Yasamal qəbiristanlığı

Bakının keçmiş rəhbərinin qızı ilə bağlı ağlasığmaz faktın üstü açıldı

8442
(Yenilənib 10:34 05.06.2018)
Onların valideyni həmin qəbiristanlıqda dəfn edilib və ziyarət adı ilə gedərək bu biabırçı əməli törədirmişlər

Ramella İbrahimxəlilova, Sputnik Azərbaycan

BAKI, 4 iyun — Sputnik. Əlvan metal toplayıcıları şəhər əhalisinin müqəddəs hissləri ilə oynamaqda davam edirlər. Polis Azərbaycanın tanınmış dövlət xadimi, keçmiş Bakı İcraiyyə Komitəsinin sədri və Bakıdakı bir çox mühüm tikinti obyektlərinin inşasında böyük əməyi olmuş Əliş Ləmbəranskinin qızının büstünü oğurlayan şəxsləri saxlayıb.

Əliş Ləmbəranski— Azərbaycanın tanınmış dövlət xadimi
© Photo : Public Domain
Əliş Ləmbəranski— Azərbaycanın tanınmış dövlət xadimi

Yasamal Rayon Polis İdarəsindən Sputnik Azərbaycan-a verilən məlumata görə, 28-ci bölmənin əməkdaşları qəbiristanlıqlardan silsilə oğurluq edən şəxsləri saxlayıblar. Saxlanılan Sahib və Mikayıl Əsədullayev qardaşları 30-a yaxın bürünc barelyefi oğurladıqlarını etiraf ediblər.

Araşdırma zamanı məlum olub ki, Əsədullayev qardaşları, eyni zamanda 1939-cu il təvəllüdlü Elmira Əlişovna Ləmbəranskayanın və 1976-cı il təvəllüdlü Allahverdiyev Namiq Mürvət oğlunun da qəbirüstü büstlərini oğurlayıblar. Onların hər ikisi Şərifzadə küçəsində yerləşən Yasamal qəbiristanlığında dəfn ediliblər.

Qeyd edək ki, Elmira Lənbəranskaya Azərbaycanın tanınmış dövlət xadimi, keçmiş Bakı İcraiyyə Komitəsinin sədri Əliş Cəmiloviç Ləmbəranskinin qızıdır. Azərbaycan SSR Nazirlər Soveti sədrinin tikinti məsələləri üzrə müavini, Ali Sovetin deputatı, Mərkəzi Komitənin üzvü olan Əliş Ləmbəranski Bakı şəhərinin əsas simvollarından olan binaların əksəriyyətinin tikilməsinə rəhbərlik edib.

Onlardan "Bağırov körpüsü", "Dövlət sirki", "Respublika sarayı", "Qaqarin körpüsü" (Cavanşir), Məişət Kondisionerləri zavodu, Opera və Balet Teatrının bərpası, Yeni Bakı Neftayırma zavodu, Musiqili Komediya Teatrı, "Yaşıl teatr", Gülüstan sarayı və başqalarını saymaq olar.

O, xaricdə gördüyü hər bir gözəl tikilini Azərbaycanda da təkrarlamaq istəyən, sənətinə vurğun böyük və bacarıqlı bir mühəndis olub. Deyilənlərə görə, xarici səfərlərin birində bir binanın tikintisindən xoşu gələn Ləmbəranski həmin binanın planını kibrit qutusunun üzərində çəkib. Bakıya qayıdanda isə həmin binanın oxşarını burada tikməyə nail olub. İndi isə onun "sənət əsəri" sayılan Bakıda qızının qəbirüstü abidəsini adi oğrular soyublar.

İstintaq Əsədullayevlərin yalnız bürünc oğurluğu ilə məşğul olduqlarını müəyyən edib. 7-15 min manat arası qiyməti olan barelyefləri qardaşlar kiçik hissələrə ayırıb əlvan metal qəbuletmə məntəqələrinə aparırlarmış ki, alıcıları onların haradan əldə edildiyini və kimə məxsus olduğunu başa düşməsinlər. Əsədullayevlər həmin bürüncü qəpik-quruşa satırlarmış.

