət orqanlarına müraciət edərək məsələnin həlli yolunda işlər görürük".

15741
Teqlər:
siçan nəcisi, QTA, AİB, Qida Təhlükəsizliyi Agentliyi, Sputnik Azərbaycan, Eyyub Hüseynov, Quba, Azad İstehlakçılar Birliyi, çörək
Əlaqədar
Marketdən çörək aldı, içindən əlcək çıxdı
Bakı və Sumqayıt arasında “çörək müharibəsi”: İki şəhəri üz-üzə qoydular
Çörək arxasınca qərib ölkəyə üz tutan həmvətənlərimizdən "qara xəbər"
"Mən çörək qazanıram" ifadəsi məsuliyyətdən azad edir?
Avtobusdan düşən gənci çörək maşını vurdu
Bu da gələcəyin "çörək ağacı"
Çörək bişirmə sexində təhlükəli anlar
İlan-qurbağa gölündə çörək axtaranlar
Çörəkçilər Bakıda 500-dən çox çörək növünü nümayiş etdiriblər
Qarabağlılar güllə yağışı altında çörək becərmək istəmirlər
Yaşadığı ünvanı tərk edən koronavirus xəstəsi

Samuxda qadını evinə zorla qaytardılar

7
(Yenilənib 11:11 05.12.2020)
Polis əməkdaşları dərhal onun rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadığı ünvana göndəriblər.

BAKI, 5 dekabr — Sputnik. Samuxda yaşayış yerini tərk edən koronavirus xəstəsi məsuliyyətə cəlb edilib. Sputnik Azərbaycan Daxili İşlər Nazirliyinin Mətbuat Xidmətinin Gəncə şəhərindəki regional qrupundan verilən məlumata istinadla xəbər verir ki, Samux rayon Polis Şöbəsinin (RPŞ) əməkdaşları tərəfindən keçirilən müvafiq tədbirlər nəticəsində koronavirus testinin nəticəsi pozitiv çıxan, rayonun Nəbiağalı kənd sakini, Aynur Xəlilovanın ev şəraitində müalicə almasına baxmayaraq, karantin qaydalarını kobud şəkildə pozaraq, yaşadığı ünvanı tərk etməsi müəyyən edilib. Polis əməkdaşları dərhal onun rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadığı ünvana göndəriblər.

Faktla bağlı araşdırmalar davam etdirilir.

7
Teqlər:
karantin, polis, Samux, qayda pozuntusu, xəstə, Koronavirus
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

Göyçaylı xəstəni polis küçədə tutdu

10
Məmmədov evdə özünü təcrid etməli olduğu halda karantin qaydalarını pozaraq ictimaiyyət arasına çıxıb. Polis əməkdaşları tərəfindən onun olduğu yer müəyyən olunub və yaşadığı ünvana göndərilib

 

BAKI, 5 dekabr — Sputnik. Göyçay şəhər sakini Xasi Məmmədov COVID-19 virusunun daşıyıcısı olduğu üçün ev şəraitində müalicəyə cəlb olunub.

Sputnik Azərbaycan DİN-in Mətbuat Xidmətinin Şəki regional qrupundan verilən məlumata istinadla xəbər verir ki, ancaq o, evdə özünü təcrid etməli olduğu halda karantin qaydalarını pozaraq ictimaiyyət arasına çıxıb. Polis əməkdaşları tərəfindən onun olduğu yer müəyyən olunub və yaşadığı ünvana göndərilib.

X.Məmmədov barəsində Göyçay RPŞ-nin İstintaq bölməsində araşdırma aparılır.

10
Teqlər:
polis, karantin, qayda pozuntusu, xəstə, Koronavirus, Göyçay
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Məktəblərin birində, arxiv şəkli

Professor məktəblərdə dərslərlə bağlı təklif irəli sürüb: "Özüm hazırlayıb keçərəm"

0
(Yenilənib 13:08 05.12.2020)
"Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar" - Nəsiman Yaqublu

BAKI, 5 dekabr — Sputnik. Məktəblərdə "Zəfər-Vətən" dərslərinin keçirilməsi ilə bağlı təklif irəli sürülüb. Bakı Dövlət Universitetindən Sputnik Azərbaycan-a verilən məlumata görə, bu təkliflə universitetin professoru Nəsiman Yaqublu çıxış edib. O bildirib ki, "Zəfər-Vətən" dərsləri zamanı bütün müəllimlər tarixi qələbəmizdən, o cümlədən bu zəfərin əhəmiyyətindən, azad edilmiş ərazilərimizdən, şəhid və qazilərimizin fədakarlığındann birlik və həmrəyliyimizdən danışsınlar:

"Sərəncama uyğun olaraq hər il noyabrın 8-də ali və orta məktəblərdə xüsusi mövzunun - "Zəfər-Vətən" dərslərinin keçirilməsi müsbət addım olar. Biz bu günləri unuda bilmərik. Düşünürəm ki, müxtəlif görüntülər, slaydlar vasitəsilə zəfər tariximizlə bağlı dərslərin keçirilməsi məqsədəuyğun olar. Şəxsən mən həmin materialları hazırlamağa və dərsi tədris etməyə hazıram".

"Biz gənclərimizi şəhidlərimizin, qazilərimizin ruhunda tərbiyə etməliyik. Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar".

0
Teqlər:
Zəfər Günü, Vətən, BDU, professor, dərs, məktəb