Məlumata görə, Əsədullayevlərin valideynlərindən biri həmin qəbiristanlıqda dəfn edilibmiş. Onlar valideynlərini ziyarətə getmək adı ilə bürünc barelyefləri gözaltı edir, sonra qəbiristanlıqda adam olmayanda onları qırıb aparırlarmış.

Faktla bağlı araşdırma davam edir. Saxlanılan şəxslər sözügedən qəbiristanlıq ərazisindən 30-dək analoji oğurluq faktı üzrə şübhəli bilinirlər.

8442
Teqlər:
Elmira Əlişovna Ləmbəranskaya, Sahib Əsədullayev, Mikayıl Əsədullayev, əlvan metal, Əliş Ləmbəranski, barelyef, büst, qəbir, Bakı, polis
Əlaqədar
Deputat: "Prezident cəsarətli addım ataraq o qəbirlərin açılmasına göstəriş verdi"
Qəbiristanlıqdan oğurluq edən keçmiş məhkumlar tutulub
Azərbaycanda tanınmış bəstəkar qəbirdən çıxarıldı
Pul ödəyə bilmədilər, qəbirdən çıxarıldılar
Azərbaycanda ölülərin üz döndərdiyi qəbiristanlıq - Müəmma çözüldü
Ölümündən iki ay sonra qəbirdən çıxarıldı və hamını şoka saldı
Təcili yardım avtomobili, arxiv şəkli

Döyülən uşaq xəstəxanada ölüb - Təfərrüat

1167
(Yenilənib 13:11 21.06.2021)
İyunun 15-də 2005-ci il təvəllüdlü Cabir Müseyibov aralarında şəxsi münasibətlər zəminində baş vermiş mübahisə zamanı Nihad Məmişovu yumruqları ilə sifət və bədən nahiyəsindən vuraraq müxtəlif dərəcəli bədən xəsarətləri yetirib.

BAKI, 21 iyun — Sputnik. İyunun 20-də Ağsu rayon sakini Nihad Məmişov daha əvvəl aldığı xəsarətlər nəticəsində xəstəxanada dünyasını dəyişib.

Bu barədə Baş Prokurorluqdan Sputnik Azərbaycan-ın sorğusuna cavab olaraq bildirilib ki, Nihad Məmişovun ağır dərəcəli bədən xəsarətləri alması faktı ilə bağlı Ağsu rayon polis şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə başlanmış cinayət işi üzrə əməl həmin Məcəllənin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsinə tövsif edilib.

İstintaqla müəyyən edilib ki, iyunun 15-də 2005-ci il təvəllüdlü Cabir Müseyibov aralarında şəxsi münasibətlər zəminində baş vermiş mübahisə zamanı Nihad Məmişovu yumruqları ilə sifət və bədən nahiyəsindən vuraraq müxtəlif dərəcəli bədən xəsarətləri yetirib.

Həmin xəsarətlər nəticəsində N.Məmişov stasionar müalicədə olduğu Bakı şəhər Neyrocərrahiyə xəstəxanasında ölüb.

Cabir Müseyibov Cinayət Məcəlləsinin qeyd edilən maddəsi ilə təqsirləndirilən şəxs qismində cəlb edilərək barəsində həbs qətimkan tədbiri seçilib.

Hazırda cinayət işi üzrə istintaq davam edir.

Eləcə də oxuyun:

1167
Teqlər:
ölüm, Bakı, Ağsu, döyülmə, uşaq
Əli qandallanmış kişi polis bölməsində, arxiv şəkli

Yetkinlik yaşına çatmayan şəxsə qarşı quldurluq edənlər saxlanılıb

16
(Yenilənib 22:58 19.06.2021)
Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

BAKI, 19 iyun - Sputnik. Paytaxtın Xətai rayonu ərazisində yetkinlik yaşına çatmayan bir nəfərə qarşı quldurluq edilib.

Daxili İşlər Nazirliyindən verilən məlumata görə, zərərçəkən şəxs Xətai Rayon Polis İdarəsinə müraciət edərək bildirib ki, M.Hadi küçəsində yerləşən restoranlardan birinin qarşısında iki nəfər tanımadığı şəxs ona yaxınlaşıb.

Daha sonra həmin şəxslər onu əllərində olan bıçaqla həyat və sağlamlığı üçün təhlükəli zorakılıq tətbiq edəcəyi ilə hədələyib mobil telefonunu tələb ediblər. Zərərçəkən telefonu onlara verəndən sonra həmin şəxslər hadisə yerindən qaçıblar.

Məlumat daxil olan kimi Xətai Rayon Polis İdarəsinin Cinayət Axtarışı Şöbəsinin və 36-cı Polis Bölməsinin əməkdaşları tərəfindən hadisə yerinə baxış keçirilib, həmin ünvanda zəruri əməliyyat-istintaq hərəkətləri icra edilib. Həyata keçirilən təxirəsalınmaz axtarış tədbirləri nəticəsində qeyd edilən hadisəni törətməkdə şübhəli bilinən əvvəllər məhkum olunmuş Vasif Əliyev və İlham Həsənov saxlanılaraq istintaqa təqdim ediliblər. Hər iki şəxs ifadələrində törətdikləri cinayəti etiraf ediblər.

Qeyd edək ki, zərərçəkənə məxsus mobil telefon saxlanılan şəxslərin üzərindən aşkar olunaraq maddi sübut kimi götürülüb.

Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

16
Azərbaycanın Birinci vitse-prezidenti Mehriban Əliyeva

Mehriban Əliyevanın o füsunkar geyiminin müəllifi kimdir?

0
(Yenilənib 20:59 21.06.2021)
Amerikalı model Bella Hadid və digər məşhurlar tərəfindən yüksək dəyərləndirilən bu brenddə üsyankar ruh, avanqard və azadlıq notları var.

BAKI, 21 iyun — Sputnik. Azərbaycanın vitse-prezidenti, Azərbaycan Respublikasının prezidentinin xanımı Mehriban Əliyeva öz zövqlü geyimləri ilə hər kəsi valeh edir. O, bir çox moda jurnalları və portallarda dünyanın ən zövqlə geyinən First lady-ləri arasında ön sıralarda yer alır.

Onun bu il mayın 9-da faşizm üzərində tarixi Qələbədən 76 il dönümü münasibəti ilə iki dəfə Sovet İttifaqı Qəhrəmanı Həzi Aslanovun məzarını ziyarət edərkən geyindiyi boz rəngdə plaş isə moda dünyasında geniş müzakirələrə səbəb olub. Hər kəs Azərbaycanın birinci xanımına bu geyimin çox yaraşdığını, zərif görünüşünü tamamladığını qeyd edir.

Sputnik Gürcüstan həmin plaşın hansı brenddən olduğunu araşdırıb. Məlum olub ki, Mehriban Əliyevanın geyindiyi həmin boz plaşın müəllifi Gürcüstanın "Situationist" brendidir.

  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
1 / 3
© Official website of President of Azerbaijan Republic
Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
"Gürcüstanın sosial şəbəkəsinin istifadəçilərinin diqqətini xanım Əliyevanın Gürcüstan brendindən boz rəngli bir plaş geyməsi çəkib. Geyim öz lakonikliyi və "Situationist" xas asimmetrikiyi ilə seçilir. İlham Əliyev və Mehriban Əliyevanın fotolarını gürcü brendinin özü də sosial şəbəkədə paylaşıb", - deyə məlumatda bildirilir.

"Situationist" brendi dizaynerlər İrakli Rusadze və David Qiorqadze tərəfindən 2015-ci ildə yaradılıb. Onların işi məşhur amerikalı model Bella Hadid və digər məşhurlar tərəfindən yüksək dəyərləndirilib.

"Situationist" brendində üsyankar ruh, avanqard və azadlıq notları var. Hazırda İrakli Rusadze "Situationist" üçün yeni modellərin hazırlanması üzərində işlərini davam etdirir.

Qeyd edək ki, Azərbaycanın vitse-prezidenti Mehriban Əliyeva bu ilin mayın 9-da faşizm üzərində tarixi Qələbədən 76 il dönümü münasibəti ilə iki dəfə Sovet İttifaqı Qəhrəmanı Həzi Aslanovun məzarını ziyarət edərkən bu geyimi geyinib.

 

0